لا استقدام شخصي
لو سمحت كيف اتصل على السفاره ودي بالطريقه والله مليت ومعقوله جواز يجلس شهر بالسفاره

لا استقدام شخصي
لو سمحت كيف اتصل على السفاره ودي بالطريقه والله مليت ومعقوله جواز يجلس شهر بالسفاره واخذت الرقم اللي بموقع الوزاره الخارجيه تبع سفاره السعوديه بالهند وادق ينفصل مايكمل ليه وين المشكله

الله يفرج همكم ويسعدكم ياحي ياقيوم ماقصرتوا

السلام عليكم

حسب تعاملى سابقا مع الهند

التفييز يتم في ايام الاسبوع بدون استثناء ايام محدده ...

و بخصوص السفاره ما يردون او ان رنة الهاتف ما تكمل ...

نادرا جدا يتفاعلون مع المكالمات الدوليه .... و الافضل الاتصال جوال على احد هناك في السفاره

و بخصوص تفييز خادمه هندية .. للأسف الوقت الحاضر فيه بعض الصعوبات و نتمنى حلها ..

وهذا احد اسباب عدم استمراري بالتعامل مع الخادمات الهنديات

بالتوفيق

الله يجزاكم خير يارب والله ييسر امر التفييز يارب

الحمدلله ابشركم وصلت شغالتي الهنديه اللله يسخرها لحبيبتي امي الغاليه رغم انها رفعت ضغطي تقول المكتب قالي طباخة مو شغاله قلت من جدك انتي وش راح تطبخين فلفل في فلفل استغفرالله العظيم
قلت طيب قالك المكتب كذا وريني تدريبك عالطبخ طلعت ماعندها سالفه شاي ماتعرف تسويه واقتنعت تشتغل خادمة والله يستر

ماشاء الله تبارك الرحمن الله يطعمكم خيره ويكفيكم شره ويسخرها للوالده
انا لحد الحين ماتفيززت الله ييسر. امري وامر كل مسلم

اللهم امين ياقلبي وهي جايه سألتها كم وحده معاها تذكرت سالفة مشكله السفارة الهنديه استغربت لمن قالت معاي ثلاث ثنتين مسلمات ووحدة هندوسيه كلمت الهندي الوسيط ايش السالفه تقول ان رحلتهم استغرقت ثلاث ايام قال ايه لانهم على كذا رحله بصعوبه نجيبهم فطلعت بالخطوط القطريه من مومباي للشارقه الى دبي الى مدري وين ووين واخر محطه اظنتي قال من الدوحه الى الدمام طبعا فيه خادمات جابوهم الى الدمام وبعدها الكفيل يتصرف فيهم الى مناطق ثانيه وحدة من اللي كانوا معاها كانت لشخص بالرياض بس مانزلت بالرياض استلمها بمطار الدمام
بالعربي السالفه غير نظاميه بالترحيل من هناك يدفعون فلوس لشخص ويركبهم الطيارة ولاحظت الخوف فيه لاتعرف السفارة عن شي لمن جبته يترجم لها انه هي تبي تشتغل طباخه عصب عليها وبنفس الوقت كلم المكتب اللي هناك يفهمها لاتنكبهم

عذرا على الاطاله والله يسر امور المسلمين اجمعين

كلامك يا فجر صحيح

لان للأسف البرلمان الهندي لم يقر رسميآ بموافقة سفر الخادمات

و الاعجب ما زالت السعودية تصدر تاشيرات عاملات هنديه

و سفرهم من هناك صعب جداااااا يستوجب خروجهم من عنق الزجاجه الى ان يصلوا للسعوديه

و دفع فلوس في كل نقطه الى ان تصل ....

بالتوفيق

السلام عليكم ورحمة الله
بالنسبة للفيزا انا وكلت مكتب بالهند خلال 10 ايام تم التفييز هذا الكلام الاسبوع الماضى والى الآن ماجتني ولا حتى حجز لها مدري والله ويش يصر بس ان شاء الله الاموور تمام .... وفقك الله ،،،

المشاركة الأصلية كتبت بواسطة fajer.09

اللهم امين ياقلبي وهي جايه سألتها كم وحده معاها تذكرت سالفة مشكله السفارة الهنديه استغربت لمن قالت معاي ثلاث ثنتين مسلمات ووحدة هندوسيه كلمت الهندي الوسيط ايش السالفه تقول ان رحلتهم استغرقت ثلاث ايام قال ايه لانهم على كذا رحله بصعوبه نجيبهم فطلعت بالخطوط القطريه من مومباي للشارقه الى دبي الى مدري وين ووين واخر محطه اظنتي قال من الدوحه الى الدمام طبعا فيه خادمات جابوهم الى الدمام وبعدها الكفيل يتصرف فيهم الى مناطق ثانيه وحدة من اللي كانوا معاها كانت لشخص بالرياض بس مانزلت بالرياض استلمها بمطار الدمام
بالعربي السالفه غير نظاميه بالترحيل من هناك يدفعون فلوس لشخص ويركبهم الطيارة ولاحظت الخوف فيه لاتعرف السفارة عن شي لمن جبته يترجم لها انه هي تبي تشتغل طباخه عصب عليها وبنفس الوقت كلم المكتب اللي هناك يفهمها لاتنكبهم

عذرا على الاطاله والله يسر امور المسلمين اجمعين

كلامك صحيح انا المكتب قال تطلع على رحلة الى سريلانكا ومنه على الدمام او الرياض والله مدري عنهم بس كلامه ممكن صحيح .

لاحول ولاقوة الا بالله