ملاحظة : الرقم خاص فقط بإعلانات العمالة المنزلية
|
|
كيف تقارن بين اسعار الشركة الجديدة واسعارمكاتب الاستقدام السابقه ....!!
بصراحه لابد ان نعرف ان المواطن السعودي مغلوب علي امرة ومسكين في حالة رغبته في استقدام عامله منزليه ..لانه يتمرمط مرمطه عمره ماشافها خاصه خلال السنتين الاخيرة **وكأنه جالس يقدم علي فيزة زواج ..ويمكن فيزة الزواج ارحم لان معاناتها تنتهي بوصول الزوجه لبيت زوجها وقتها تبدا سعادته او تعاسته حسب اختيارة وحظوظه بالحياة ..
المهم نرجع لموضوعنا ..اي مواطن سعودي لابد ان يمر بحووالي ست مراحل كل وحده اسوء من الثانيه ... مرحلة تقديم التاشيرة ودفع المبلغ ومراجعة مكتب الاستقدام وكنك تشحذ مهوب كنك مقدم علي استقدام عماله لتبداء فرحتك بمجرد مشاهدة الورقة الصفراء والتي لو اردت تصويرها ماقدرت...!! مرحلة البحث عن مكاتب استقدم وسؤال هذا وذاك والوعود الحلوة والشمس باليمين والقمر باليسار ولسان ولا احلي اليين ينتهي الامر بتوقيع العقد ودفع المبلغ وبعدها تتغير النفسيات ليش مدري ...!! مرحلة الانتظار الممل او اقدر اسميه الموت البطيء اليين يفتح الله علي قلب موظفين المكتب ويرحمونك ويقولون خلاص تبي تجي بعد اسبوعين تراك ازعجتنا ...!! مرحلة الاستقبال والذهاب للمطار وكنك تستقبل ابوك ولا اخوك وانت فرحان والبيت كله فرحان بل وصل الامر للبعض لو عنده اي مناسبة زواج او مناسبة عائليه يقول لاوالله اسمح لي ابروح اجيب ناس من المطار .... مرحلة ياسود يابيض وانت وحظك او شختك بختك وتبدا مرحلة الرضي والقبول لدي الاسرة ويبداء تنطيل الكلمات ( ماش كني اشوفها كسوله ماعجبتني ....عيونها تتلاقط...ياهي وسخه وش هالشغاله..وغيرها من الكلمات المتفق عليها بين سيدات البيوت ... المرحله الاخيرة مرحلة الكشف واستخراج الاقامه وانتظار المجهول ماتدري عقب كل هالمراحل الا وهي فاتحه الباب وشنطة صغيرة ماخف وزنه وغلا سعرة والوعد مكتب هروب الخادمات .. بالله بذمتكم فيه مواطن يرضي بكل هذا الذل علشان خادمه ... الشركه ستعفيك من كل شي وتروح تختارها وتتفق معهم مع تامين طبي لمدة سنتين وضمان لمدة سنتين والمساله كلها يوم تروح وينتهي كل شي واذا صار شي هم المسئولين لكن كيفية الاليه والله مادري ..ولا تتوقعون ان موضوعي دعاية للشركه او اعرف احد معين ..يعلم الله اني ماعرف ولا شخص ولكن مواطن مريت بكل هالتجارب واتمني اخلص من هالقرف اللي عشناه سنوات وسنوات ... احسبوها صح ..مبلغ الاستقدام + التاشيرة + التامين الطبي + الاقامه +الضمان مع ان الضامن الله سبحانه وتعالي لمدة سنتين + المرمطه لمدة شهور ..تري كل شي بحسابه ..واذا حصلت الفرق من الالف ريال الي الالفين ريال توكل علي الله ولا احد لايدري عنك تراك محضوظ .. للجميع محبتي وتقديري ..والله يحفظكم ويرعاكم ..... |
مواقع النشر (المفضلة) |
|
|
|