اذا كان عندك خدامة من مكتب المقري الله يعينك يزعجونك بالشكاوي ضدك _ عندنا مندوب السفارة وجانا خطاب من السفارة وليش قلت للخدامة كذا واهلها مشتكينك في بلدها وليش وليش ، لاتتأخر برواتبها يالله سفرها باسرع وقت طبعا كل هذا بعد فترة التجربة لانهم ضمنوا حقهم بل انهم يرسلون خطابات ضد الكفيل الى أقسام الشرطة وكل هذا يقفون مع المكتب اللي في اندونيسيا علشان مايوقف طلباتهم اما انت يالكفيل انواع الازعاج عليك ومع ذلك خادماتهم زي الزفت وجيه قبيحة ومرضى ويقطعن الملابس لأعمال شعوذة . هذاوالله على ما أقول شهيد .

ايضا ابعدوا عن مكتب الرؤيا الشاملة بنفس شارعهم . مكتب سىء ولا يجيب لك على المواصفات ويقولك اذا رفضت العمل ابدلها لك خلال 3 شهور واذا جبتها لهم قالوا لا اثبت لنا انها رفضت العمل ولازم تثبت لنا بخطاب من الشرطة انها رافضة طيب المترجم عندكم وهي امامكم . واذا قلت لهم خلاص ابجيب لكم بس تبدلونها قالوا : لا ممكن تبيعها وتقدم من جديد .

واذا بعتها عن طريقهم قالوا عطنا حق البيعة والسمسرة الف ريال . مكاتب فاشلة ونصابة وطماعة .

اما مكتب المقري من كثر ازعاجهم لي عن السفارة والله ثم والله اني مااستغرب لو قالوا لي ان سعادة السفير عندنا في المكتب ينتظرك يبغى يتفاهم معك .

معقوله هالكلام ماقد سمعناه من احد قبلك

الله يعين الجميع لكن اخي الكريم ان الله يرى و يسمع

فأن كان ما قلت اكيد هذا حقهم في متابعت وضع الخادمة

و هم مطالبون من سفارة بلد الخادمة و سفارة المملكة في بلد الخادمة

ان تتصل على اهلها هذا حق لها او ترسل رواتبها و ان تحسن معاملتها

مثل ما لك حق في تجربتها ثلاث شهور و التبديلها

و مطالبة المكتب في كل حقوقك لكن ان تصل لدرجة الازعاج هذا غلط

الى اذا انت لا تتعاون مع المكتب و الله اعلم

لكن اهم شئ ان لا نحكم على حالات فردية فكيف تعاملهم مع الاخرين

اهم شئ ان نتقي اللة في ما نقول

.................................................. ........................................

نتمنى للجميع التوفيق و السداد

للمعلومة الاستقدام من النيبال في فترة و جيزة لا تتجاوز شهر

باذن لله من تفعيل التأشيرة و اصدار التفويض الالكتروني و الفترة محدودة

اي سؤال او استفسار جوال الهند او المكتب في الرياض

للمراسلة على متصفحي في الموقع او الايميل

والله ماهو فقط انا ، انا لما جيتهم في مكتبهم علشان اشوف الموضوع حصلت واحد بعد متصلين عليه بسبب شكوى ضده . بعدين انت ياصاحب مكتب المرقاب تقوللي مثل مالك حق تبدلها بخلال 3 شهور لهم الحق في الاشياء الأخرى . وين حقي اقولك تجربتي مع مكتب الرؤيا الشاملة رفض يبدل وقالي نبيعها لك . وهو قبل العقد يقول ابد مالك هم اذا رفضت الشغل تبدلها على طول . ولما جاء الجد قام يلف ويدور . انا اقدر ابدلها بالشكوى ضده عن طريق الجهات المختصة لكن انا مابغى كذا انا ابغى مصداقية وتبديل فعلي مش بيع .

انا لي نفس التجربة مع مكتب المقري
رفضت شغالتي العمل وكلمتهم وكلمها المترجم وقالوا ارسلها لنا وارسلتها وحطوها تشتغل عند ناس ثانين واول ماقربت الثلاثة شهور تنتهي قالوا ما جبت رفض العمل عن طريق التسول وراح ننقلها لك
والى الحين وحنا ننتظر
للاسف هذا المكتب شاطر في التصريف والمماطلة والله على ما اقول شهيد