سديتو نفسي عن التنازل وغيرت فكرتي اروح استقدم لي ارخص بس وش الاسعار اللي تحطونها اتقو الله ترى مااحنا بزمن بيع الجواري ماااقول الا حسبي الله ونعم الوكيل 25ولا22ولا28 ولا23 وش ذا ولا20 وش خليتو هاذي اسعار تحطونها يرحم زمان اول كان على 5000ولا8000 وماتتعدى 12000
اتقو الله وتذكرو ان اللي قاعدين تتجارون فيها ترى انسانه وراعو الله فيما تنطقون وتكتبون لايجي يوم ويجور االزمن عليكم موب كل الناس تقدر تدفع هالمبالغ الحمدلله على نعمة الاسلام
وجزا الله خيرا من يمر على موضوعي واسال الله ان يهدي عقول هؤلاء الناس ويتذكرون ان احنا بدنيا زايله وتأملو الايات هاذي وش تقول :
(قل هل ننبئكم بالأخسرين اعمالآ* الذين ظل سعيهم في الحياة الدنيا وهم يحسبون انهم يحسنون صنعآ).

جزاك الله خير.

مايتنازلون عنها بهذي الضروف الا فيها عله او ماتبي تشغل عندهم

ومع هذا بدال لايقول احمد ربي لقيت من يرجع لي فلوس دفعتها للمكتب

ورتحت من فلوس تذكرتهاا


يدبل السعر مرتين ويقلبها تجاره بلبشررواستغلال الضروف ومع الاسف ييلاقي من يشتري منه

وتعال شوف نماذج الي خدامته مابقى بمدتها الا كم شهر بس يكتب لك بين قوسين هي مستعده تجلس سنتين

ولي خلصت خدامته السنتين وبدال لايكرمهاا عند افضل اسره يروح يبيعها بـسعر 3 ادبال عن الي دفعه هو عليها بلمكتب

قبل سنتين وحلل ابو المبلغ

ولي يجيب اثيوبيه ماتكلف باسوء الاحوال واغلى مكتب موجود يجيبها 9 الاف ويبيعها 17 الف والله يعلم وش علتهااا

وممنوع التجربه حفاظا على كرامتهاا ونفسيتهاا وهو لو المكتب قايله مافي 3 شهور تجريبيه كان ماقدم اصلا عنده

ولو طالب منه المكتب زياده الفين كان قوم الدنيا وماجلسهاا

بس لو نطبق (حب لاخيك ماتحبه لنفسك)

كان احنا مجتمع مثالي وبدون مشاكل

انا برئي ان الناس هم السبب اسعار التاجير الخرافيه <طمع العماله وشجعتها على الهرب

البلا منننا وفيناااا

جزاك الله خير اختي افوض امري الى الله على هالموضوع اللي ياليت كل يتنازلون يقرأونه
اختي ريما صدقتي بكل كلمة قلتيها
لا نستطيع ان نقول الا لاحول ولاقوة الا بالله

لاحول ولاقوة الا بالله.... وللأسف النظام شايف وعارف ولا على باله حسبي الله وهو نعم الوكيل اعوذ بالله من 2000 الى 20000

المشكله كل العاملات حلوين طيبين بيحبونا

بس عيبها طبعا ً أول لظروف السفر بعدين حسوا انها طالت طلعوا عذر ثاني الي اهو الجووال بعدين ماتبغى بيت كبيرر و..الخ من الأعذار الوهميه ..

ومع هذا كله أدفع وأنت ساكت وبدون تجربه ولما تاخذها يطلع السنع ..تطلع طباخة أندومي وبيض وتكنس والفيش يمشي وراها <<<

طفشنا ومع ذاك مانتووب ..

جزيتي خيرا ً

الذين ظل سعيهم في الحياة الدنيا وهم يحسبون انهم يحسنون صنعآ).

صحة الآية ( الذين ضل سعيهم في الحياة الدنيا وهم يحسبون أنهم يحسنون صنعا) سورة الكهف آية(104)

طيب واللي تكلفت على سيريلانكية 21الف وغير نقل الكفالة 2000 وغير الكشف والاقامة وصلت 25وراتب شهر لاتتكلمون عن السيرلانكيات تكلموا عن الافارقه صح اما السيرلانكيات اسالوا المكاتب 18بدون التاشيرة يعني 20الف بس انتظري من 4الى6شهور الاستقدام الشخصي 20من دون الفيزا يعني 22غير الكشف والاقامة حسبي الله على اللي حدنا على الخساير واجبارنا بالاثيوبيات حسبي الله عليه الله يقشعه من منصبه الاهبل وزير العمل ساحوني على الفاظي لكن من حره وقهر سنتين يجبرةنا على افريقيات ليه

انا توي شاري وحده فلبينية بي 32 الف ريال وما كملت اربعة اشهر الى وهي هاربه واتضح انه لها علاقة بالمكتب الي باعها لي .... فوضى من اولها لاخرها .. لاكن ما اقول الي حسبي الله على من كان السبب في وصول السوق السوداء لهذا المستوى المتعفن في وجود قلة لاتراعي الله فيما لديها ...

والله انا مصدومه زي زيك
وهذولا بيجي لهم يوم ربك يمهل ولا يهمل ..