السلام عليكم ورحمة الله وبركاته
اخواني واخواتي الكرام

هذة قصتي مع وحدة من الشغالات اللي استقدمتهم من مدة والقصة ليست حديثة بس حبيت اذكرها لكم عشان تدعو لزوجي رحمة الله عليه لقد توفي منذ عدة سنوات
المهم هذا كان عندي شغالة فليبينية اشتغلت عندي مدة سنه ونصف تقريبا بس والله انها جننتني فيهم ولكني استحملتها عشان اولادي كانو صغار وما في احد احطهم عنده وانا موظفة وما ارجع للبيت الا العصر
قبل شهر من تسفيرها صارت تتصرف تصرفات غريبه يعني تتخيل اشياء وتصيح وتقول كلام كله كذب وكنت اقول معلش بطول باللي عليها واجري على الله لحتى في يوم صارت ما تنام بالليل وتصحيني وتقوللي انها خايفه ومدري ايش >>>>>> نسيت القصة قديمه
المهم اخدها زوجي لدكتورة نفسية وقالت له هادي عندها انفصام بالشخصية ومن سردها للدكتورة انها كانت تشتغل بقطر وانها مريضه من زمان بس ما قالت لاحد خايفة نسفرها وطبعا ما كانت تاخد ادويه ولا شي ونحمد الله انها ما عملت شي للاولاد
زوجي للدكتورة : طيب والحل ؟؟؟
قالت لازم تتعالج وتسفرها على طول
زوجي الله يرحمو يا رب ويغفرله راح وداها على مستشفى الصحة النفسية وهناك عرف انهم بينوموها كم يوم ويعطوها علاج كهربائي عشان تصحى من الفصام شوي وبعدين بيكملو بالأدويه
قام زوجي رفض العلاج الكهربائي وقال بسفرها على طول عشان تتعالج ببلدها واللا بيحطوها بالترحيل
بس المشكلة انها ما تقدر تسافر لوحدها لأنه وضعها العقللي مش مستقر واصلا ما يعطونا بدل فيزا الا لما تسافر
فكرنا فكرنا وبعدين قررنا نخبر سفارة بلدها عشان تتصرف معها وهناك بالسفارة قالو له سفرها بروحها وما يهمك قالهم زوجي لا حرام البنت ما تقدر تسافر بروحها المسكينه ما تعرف تفكر اخاف لما توصل مانيلا تضيع بالشوارع لانها صارت زي المجنونه (يا لطيف الله يعافينا مما ابتلاها به) وقال لهم لازم ترسلوها مع مرافق من عندكم بالسفارة قالو له لو كل فليبيني بينجن بنسفر معه مرافق كان نحتاج فوق الالف مرافق وصارو يضحكو عليه وقالو له خلص سفرها وما عليك
رجع زوجي محبط وجلسنا نفكر ايش رح نعمل فيها يا ربي ما نقدر نسفرها ولا نقدر نخلليها الدكتورة قالت ممكن تتصرف باجرام لازم تحطاتو منها وما تخللوها تستخدم سكاكين اوي اي شيء حاد
وبعد تفكير عميق قال زوجي خلص انا بسافر معها ما في حل غير هذا ها ايش رايك يا ام ........
قلت والله انك جبتها ما في حل غير كذا وسافر معها زوجي للفلبين واخذها عند اهلها وصلها بيده لهم وهناك قالو له اهلها انها كذا من زمان وحنا كنا نقوللها انها ما تسافر تشتغل بس هي ما ترضى والحمدلله انه وصلها بيدة واللا كان المسكين لو وصلت لمطار الفلبين وما في احد يستلمها لانه اهلها كانو بمنطقة بعيدة كثير وما يقدرو يسافرو على مانيلا وصارت مغامرة >>>>> اخوتي انا كل ما اذكر القصة لزميلاتي يقولو لي مش معقول انه سافر مخصوص لكي يسفرها والله اني احلف لهم بس بيستغربو عليه ويقولو لي انه ما له داعي هو مش مسؤل عنها بس والله يا اخوتي انه زوجي الله يرحمة كان يقول لي انه بالفلبين مليان مجانين مرمين بالشوارع وما حد سائل عنهم تايهين بالشوارع لأنه سافر قبل كده هناك عشان يجيب عمال وكان خايف عليها يقول هذه بنت اخاف احد يعمل فيها شي مع انها غير مسلمة بس زوجي كان يخاف من ربه وكان يعتبرها امانه عندنا
اعرف طولت عليكم بس القصد من القصة انكم تترحمو على زوجي وتدعو انه الله يأجرة ويرحمة بحسنة هذه الشغالة وانه الله يحفظلة عياله ويستر عليهم

وسلامتكم

الله يرحمه ويرحم جميع المسلمين

اللهم اسكنه الفردوس رحم الله زوجك وطيب ثراه

الله يرحمه ويدخله جنات الفردوس يارب العالمين

عليك اختي بالتبرع وخاصه برادات المياه فيه اجرر كبيرر

الله يخليليك اياه يااااارب

رحمه الله واسكنه فسيح جناته ...
صورة لطيفة وطريفة للتعامل الجميل مع الخدم
لعلها تدحض ما ( يثرثرون) به بين الحين والآخر من سوء معاملتنا للخدم .... وشكرا

نسأل الله الرحيم أن يرحم زوجك وأن يفُسح له في قبره ويتجاوز عنه
اللهم اجعل قبره روضة من رياض الجنه
عظّم الله أجركم وغفر لميّتِكم وأحسن عزائكم فيه
وإنّا لله وإنّا اليه راجعون

اللهم ارحم موتانا وموتى المسلمين

الله يرحمه

اهو مات عندهم يعني احد سو له مشكله او ايش

نعم هم امانة عظيمة بس من يقدر هذه الامانه ..
رحم الله زوجك ،، ووفقك لمافيه الخير .