ملاحظة : الرقم خاص فقط بإعلانات العمالة المنزلية
|
|
جزاكم الله خير وبارك لنا ولكم الحمد لله ان لازال اصحاب التفكير الراقي والاسلوب العالي متواجدين وبكثره اشكر الكل واتمنى استمرارية النقاش لدراسة الموضوع بايجابياته وسلبياته اخت راجية الجنه الله جعلك سبب لتساعدي هذه المحتاجه والله يكتب لك الاجر ان كانت هذه الاخت في الشرقيه ارجو ارسال رقمها حتى تتفاهم معها ام العيال |
|
|
اذا كان هناك فعلا سعوديات ماعندهم مشكله للعمل في المنازل اتمنى اي عضو يعرف ارقامهم يحطها في المنتدى حتى يسهل التواصل معهم وهم اولى بدل مايكون خيرنا لغيرنا.. انا في بدايه النقاش استبعدت انو يكون في سعوديات بس من خلال اللي قرأته اتضح ان في كثير الله المستعان..انا شفت الدول المتقدمه يكون في مكاتب يقدمون عليها الراغبات في الشغل سواء جليسه اطفال او خادمه .. طبعا بنظام الساعات ويكون هناك سيره ذاتيه للعامله وشهاده حسن سيره وسلوك من اخر عائله اشتغلت عندهم.. وطبعا كثير يقدمون حتى من طالبات الجامعات في الاجازات على هذه المكاتب عشان مصاريف الدراسه .. لأن مفهومهم للعمل مختلف عننا ..فأتمنى اللي يعرف سعوديه اومن اي جنسيه عربيه ترغب العمل يحط الرقم للي محتاج يتواصل معاها ... |
|
|
بس عندي سوال محيرني للي ايدوا عمل السعوديه خادمه هل السعوديه تشتغل بعبايتها مثلا او صاحب البيت واولاده اوت براء البيت الحمدلله والشكر المفروض السعوديه تعيش بكرامتها حتى لو تموت من الجوع لا ومليون لا لكلمة خادمه سعوديه اخاف بكره يفتحون باب الاستقدام من السعوديه ام راكان...... |
|
|
أناارفض عملها في البيوت ولكن اذا كانت مثل ماقالو تعول ابنائها وماعندها اي وسيله للعيش ومافي غير هالطريقه للعيش الله يكون بعونها وبالنسبه لي لايمكن اجيب عامله سعوديه مهما بلغت بي الحاجه استحي اشوفها تشتغل في بيتي وهي مثل امي او اختي والله صعبه .. ويييييييييين المسؤلين عن مثل هذي الحالات لابارك الله فيهم ...
|
|
|
كيف ترضون على اسم خادمة سعوديه ؟؟؟؟؟ مهما كان احتياجها للمال والله لادفع لها من جيبي ولا اقول تعالي اشتغلي عندي خدامه اذا ماحفظت كرامة السعوديه وترضى عليها انها تدخل بيت اجناب فعلى الدنيا السلام صدقني اذا نيتك صافيه غيرك راح يستغلها بأمور ثانيه ومثل مانشوف او نسمع في بعض الدول العربيه كيف تكون الوحده لما تكون شغاله في البيوت اتق الله في كلامك والدائره تدور ياصاحب الموضوع |
|
|
اللي ابي اقوله الى صاحب الموضوع والله العالم بنيته استح على وجهك جاي تدور سعوديه تخدمك تجلس في بيتها ولا تشتغل خدامه واذا انت ترضى الى اقاربك او اهلك فهذا شي ثاني بس السعوديه تاج راسك انت والي ايد السعوديه انها تشتغل خدامه والله يرزقهن ولا يحوجهن الى افكاركم والى شغل الخدامات التعديل الأخير تم بواسطة ابوفهد55 ; 10-16-2011 الساعة 02:55 PM |
|
|
السلام عليكم الناس اللي رافضين فكرة إن السعودية تشتغل في البيت (تساعد أم العيال أو راعية البيت) أو تطبخ (يعني شغلها طبخ فقط) ،،، هذولا ناس عايشين في نعيم من يوم ما ولدتهم أمهاتهم ، ومو متخيلين ان فيه سعوديين أو سعوديات محتاجات، يحسبون الناس كلها تاكل وتشرب وعندها سكن ملك وغيره وغيره ،، ولا الأخ اللي يقول ان السعودية تقعد في البيت ولا تشتغل عند الناس وانت ما ترضاها لغيرك ومن الكلام هذا،، ياخي إذا ما عندها فلوس > ولا عندها معيل > ولا عندها رجال في البيت يفزع لها > ولا عندها أي دخل مهما كان ومن أي مكان > ياخي تبيها تموت يعني ؟؟؟؟؟؟؟ من وين تاكل ؟؟؟؟ ياخي أنا أعرف واحد شهرياً نص راتبه تبرعات لناس (سعوديين) محتاجين ،، يقول مالهم إلا الله اللي خلقهم ،، الناس اللي عايشين في المدن ولا يعرفون شيء عن القرى أو المحافظات الصغار ، هم اللي راح يرفضون فكرة السعودية اللي تساعد أم العيال في البيت ، أو السعودية الطباخة ، أو السعودية المربية للأطفال ، أو السعودية العاملة المنزلية ( مع إني أفضل ان هذي الأخيرة يكون راتبها أعلى من غيرها) .. الأخ اللي يقول ما ترضاها على أختك ؟؟؟؟ لو أختي محتاجه وأنا ما أقدر أعيلها ليش ما تشتغل؟؟؟؟ ياخي الدعوة ماهي دلع حتى تقول ما ترضاها لأختك أو بنتك ،،، هي ما راح تشتغل دلع !!! راح تشتغل محتااااااااااااجه فلوووووس <<< ياخي افهم !!! |
