]هل تأكلون من طبخ الشغالة ( الخادمه ) ؟؟

السلام عليكم ورحمة الله وبركاته



نحمد الله ونشكره على النعمة التي انتشرت في أرجاء المملكة ولعل من بين ظواهرها ( الجيدة أو السيئه ) اعتماد الكثير من الأسر على الخدم
بل إن بعض الأسر لديهم أكثر من خادمة ومن المهام التي تقوم بها الخادمة المنزلية ما يلي :-



- التنظيف بكافة أنواعه للمنزل والأدوات والملابس وغيرها.



- الاهتمام بلباس الأطفال ونظافتهم.


- رعاية الأطفال الصغار أثناء غياب أمهاتهم.



- الطبخ بكافة درجاته ...


ويتفاوت الناس في الاعتماد على الخادمات أو الشغالات فهناك أُسر تعتمد كلياً على الخادمة حتى في الطبخ من تقطيع البصل واللحم او الدجاج









مرورا بتذوق الملح حتى تجهيز السفرة وتقديمه في الصحن


والاخرى ترى بأسا من اقتراب الخادمة من عملية الطبخ


السؤال :-


هل تأكلون الطبخ من ايدي الخدم ؟ ، ولماذ ا؟


في انتظاار ردودكم !!![

قد تكون الخادمة تطبخ لعدة اسباب
لان طبخها افضل
او هي انظف من صاحبة المنزل
او صاحبة المنزل لما تشبع من النوم
او جارتنا شغالتها تطبخ لازم نقلدها

لا مااكل من طبخ الشغاله بس اخليها تطبخ اذا عندي ضيوف لاني مشغوله معهم ومع ذالك ماكل واذا اكلت اكله غصب انا احب اطبخ والشغاله لتنظيف مع اني اتمنى الشغاله ماتدخل المطبخ نهائياااااا ولاتلمس المواعين بس المضطر يركب الصعاب

والله يا فاتن انتي تبي تسمعي وجهات النظر او عندك شي تبي تقوليه ؟؟؟ لان ردك يدل علي هالشي ؟؟

شوفي انتي لك الحريه والحق بالتعبير عن وجهة نظرك بكل صراحه ومباشره ولا تخلي اي شي يسلب منك هالحق الشرعي .


وبالنسبه لسؤالك اذا الناس تروح المطاعم والكفايهات وتاكل فيها واغلب اللي يشتغلو جنسيات اسيويه ايش المانع انهم ياكلو من طبخ العامله المنزليه مااشوف اي فرق بالعكس احسها هي انظف منهم ع الاقل تكوني مشرفه ع الاكل وتعرفي مكوناته وكيف انطبخ

هذا وجهة نظري الخاصه
تحياتي

فاتن


انتي سئلتي ولا طبقتي السؤال ع نفسك اولا لكي نعرف وش ردك انتي اولا



وانا مع كلام الاخت ربي ورضاك الجنه في كل كلامها


انتي الحين تشتري اقل شي تميس بريال والباكستاني يلف العجينه لف على يده ويده كلها شعر شوفي كم شعره تلصق بالعجينه وانتي تجي تأكليه وتقولي ما فيه مثل حق التميس الفلاني وكمان لو تشوفي عرقه كيف ينزل في الفرن
لذلك قولي الحمدلله على طبخ الشغاله

اسئلي نفسك انتي سؤال

لو انتي متزوجه وعندك عيال ولا يوجد لديك شغاله وش تسوي

* راح تنظفي البيت كله بما فيها دورات المياه اكرمكم الله
* راح تنظفي اولادك
* راح تنظفي كل شي بالبيت

وفي الاخير راح تطبخي ............... تتوقعي هل زوجك راح ياكل من يدك


قولي الحمدلله على الشغاله وش زين طبخها



تحياتي

الشغالة في بيتها وعند زوجها واولادها تطبخ لهم وياكلوا من يدها
وانتي تطبخي لزوجك واولادك وياكلوا من يدك
ايش الفرق بيننا وبينهم ؟؟؟؟؟؟؟؟؟
الشغالة ياما وقفت مواقف مع ربات البيوت
تطبخ لهم ايام الوحم في بداية الحمل وتكون الحامل تتأفف من رائحة الطبخ وتلوع نفسها عندما تشمه وهو ينطبخ ولكن تأكله عندما يجهز
تطبخ ايام النفاس اربعين يوم حضراتنا مستلقيات وهذة عادة حتى لو استعادت النفاس صحتها في اقل من شهر وتعتني بالبيت والاولاد
وتطبخ للضيوف وتشرفنا امامهم وتكون فرحة ومتحمسة لاجل ترضينا وترضي ضيوفنا
من يقوم بالمهام الصعاااب في رمضان طبعا حضرة الشغالة خاصة ادا ربة البيت موظفة
لانقول نحن نوسوس وزوجي مايحب ياكل من يدها كله كلاااام وبس الا يجي يوم ويستسلم وياكل من يدها مثلما ياكل من يد عمال المطاعم
اهم شي نعلمها بطريقتنا في الطبخ ومتابعة نظافتها ونظافة جسمها ويديها ونحسسها بالثقة ونمدحها والله يجزاهم كل خير يشتغلوا في بيوتنا
ويبذلوا مجهود اكثر مما يبذلوا في بيوتهم وبلدانهم فهم يعيشوا عيشة بسيطة بلا تكاليف ولا مظاهر عيشة كفاف ... فلا ننكر معروفهم ابدااا

ماعمري جربت هالشعور فبيتنا ..

