مشكله بعض المكاتب إنه المتوفر لديهم يحضرونه وأحمد ربك إنها توفرت حسب كلامهم وكأنك جت ببلاش وليس إنك دافع ألوف في جيبوهم وفي النهايه تجيك عكس شروطك

المشاركة الأصلية كتبت بواسطة خالد111

انا لم اشهر وانما اطرح تجربتي والمشكلة اني دافع قيمة مسلمة وهي اغلى من غير المسلمة ب100 دولار وزيادة انه جاب عكس الديانه رفض يرجع الفارق ويقول احمد ربك جتك خادمة
ثم قال لي احجز لها وانا سوف ارسل لك قيمة التذكرة ثم رفض ذلك
التأخير اولاً هو يا ويلك تفتح فمك بكلمة ويرد عندك غرامة تأخير ثم هو لا يرد لا على اتصالات ولا رسائل والله المكاتب اكثرهم صيحيح ما يعطي غرامة تأخير لكن يخليك تتكلم على كيفك تسأل السبب هذا يا ويلك تتكلم ويا ويلك تطلب غرامة

لا ابدا من حقك تكتب اللي تبي لشخص اخل بالشروط المتفق عليها وتشهير بعد لانك دافع فلوسك ولكن هذا شي بذمتك اذا انت منت صادق واذا انت صادق لاتخلي ولامنتدى تكتب فيه
وانا لاأبري ولاأتهم احد
مجرد رأي شخص

عاد تصدق مرسل التوكيل من 19-6 و بتاريخ 13-8 اخترنا العاملة بعد ما ارسل السي في وبعد العيد طلعت مشكلة التوكيل وقعدنا اكثر من اسبوعين عشان يتغير وقال كلها يومين والعاملة جاهزة و تدخل السفارة واخرتها طلع اسمي في قائمة الاولوية عشان يختار لي عاملة ثانية ويوم اتصل عليه يقول انت طالب مسلمة وانا طالب مسيحية ولا جبت طاري المسلمة اشوى اني ما حولت له مقدم والحين ما عاد يرد علي لا في الموضوع ولا على الايميل

انا تعاملة معه عكس ماقلت ياخي
3 عاملات استقدمتهم من طرفه ومن افضل العاملات ووحده فيهم اسلمت
وحاليا مقدمه على وحده ولولا ثقتنا فيه مارجعنا نقدم عليه
والتاخير لامور خارجه عن ارادته ومن زحمة الناس عليه
ولولا انه قد الثقه ماشفت هالناس استقدموا منه
ياخي المفروض لما انك تبي فلوس التاخير وكلها ماتكلف 400 ريال اطلبها منه من غير ماتنزل موضوع ماراح تستفيد منه والمشكله ان العامله عندك ومبسوطين عليها وعاجبتكم وبالنسبه انها مسيحيه اطلع لجرير واخذ لك كم كتاب عن الاسلام واكسب اجر انك دعيت كافر للاسلام
والطبخ فيه كتب باللغه الفلبينيه اشتر لها كتاب وخلها تبدع لكم نفس ماعملنا لخادماتنا
والله والله والله وربي راح يشهد علي ان عاملتي رائعه بمعنى الكلمه على اني لاشفت سيرتها الذاتيه واوكلت ابو اسامه واختارها لي مع الدعاء ان الله يسخر لي اللي فيها خيره لبيتي وعيالي ونفسي والحمدلله جاتني جامعيه معلمه واخجل ان امرها او اضغط عليها ولكن هي قايمه بكل شي ولا ترضى اساعدها
مع العلم ان عاملتي تاخرت علي 3 شهور ومع هذا لم اطالبه بريال
الافضل لكل اللي مستقدمين من طرف ابو اسامه ان يتابعون عاملتهم اول باول حتى لاينسى موضوعكم بسبب الزحمه ياخذ عاملتك ويعطيها غيرك لانه ناسي انها لك قبل لايدخلها السفاره وهذا شي طبيعي
اتمنى التوفيق للجميع