الله يفرج على كل من بيساعدنا أختي كان عندها خدامة اندونيسية سافرت قبل شهر ونصف ومن يوم سافرت واختي طايحة بالأمراض اشكال وألوان ماخلينا مستشفيات من عيادة لعيادة ومندكتور لدكتور وين في دكتور شاطر رحنا ومافي فايدة ، اخيرا رحنا للشيوخ يقرون عليها كلهم اجمعوا ان مسوى لها سحر من الخدامة ولازم نوصل لها عشان تفكه لأن السحر قوي وأختي ماراح يروح عنها البلا الي فيها الى ان تفك الخدامة السحر
المشكلة أن الخدامة راحت بلدها سووا لها خروج نهائي لأن شعروا أن عندها حركات غريبة وتكلم بالجوال فترات طويلة عشان كذا سفروها نهائي ولا بعرفون لهاعنوان ولا رقم هناك وصار لها هنا تشتغل عشر سنين في السعودية وقبل اربع سنوات ماخذينها تنازل من عائلة يعني مافي مكتب يرجعون له بعنوانها كل الي يعرفونه عنها أنها من منطقة اسمها جيانجور في اندونيسيا وعندهم لها صورة من جوازها بس هذا كل مالديهم فكيف يوصلون إلى هذه العقرب لأجل إقناعها ولو بفلوس انها تفك سحر اختي ؟

هلابك اختي ام صلاح

والاحول والا قوة الا بالله

الله يشفي اختك وحسبي الله ونعم الوكيل

الله لا يهينك شوفي اذا لها علاقات مع خادمات الاهل او القرايب شوفو الخادمه الي دائم تحتك فيها

وحاولي توصلين لارقامها وافيديني

وبخصوص جيانجور منطقه كبيره وتتبعلها قرى كثيره

وانا راح احاول والله يسهل الامور

تحيتي

جزاك الله خير أخ مسير شفنا الخدامات وسالناهم وحاولنا مع الي اكثر وحدة كانت تحتك فيها قالت انها ماتعرف لها عنوان ولارقم ولاشي

الله يشفيها ويفكه عنها ان شاء الله اختي طيب مافي شي من اثرها عندكم يعني مابقى شي منها واذا مافي اي شي حاولو توصوصلون للسفير او القنصل في اندنيسيا عن طريق صور جوازها ممكن يساعدكم

واختي في ,,, بلخفجي اسمه الرشيد يمدحونه اخذوها له وان شاء الله باذن الله انه يسوي لها شي من كتاب الله واذا مالكم احد بلخفجي تبين اساعدكم من عيوني والله يشفيها ان شاء الله

تم ارسال رساله خاصه

جزاك الله خير أختي أم سلطان والله يبعدعنكم وعن كل المسلمين كل شر
جزاك الله خير أخ عبدالله وسامحني ماقدرت أرد عليك برسالة شكر لأن مشاركاتي قليلة
الله يبعد عنكم الشر و يحفظكم وعيالكم واهلكم وكل من يعز عليكم

سهله الله يجزاك خير
اذا تعرف رقم جوالها القديم اللي تكلم منه خذ الرقم واسحب فاتوره او اسحب جميع الاتصالات الصادره من هذا الرقم لاندنوسيا وتحصل رقم اهلها
وقلها اول شي اريدك ترجعين لنا تعملين عندنا وجبها لسعوديه وقرب هيئه الامر بالمعروف والنهي عن المنكر

أخ الزبني جزاك الله الف خير فكرة ممتازة بنشوف رقم جوالها وعساه يكون اتصالات سوا مو موبايلي لان يمكن موبايلي ما ادري عنه نقدر نطلع لها فاتورة او لا
الله يزين أيامك بالخير ولايوريك مكروه أنت وكل من يعز عليك

لاحول ولا قوة إلا بالله

الله يسهل أموركم يارب ويشفي مريضكم وحسبنا الله ونعم الوكيل

طيب من صورة جوازها ما تقدروا تراسلوا السلطات الاندنوسية ونصيحة كلمي السفارة السعودية وارسلي لهم صورة الجواز بالفاكس وان شاء الله يساعدوك
شيء ثاني اعروا اختك على ,,, متمكن
فتشوا البيت شبر شبر ولا تتركوا شيء وخصوصا غرفتها ودورة المياه الي كانت تستخدمها
خلي اختك تقرا سورة البقرة يوميا هي بنفسها راح تتعب كثير بس لازم تداوم وتداوم وباذن الله يطلع السحر منها