لكن لو يحصل لي مااقول لا ، وش فيها الشغاله ؟!!
ياختي ببيتك وادواتك وبإشرافك .. اكثر من كذا نظافه !!
بالعكس اتمنى ربي ييسر لنا ويرزقنا طباخه والله

المشاركة الأصلية كتبت بواسطة المندوبة

الشغالة في بيتها وعند زوجها واولادها تطبخ لهم وياكلوا من يدها
وانتي تطبخي لزوجك واولادك وياكلوا من يدك
ايش الفرق بيننا وبينهم ؟؟؟؟؟؟؟؟؟
الشغالة ياما وقفت مواقف مع ربات البيوت
تطبخ لهم ايام الوحم في بداية الحمل وتكون الحامل تتأفف من رائحة الطبخ وتلوع نفسها عندما تشمه وهو ينطبخ ولكن تأكله عندما يجهز
تطبخ ايام النفاس اربعين يوم حضراتنا مستلقيات وهذة عادة حتى لو استعادت النفاس صحتها في اقل من شهر وتعتني بالبيت والاولاد
وتطبخ للضيوف وتشرفنا امامهم وتكون فرحة ومتحمسة لاجل ترضينا وترضي ضيوفنا
من يقوم بالمهام الصعاااب في رمضان طبعا حضرة الشغالة خاصة ادا ربة البيت موظفة
لانقول نحن نوسوس وزوجي مايحب ياكل من يدها كله كلاااام وبس الا يجي يوم ويستسلم وياكل من يدها مثلما ياكل من يد عمال المطاعم
اهم شي نعلمها بطريقتنا في الطبخ ومتابعة نظافتها ونظافة جسمها ويديها ونحسسها بالثقة ونمدحها والله يجزاهم كل خير يشتغلوا في بيوتنا
ويبذلوا مجهود اكثر مما يبذلوا في بيوتهم وبلدانهم فهم يعيشوا عيشة بسيطة بلا تكاليف ولا مظاهر عيشة كفاف ... فلا ننكر معروفهم ابدااا

عين العقل وعين وعين الصواب

اهنيك ع اختيارك الجميل للكلمات

ياحليل الخادمه اللي تطبخ في البيت عند بعض المطاعم والعماله اللي تشتغل فيها...

لايغرك مطعم صغير ولا كبير ..الوسخ وسخ ..وجبات سريعه ولا خفيفه

واللي يتسابقون كثير من الاسر علي الطلب من تلك المطاعم ..والله اعلم وش داخل تلك المطاعم ..

الخادمه في البيت عندك علي الاقل .. وتاكل من نفس الاكل..وتحت اشراف اهل البيت ..ويشوفون كل صغيرة وكبيرة ...

الخادمه طالما ادخلت للبيت يجب ان نرضي بكل شي يجي منها...لانه يجب ان نكون دقيقين في اختيارها حتي نرتاح لها وهي تعمل للبيت ..

اما وادخلت للبيت ..تعتبر احد افراد الاسرة ..وجب علينا الرضي بكل شي يجي منها ..

اما دامنا وصلنا لمرحلة التشكيك في طبخها وجب علينا الحذر منها في كل شي حتي التخلص منها ..تحياتي

يعني الكل ياكل من اكل المطاعم وهم هنود الحمدلله والشكر! كيف هذي الي دايم ماشالله يدها بالكلوركس والصابون!خصوصا إذا عقبتِ على نظافتها واهتمامها بنفسها،، وبالنسبه لي افضل تجربه للموظفه ؛تسوي اكل الأطفال من بدري ،، لانه حرام ينتظرون ،، وأنا اسوي اكلنا حتى لاتسلبني مملكتي ! بس لامانع من شغل الضيوف زي اللف والحشوات ،، وانتِ معاها ،، ( اللهم لگ الحمدُوالشكر كما ينبغي لجلال وجهگ وعظيم سلطانك)

الله أكبر يعني نأكل من المطاعم وهي كلها عماله مانعرف من يتابع نظافتهم وما نأكل من يد شغالتنا وهي تحت اشرافي وقدام عيني والقفاز ما يطيح من يدها بالله وش ذا المنطق يا ناس


الشغاله الجديده لا يمكن اخليها تلمس شي بالمطبخ الا بعد شهر من وجودها اخليها طول الوقت تتعلم كيف تنظف وكيف انا اطبخ عشان اذا طلبت منها تلبس قفاز اثناء اعداد الأكل عادي ماتستغرب لانها تشوفني ألبس وتبدأ تقلدني

والله فيه شغالات طبخهن له طعم مانمله

تحياتي لكم جميع وشكرا لكم علي المشاركات الجميله الاغلبيه ياكل طبخ الخادمة
وانا والله الحمد لهذا اليوم لما اكل ولا حتى اشرب كاس ماء من الخادمه ولا ممكن ومستحيل
ولكن الاخت اللي قالت تساعدني لا جا عندي ضيوف شعرت بالخوف وكم من ناس يقدموا لضيوفهم طبخ الخادمه وهم في بيوتهم يرفضوا ان تطبخ والاخ اللي يقول التميس والمطاعم هذا في ذمه المشرفين علي النظافه ولا قصر فيهم داود الشريان
اما بالنسبه لي اثق في الشركات والمصانع فقط والله يسلمني لنفسي لقمه من يدي اكلها مرتاحة البال تسوا الف صنف

هههههه ادري بتقولوا موسوسه
سمعتها كثير
بس علي ما قالت جدتي الحرص واجب والسنعه تسوي لناس مايسوون لها
تحياتي لكم جميع