ملاحظة : الرقم خاص فقط بإعلانات العمالة المنزلية
|
|
اللي عنده خبره يقولي حكم مكتب العمل في هالحاله
سواق استقدمته عن طريق شخص سعودي وجا مخالف لشروطي بشكل كبير كبير بالعمر ولايعرف كيف يشغل السياره وغير قابل للتدريب حاولنا ندربه اول 3 اسابيع اخوي ياخذه شوي والسائق الثاني يطلعه شوي بدون فايده لايعرف يسيطر عالسياره ولا يثبت الاماكن لو يطلع للبقاله اللي ورا البيت ضاع المهم قلنا له خلاص انت مامنك امل لازم تسافر جلس يبكي ويترجى انا شوي شوي يجي معلوم وعلى هالاساس سويت له كشف طبي وطلعت اقامته وهو توه مكمل شهر واخذت سواق ثاني نقل كفاله كلفني 11 الف وقلت ادرب هذا بالراحه لحد مايتعلم وانقل كفالته واعوض بع خسارتي وفي يوم طلعناه وريوس على سياره ماشيه ودمر السياره الرجال تنازل واحنا صلحنا صدام سيارتنا ب1600 ريال المهم بعد هالحادثه هو من نفسه خاف وعرف انه مامنه امل بالسياقه وممكن يتسبب على نفسه وعلى غيره رجعنا قلنا له خلاص اذا انت حاب تشتغل نشوف كفيل مايبي سواق تشتغل عامل او راعي قال اوكي وبعدها جبت له بدال الكفيل 10 كل مره يجي الرجال يكلمه تليفون يسأله عن الشغل يبدا يتردد ويتشرط انا مايشتغل بيكري انا مايشتغل مع غنم ومن هالكلام زي البزر يوم يبي شغل ويوم يبي سافر وشغال تطفيش للكفلاء المهم صار شهرين ونص الحين نايم بالغرفه لاشغل ولامشغله حتى التدريب رافض واليوم تفاجأت انه هارب وماخذ شنطته ورامي لي ورقة استدعا من مكتب العمل تتوقعون يدفعوني رواتبه وهو اصلاً ما اشتغل ولا يعرف للشغل !! وهل راح يعوضوني عن التأشيرة وتكلفة الاستقدام وخراب السياره قسما مقهوره يعني يجي للبلد يدربي راسه ويحملني خساير وانتظار ويضيع علي التأشيرة وفوقها يجبرني ادفع له راتب مقابل نومته بالغرفه |
|
|
الصراحة غلط تخلونه كل هذه الفترة المفروض من أول ما نقلتوا كفالة السائق الآخر سفرتوه وإذا طُلب منكم رواتبه ملزومين تعطونه حقوقه وفوقها تذكرة سفر إذا رجع لكم بالسلامه _ سووا عليه بلاغ هروب حتى ما تتحملوا مشاكله مستقبلاً لا قدر الله ...!!! التعديل الأخير تم بواسطة متابع بصمت ; 02-26-2016 الساعة 01:24 AM |
|
|
اولا لازم تخلصين مشكلتك مع مكتب العمل وتقنعينهم باللي صار.. المشكله كلنا شغلنا بالبركه لاعقود ولا مسير رواتب ولا توقيع في اي اجراء نبي نتخذة ضدة سواء كان في صالحه او صالحنا... انتي تتحملين صبرك عليه وقبولك له بمهنة سائق وهو شخص لايجيد القيادة .. بس دام هالحين الفاس بالراس...حاولي انهاء الموضوع مع مكتب العمل بشرح الحقيقه الكامله لهم علهم يقتنعون بكلامك ويتم تسفيرة علي حسابه...وربي بيعوضك خير .. الحياة تجارب ..ويجب تتحملين اي حل يتم التوصل معه عن طريق مكتب العمل ..بالتوفييق |
|
|
نعم تقدري تعملي عليه بلاغ هروب إذا مازال غائب عن البيت وهذا من صالحكم حتى تكون الحجَّة لكم وليس عليكم عند مكتب العمل _ وآكتبوا عليه محضر في الشرطة بما عملتوا له من معروف وبعدها هرب منكم وآسندوا قضيتكم (بالأدلة) كالحادث الذي عمله وما كلفكم ومرفق معكم قيمة التصليح وقطع الغيار لسيارتكم وهذا من صالحكم أيضاً حتى ما تدفعوا أي شيئ مثل تذكرة السفر وغيرها ....
التعديل الأخير تم بواسطة متابع بصمت ; 02-26-2016 الساعة 10:22 PM |
|
|
وبالنسبة للتأشيرة ما يعوضونكم بدالها ما دمتوا آستخرجتوا للسائق إقامة _ وإذا آستقدمتوا السائق عن طريق مكتب رسمي من حقكم يعوضكم بسائق آخر إذا كان بينكم بالإتفاقية شرط رفض العمل أو لا يجيد العمل ..... وسائقكم طبق المثل : ضربني وبكى وسبقني وآشتكى ___ والله المستعان ...!!!! |
مواقع النشر (المفضلة) |
|
|
|