العمالة المنزلية, خادمات

11-20-2011, 03:21 PM

البداح يبحث عن دول توفر عدد هائل من العمالة وكمبوديا والفيتنام مالقى فيها مطلبة فرجع يخرب على الناس ما يكفي انه ماعرف يتعامل مع اندونيسيا والفلبين لين قفلوا تصدير العمالة وضيقوا على المسلمين
لا ويتبجح ويقول احنا اللي قفلاناها للأسباب التالية والناس كلهم عارفين ان اندونيسيا هي اللي قفلت الاستقدام بعد اعدام خادمة المدينة
وبعدها قال وزير العمل انا اللي بجيب لكم الخبر الاكيد وبعد عودته من اندونيسيا وبعد حب الخشوم وافقوا مبدئيا وفرضوا شروط جديدة اضافية وهي التأمين الشامل على الخادمة مما يضمن لها رواتبها وديتها والدية التي تتحملها وجوال ومركز طواري 24 ساعة ( وزير العمل على باله ذيب وهو جاب الطامة
ووزير العمل يبي يقلبها شركات راس مالها 100 مليون يبي يعوض خسايرة في شركة صافولا يعني لعبها صح

11-20-2011, 03:44 PM

اثابك الله

وكلامك صحيح ميه ميه

وابشركم فتحو مدغشقر واتحداكم تعرفون السبب

والله يكتب اللي فيه الخير

11-20-2011, 04:05 PM

عله تعله يا,,, كانه اشغلنا وخسرنا (اقصد البداح والفقيه)
انا شكلي بشتغل برقيات للملك بس ياليت احد يحدد وقت ونرسلها سواء
الي بيرسل يعلمني وانا اولكم
لنا سنه والله خسرنا اكثر من 33 الف في الشغالات الي مثل وجهه

11-20-2011, 04:11 PM

البداح يبحث عن دول توفر عدد هائل من العمالة وكمبوديا والفيتنام مالقى فيها مطلبة فرجع يخرب على الناس ما يكفي انه ماعرف يتعامل مع اندونيسيا والفلبين لين قفلوا تصدير العمالة وضيقوا على المسلمين
لا ويتبجح ويقول احنا اللي قفلاناها للأسباب التالية والناس كلهم عارفين ان اندونيسيا هي اللي قفلت الاستقدام بعد اعدام خادمة المدينة
وبعدها قال وزير العمل انا اللي بجيب لكم الخبر الاكيد وبعد عودته من اندونيسيا وبعد حب الخشوم وافقوا مبدئيا وفرضوا شروط جديدة اضافية وهي التأمين الشامل على الخادمة مما يضمن لها رواتبها وديتها والدية التي تتحملها وجوال ومركز طواري 24 ساعة ( وزير العمل على باله ذيب وهو جاب الطامة
ووزير العمل يبي يقلبها شركات راس مالها 100 مليون يبي يعوض خسايرة في شركة صافولا يعني لعبها صح

11-20-2011, 04:24 PM

اللي يفهم في مكتب العمل ومكتب الاستقدام او لدية موسسة على قد حالة يعرف ان جميع حركات الفقية والمسكين البداح كلها ضد المواطن كثير من الشباب اشتغلوا في المقاولات وغيرها وطفشوهم لين قفلوا مثلا عندي موسسة مقاولات معقولة اقد اشتغل بعاملين ولا ثلاثة ولا ورشة يعطوني عاملين ولو مستثمر اجنبي يعطونة خمسين عامل دفعة وحدة لييييييييييييييييييييييش

وهذا هو الحاصل واتحدى اي شخص سعودي يقول غير كذا
والاستقدام حله سهل خله سوق مفتوح وافتح تصاريح مكاتب جديدة وافتح الاستقدام من جميع الدول و حط شركات تأمين على الخدم يحفظون حق المواطن والعامل وصلى الله وبارك

11-20-2011, 05:02 PM

كلامك صحيح أبا باسل

بس للي يبي المربح المادي فقط ماحيسوي كذا

يفتحون لنا دول وليس لنا ممثل فيها

واتحداه يستجرأ ويفتح الفلبين دون الرجوع الي الخارجية السعوديه

وشرط وزير الخارجية حفظه الله ورعاه

المعامله بالمثل خلو السعودي يفتح عندكم باسمه وبعدين تعالو نفتح لكم خدم

والكارثه اغلاق كينيا ع المحك

وإثيوبيا اللي هي الدمار مايفكر يرجع باغلاقهااا

الله يهديه ويصلحه

11-20-2011, 05:04 PM

نسيت اقول طيارة كمبوديا من تايلند ذهاب وإياب ١٤٠ دبار امريكي

وفيزه كمبوديا تأخذها من سفارتهم في تايلند خلال ١٥ دقيقه بالكثير

11-20-2011, 10:01 PM

طيب والحل ؟الحل مع هالبداح ؟ الى متى ؟ تكفون مافي احد له يد الى بومتعب يوصله الي الناس تعانيه من هالبداح وامثاله ؟ حراااام الوضع صعب في ناس كبار بالسن محتاجين خدامات وفيه ناس عندهم عيال مرضى ومعاقين محتاجين خدامات وغيره وغيره وغيره ، الاجار بالشهر مو كل الناس تقدر تأجر لها بالشهر راتب خدامة الاجار بالشهر يعادل راتب مواطن فاتح بيت وعنده مسؤوليات ؟والله مصيبة وكارثة
الله يتولى المواطنين الضعفاء وينتقم من المسؤولين المجرمين حسبي الله ونعم الوكيل عندنا في بلدنا صور مصغرة للطغاة والظلمة بس بفنون وابداعات اخرى