سلام عليكم
اخواني اخواتي
بخش بصلب الموضوع خادمه بنجلاديشيه اخذتها من مكتب استقدام مرجعها كفيلها الاول ماصار لها شهر على قدومها قالو الخادمه تبي تشتغل بس ماتبي كفيلها عالعموم اخذتها بسبب الحاجه لها الزبده الشغاله اشتغلت عندي فترة التجربه اسبوع وعطتنا الوجه الحسن وبعد مادفعت الفلوس تغيرت ترفض العمل تتميرض وتحرق عمرها علشان ماتشتغل عالعموم هي الحين طالب برحيل وانا في حيره من امري الخساره موجعه وش دبره عندي ورقة كاتبه في المكتب بلغتها انها تشتغل عندي سنتين واذا ما شتغلت تدفع لي المبلغ لا تنسون مبصمه بس الورقه a4 بالله لا تبخلون مشورتكم

انتظر ردودكم

وعليكم السلام ورحمة الله وبركاته
ما عرفت ايش سبب رفضها للعمل ؟؟؟
شورتي عليك : الخادمة ما وجدت عندكم مبتغاها ومهما آغريتوها تجلس عندكم ماراح تجلس لأن نيتها السفر ، آعرض عليها تشتغل عند عائلة غيركم يمكن توافق وتتنازل عنها بنفس القيمة اللي خسرتها عليها ولا تزيد ،،، وكلامها على الورق كان تريد الخلاص من كفيلها السابق يمكن وجد فيها نفس ما وجدت أنت ،، سفّرها والله يعوضك بدالها بخيراَ منها ولعلها خيرة لكم .....

اولا كفيلها رجعها المكتب وانا اخذتها عن طريق المكتب بعد ماعرضوها علي وقالو لي انها تبي الشغل بس كفيلها الاول ماعاد يبيها المهم اخذتها من المكتب للتجربه ونفس ماقلت في الاول الشغاله عندها خبر اربع شهور وطفشان علشان نسفرها على حسابنا ويوم ماشفت اي رد منا قالت ابي اسافر ماعاد ابي اشتغل في اي مكان ابي اسافر وش الحل مافيه شي يرد لي ولو شي بسيط

تقدر ترجعها للمكتب إذا مازالت تحت ضمانهم ، وإذا الضمان آنتهى آخبروا الخادمة تشتغل عندكم بقيمة تذكرتها وسفروها وآحتسبوا الآجر عند الله ،، وهذا درس لا تنسوه ما تآخذوا خادمة مسترجعة من كفيل آخر مهما كانت ظروفكم ،، ( لا يلدغ المؤمن في الجحر مرتين ) وبالله التوفيق .....