السلام عليكم

انا يا إخواني ابتلتني وحدة الله يشغلها بنفسها و ضناها عني تكلم شغالتي وتقول لها انتي ماتشتغلين بالشهر وما تعرفين احد يشتغل بالشهر براتب كبير
ابغي ابلغ عنها بس مدري من ابلغ الله يوفقه اللي يدلني *

غيري رقم شغالتك او شيلي الجوال منها
لانها بعد فترة رح تاخذ الموضوع بجديه وتفكر بالهروب

اما تبلغين مين والله ماعندي فكرة

هو الصراحه عرض مغري لهم حطيها ببالك

يعني لو اشتغلت بره تاخذ اضعاف راتبك اللي تعطينها فاخذري

ما انصحك تغيرين رقمها وبس لان هذي تعتبر فيروس لزم الدوله تتخلص منه لانك اذا سلمتي منها غيرك ما راح يسلم منها

فانصحك اذا تبين الاجر ومثل ما تبين المصيبه تحصلك ولا تحصل لغيرك

خلي ولدك والا زوجك يتوجه لاقرب قسم ويعطيهم الرقم واتوقع راح ياخذ خطاب منهم يوجهونه للجوازات

وعن طريق الرقم يحددون موقعها ويتم القبض عليها ويمكن يصيدونها ويصيدون معاها ناس كثير هاربه وتكونين سويتي خير بناس كثير ونقضتي ها الخادمات المسكينات اللي تنحاش وما تدري وش مصيرها
اما تكون لعبه بين رجال والا اي جريمه تنهي حياتها

وفهي نقطه لا تنسينها

اذا غيرتي رقمها لا تنسين مثل ما جابت رقمها المره الاولى تجيبها ثاني مره

فخليك مراقبتها حتى اذا تم تغير الرقم والافضل ما يكون معاها جوال اذا تبي شي تستخدم تليفون البيت تشتري بطاقة مرحبا وتكلم من الثابت على اهلها واهلها تعطيهم رقم الثابت يدقون عليه اذا بغواا شي اشوله جوال

والاهم من هذا كله لزم تجلسين معاها جلسه وتنبهينها ان هذولي ناس مخالفين والقانون يعاقبهم بالسجن
والغرامه ومهما كان الى متى بتجلس هربانه مصيرها ترجع لاهلا ويكذبون عليك اذا قالولك يطلعونك تهريب مع انه مو كذب تطلع عادي برشاوي بس انت قوليلها كذا ونبيها عن عملهم انه كله اختقار للمراه واهانه وذل لها وتعذيب واغتصاب وما فيه شي يضمن ان يدفعون لك ريال واحد


فاذا اقتنعت صدقيني لو يكلمها سفير دولتهما ما راح تصدقه


والله يحفظكم من كل مكروه

خذي الرقم وبلغي الشرطه

والله ياختي انتبهي على شغالتك...شغالتي ماتعرف طينها من عجينها ...والله انا ماتعرف باب الشارع وينه فيه ...وحنا ساكنين بعماره في الدور السادس يعني مايمديها تكلم احد من شباك....بسبب الجوال زنو على راسها وهربت ومن زود انها ماتدري وين الله حاطها كان في فلوس على الطاوله وذهب هربت وماشالت معها ولا ريال
ويوم ثاني جوالها مفتوح نسالها ليه طلعتي قالت انا ابغي فلوس وبعدها قطعالجوال ولا حس ولا خبر

ترى هلفتره كثير هروبهم ....تخيلي حنا في القطيف ولمن سالنها وينك فيه تقول في الخبر....كيف عرفت توصف لهم البيت ويجوها ماادري...وهي ماتعرف تقرا ولا تتكلم عربي ...يعني اسماالشوراع واللوحات ماتعرف تقراهم

انتبهي على شغالتك ياختي ترى قرب رمضان وزايد هروب الشغالات هاليويمن

الافضل تغيير رقم الجوال

بالنسبة تقديم البلاغ اعتقد ما راح يكون هناك تجاوب لان الموضوع اغراء هروب خادمة !! فية قضايا اهم
ولكن اتمناء الاتصال على نفس الرقم وتهديدة او تحديد معلومات الشريحة

والله يعينك يارب

كلها شريحة جديده وأنتهى الموضوع ..


بعدين ياعزيزتي يكون في معلومك أي خادمه معها جوال راح تعرف بكل شئ ولو تبغى تهرب راح توصلها التعليمات من بلدها موضروري من هنا..

بالتوفيق ..

غيري جوالها وارتاحي