ملاحظة : الرقم خاص فقط بإعلانات العمالة المنزلية
|
|
الله لايحلل ولايبيح من خرب علي البيعتين
حسبي الله ونعم الوكيل حسبي الله ونعم الوكيل حسبي الله ونعم الوكيل اللحين انا اتفقت مع واحد خادمه ورايح منها 6 شهور واكثر 10 الالاف مع نقل الكفاله وقالي تعالي الليله الساعه 8 وبعدها طنشني وادق ومايرد اكيد جاء واحد وزود السعر شووي واخذها.. وقبل امس واعدني واحد بوحده وقالي الخميس تجن تشوفينها لها 8 شهور تسعة الالاف مع النقل ورضيت بعيبها بطيئه بس الحاجه حادتني ابي وحده تساعدني بس لو بطيئه اقل شي واتفقنا واليوم مرسل لي كان لي قريب مجربها وماصلحت له واللحين طلبها وانا اتوقع انو واحد زود له بالسعر واخذها ما اقول الا حسبي الله ونعم الوكيل انتم ماتخافون الله حراااااااااام ماتدرون وش يصير ببيوت الناس والله اني تعبانه مره واطفالي اكبرهم 3سنوات وتوي معلمتها الحمام والثانيه سنتين وتلبس حفاظ الله يكرمكم والثالث عمره 8 شهور كلهم صغار مرات يتعبون مع بعض ومرات يتعب واحد واقعد احدحد فيه لا يعدي اخوانه والصغير تسنين وتعب التسنين وغسيل ملابسهم وبطانياتهم وتنظيف البيت وكلهم اطفال يبون احد يوكلهم ويمشي وراهم مو كبار احط لهم الاكل وامشي وكثير يمشون وراي حتى لو اروح الحمام ياقفون عند الباب لين اطلع وما اقدر اسوي شي منهم ابد يبون واحد بس يقابلهم ويلعب معاهم احيانا اجلس ارضع الصغير يجون البنات يبكون يبون حضني وزوجي مو مقصر لاتولون خله يساعدك ملابسه كلها عند الغسال والطبخ حق زوجي مو كل يوم لان مرات انضغط بشغل البيت ومايمديني اسوي غداء عموما لا احلل ولا اسامح من خرب علي البيعتين وكنت راضيه بالعيوب ((رضينا بالهم والهم مارضى فينا)) وبعدين فلوسي جاهزه وكنت بنقل الكفاله يوم السبت وارجع اقول حسبي الله ونعم الوكيل |
|
|
والله العظيم من كثر مابكيت قهر انخفض ضغطي حسبي الله ونعم الوكيل على من خرب علي بالعكس الرجال كان مرسل لي رساله امس انه عطاني كلمه ومارح يغير كلمته والخميس اللي هو اليوم بجي اشوفها ... وتخيلو انتم مكاني مو اول مره يصير لي هالشي ما اقول الا حسبي الله ونعم الوكيل على من يدق وهو عارف انها خلاص بتنباع لشخص ويقول ازودك فيها ليش حرام عليكم احيانا افكر اترك زوجي وعيالي من كثر ماانا مضغوطه جدا وما احس اني مثل غيري |
|
|
حسبي الله ونعم الوكيل والله ان حتى اللي عطاك كلمه انه ما يخاف ربه هو في كلمته يعتبر باعك ولو يجيه فيها عشرين مو فرق الف ولا الفين المفروض ما يبيع وياخاف ربه (وحرم بيع المسلم علي بيع اخيه المسلم وقال رسول الله صلي الله عليه وسلم لا يبيع بعضكم علي بيع اخيه فلا يجوز للتاجر ان يبيع السلعه مرتين بحجه ان الثاني اعطاه سعر اكثر من الاول ) يا ناس خافوا ربكم ولا تنسيكم الفلوس وطمع الدنيا الحرام من الحلال لا تنسوا انكم بتاكلوا هل مال انتم وابناكم وهل تستطيع غضب ربك ما تخاف احدكم ياكل من هل مال لقمه تتحول في جسمه لي ورم سرطاني وبدل الغش والكذب والحتيال علي الناس يقضي باقي حياته بالمستشفيات وانتي يا اخت سوسو استعين بالله علي تربية ابنائك وتاكدي ان ربك اللي خلقهم ولا ينساهم من رحمته ولا تبكي علي شئ اختاره لك الله يمكن ربي صرف عنك هالخادمات لان لك فيها خيره لا سبب ما يعلمه غير الله
|
|
|
الله يعينكِ اختي ويعطيكِ الصحه والعافية ،، وياكثر اللى مايخافون الله واخر شئ يفكرون فيه ظروف وحاجات الناس . الله يوفقني ويوفقكِ بشغاله تريحنا دمتِ بخير |
|
|
الله يعينك وان شاءالله بيرزقك الله بأفضل منها
|
|
|
الله يعينك اختي نصيحه لكي اختي مثل ماقلتلك قبل خذي اجار حبشيه ب1200 انا والله مابيهم وحلفت ماتدخل بيتي وحده منهم بس اضطريت واخذت منهم لحاجتي للشغاله وقدمي على اندونيسيه تجيك خلال 25 يوم وهذا افضل حل لك واريح لك واضمن لك وتكون كل التكاليف بقيمة التنازل اللي بعضهم كذابين ويكون عيب في الشغاله انا سويت نفس هذي الطريقه بتجلس الحبشيه عندي هذا الشهر والله يعيني اتحملها وانتظر شغالتي الجديده خلال هذا الشهر باذن الله
|
مواقع النشر (المفضلة) |
|
|
|