 |
 |
 |
 |
 |
ملاحظة : الرقم خاص فقط بإعلانات العمالة المنزلية
05-09-2012, 11:41 AM
|
|
|
|
قصيده فكاهيه في الخادمات
قصيدة قرأتها في أحد الصحف منذ وقت ليس بالقصير قصيدة تجمع بين الفكاهه والنقد الاجتماعي وتمثل وجهت نظر قائلها أتمنى أن ترقى إلى ذائقتكم دمتم . اقرأوها : جتني وبروي عن هبلها حكاية = اقصّها للناس ودي يشوفون الفصل الاول من فصول الروايه = وقفت بالصاله وجتني على هون مكشّفه من غير ستر وعبايه = ومعطّره من عطرها اللي يحطون قالت سلام وقلت مطلب وغايه = ولاهي من اللي لاحكونا يرطنون مشيت تتبعني وتمشي ورايه = ويوم ٍ نزلت الدار نزلوا يحيّون ام العيال وكلهم يا غلايه = وعم الفرح فالبيت بوصول لعبون قلت استرحت من التعب والشقايه = والدوشه اللي كل يوم ٍ يسوون جابت لي المقسوم وقالت عشايه = أكلي من الجاهز مغلّف بكرتون هذا من شروطي وعقدي معايه = والناس عند شروطهم مايخلفون قلت ابشري ياللي ماتشهي شهايه = من باكر ٍ تلقيه حاضر وممنون بالخير نمنا يامنام الهدايه = ومن الصبح ناديت ياناس تكفون لاتعلموها النوم نوم الضحايه = ويابنت وش طبعك من اللي ينامون قالت ابويا نوم مافيه كفايه = سهران طول الليل جنب التلفون تتكلمي مع مين قالت هوايه = هذا خطيبلي ولد عمّنا جون قلت اعقبي ولعل تاخذك حايه = اعدمت هذا الوجه واعدمت هاللون والفصل الآخر عقب صبري نهايه = جتني تلعن قالت البيت مجنون دسّوا لي المكياج وين المرايه = يصير اروح السوق وماني بمزيون قلت اعقبي ثاني وكفّي رغايه = السوق عندي لا يروحوا ولا يجون قالت ابوبا مشكله كيف دايه = وشغالة الجيران كل يوم ٍ بروحون اثري شريت براس مالي بلايه = وطاوعت مستوره وقلّدت هارون وجبتها اللي ماتسمّى سمايه = انا اشهد اللي جابهن جاب فرعون من اول ٍ فالبيت طشت ورحايه = والماء نجيبه بطاسه وجالون وحريمنا اللي ماعرفن القرايه = صبر الجمال الراحله مايونّون واليوم رغم علومهن والحوايه = والبيت من كل التواصيف مشحون كشخه وسياره وفلّه سرايه = وبرّاد فالمطبخ وغسالة صحون وتزعل اليا ما جبتلها الهندوايه = وتزوم زوم اللي من الحيل مغبون وش حدنا ياناس هذي زرايه = خلوا حريم البيت فالبيت يخدمون ولكم تحيااااااااااااااااااااااااتي |
| مواقع النشر (المفضلة) |
|
|
|
العرض الشجري