|
|
ودي اعلق على الموضوع وقبل كل شي اناااا سنيه عشان ماحد يكثر بالكلام اخواني وخواتي اكيد مقدرين زعلنا كون سعوديه من بلد البترول والخير تعمل بأردى مهنه لكن اذا الانسان محتاج ولايملك رزق اكيد بيرضى باي شغله تكون بالحلال خاصه وان وصل رواتب العاملات الاجانب الى 3الاف ريال اكيد بيغريها الراتب دامه بالحلال بدون ماتنظر للموضوع من باب نظرتكم لانها محتاجه جدا جدا خواتي لاتاخذون الموضوع من باب الاهانه لاحشى تكرم السعوديه ان كانت ملكه وان كانت خادمه تبقى عزيزة النفس والكرامه والله يعزنا ومايحيجنا لاردى الوظايف يااااررب لكن مثل ماقالو اكثر الاخوان ان الي رافض فكرة العامله السعوديه اكيد تكون مو محتاجه لكن في غيرنا سعوديات الله يعلم بحالهم ترى الدنيا ماتخلي فيها مصايب حنا غافلين عنها اما واحده زوجها مسجون او متوفي او مقعد ولالها احد اكيد تبي تكد على عيالها باي شغله بالحلال يعني الي تفكر تشتغل عامله هذول مش بنات لهم ام واب لا هذول ارامل اومحتاجات جدا جدا واكرر يكونون محتاااجات جدا جدا الحين الحمدلله طلعلنا حافز الله يكمله علينا وناخذ رواتب ومانحتاج لاحد والله يحفظ لنا ملكنا ويعز بلدنا ويعز بناتنا وشبابنا ومايحيجنا لاحد اتمنى تهدوون وتكون ردودكم فيها شيء من الحكمه بهالمواضيع الي تستفز لكن هذا الواقع مانقدر ننكره والله يكتب الخير للجميع اختكم ام نواف |
|
|
البعض يقول: محشومة السعودية تشتغل خدامة ، شدعوااااا ؟؟!! والبعض يقول: أردى مهنة !!! والكثير يعتبر مهنة العاملة المنزلية مهنة حقيرة !!! وأغفل الكثير أن هذه المهنة في الأساس هي مهنة ربات البيوت !!!!! كل هذه الآراء تعكس نظرة المجتمع لمهنة العاملة المنزلية ومدى وشدة استحقار المجتمع لهذه الفئة وهذه المهنه، وبالتأكيد يعكس نوع التعامل الذي تلاقيه صاحبات هذه المهنه من ربات البيوت والموظفات في مجتمعنا .. مع الأسف .. في المجتمعات الغربية تعتبر ربة المنزل هي السيدة رقم (واحد) في المجتمع ويكنون لها كل تقدير واحترام، ويولونها الإهتمام الأكبر إعلامياً وشهرة ويظهرون لها كل الفخر بها .. التعديل الأخير تم بواسطة كاكاشي ; 10-16-2011 الساعة 04:10 PM |
|
|
(اترفع عن الرد على بعض الردود) اشكر كل من شارك برقي وانارنا بنظرته الواقعيه فعلا لا ضرر من عملها بكامل حشمتها وهذا شرط من حقها ان تشترطه وحتى لو شرطت ان توفر لها ربة البيت طقم عباءه خاص لتعمل به داخل المنزل ويكون لبسها خاص فيها يبقى نظيف لحين مغادره المنزل والله ان الالفين والاكثر الي تاخذهم الاسيويه او الافريقيه هذا غير الي تسرقه لان هذا طبع اغلب الي يجون بالشهر والله ان بنت بلدي هي ومن تعول احق بها الف مره وبيكون بردا على قلبي غير الاسيويه الي احس انه جور وحرام فيها لاني اعرف اصلا انه ليس خالصا لها بل هناك من يشاركها فيه وهو لم يتعب فيه يخبرني واحد زوجته جابت سعوديه محتاجه وتبي تشتغل بنظام الساعه بمبلغ معين وزوجته على وشك وضع فلما احضرتها وبدات تعلمها حتى تتعرف على ما تحتاجه المراءه اكتشفت انها لاتريد ان تكوي ولا تريد ان تغسل ولها تحفظات على بعض الاعمال فا بكل احترام اخبرتها وبكل احترام انجزت ساعاتها الخمس ورحلت واخذت اتعابها وقد يكون قوت يومهم يااخوان الى متى الاتغلاق في التفكير والنظرات والله ياريت لوكل جمعيه خيريه تكون على درايه بالعوائل المحتاجه الفقيره الي ماعندها مانع تعمل لدى عوائل وتكون الجمعيه هي حلقه الوصل بينهم وارجو استمرار طرح الافكار والحلول للوصل لاتفاق يحفظ لجميع الاطراف حقوقها |
|
|
والله انا لا امانع وبالعكس انا مستعد ان ادفع لها 1300 ريال شهريا مقابل ان تعمل بالمنزل وبنت البلد ولو احتاجت بعد مو مقصرين معها والي تعرف انا مستعد تشتغل عندي بس تخاف من الغياب انا اليوم ما اقدر انا مريضه انا وانا بعكس الاجنبيه الي تكون تحت عينك وتشتغل سواء مريضه او غير ذلك . مجرد راي |
مواقع النشر (المفضلة) |
|
|
|