معليش اختي ام عمر كيف الاستقدام بي 14000 الف ريال وانا لما كلمتك قلتي لي 13000 الف ريال بره جده والرياض وفي جدة والرياض بي 12500 ريال وبعدين انتي ماقلتي لي ان عندكم مكتب قلتي انتي فقط وسيط ولما سالتك عن الضمانات مااعطيتني اي ضمان على فلوسي اللي احولها لكي وبعدبن الراتب ليش 800 ريال اذا استقدام من المكتب وبننا عقد وضمانات راتبها 650 ريال وبعدبن لاتقولي 150 ريال ماتفرق لا تفرق وعلشان كذا بطلت استقدام من عندك لاان مافي عقد بيينا او اي ضمان على فلوسي اللي احولها لكي على العموم حبيبتي مووووووووووووووووفقة وعذرا ...........

ام عمر

انا من القصيم بكم تطلع علي الخادمه؟؟

اخواني الاعضاء
ارق تحية ... تابعت وبكل أسف ماجرى من ردود ومحاورات من قبل بعض الاعضاء حول التعامل مع الأخ ابو عمر في استقدام خادمات من سيريلانكا
وان سأتحدث دون تخصيص حديثي عن أحد بعينه من الاشخاص اللي قرأت ردودهم هنا في المنتدى ولكن حديثي سيكون عام وعن تجربتي وغير ذلك من اسلوب التجارة المتبعة من قبلهم
اخواني اسمحوا لي اذا قلت لكم يمكن انا اكثر واحد فيكم استقدم خادمات من خلال مكاتب الاستقدام المنتشرة عندنا في السعودية ما خليت ولا بقيت في الشمال والجنوب والغرب والشرق والوسطى وكل مرة اقول ابعد عن هالمكتب شف مكتب غيره والا غير المنطقة يمكن تلقى منطقة المكاتب فيها افضل ... وبكل مرة استقدم فيها اشوف اشكال وانواع النصب والغش والكذب والاحتيال ... وتنشيف الدم والسب والشتم ولا نفعني ان المكتب معتمد وقدام عيني واقدر اشوفه وفي عقد وتدفع كامل المبلغ .... ينشف دمك الين تجيك الشغالة بعد 6 او 8 اشهر وتجيك يارب لك الحمد والشكر .... المهم لي مايزيد عن 20 سنة وانا استقدم والله ثم والله ثم والله ما ارتحت من موضوع الاستقدام الا لما تعاملت مع ابو عمر وزوجته الفاضلة ام عمر
اولا صدقوا معي في الموعد والخدامة عندي لها شهر تقريباً
ثانيا صدقوا معي في المواصفات الي طلبتها
ثالثاً اسلوب راقي جداً في التعامل
والآن اتوقع أن من استقدم منهم عن طريقي ونصحتمهم بالاستقدام من خلالهم يزيد عن 6 من اقاربي واصدقائي ، مع اني لم ارى ابو عمر او ام عمر ولا وقعت معهم عقد ولا رحت مكتبهم وتبهدلت قدامه وانا انتظرهم ولا تفلسف علي الموظف من جنسية ( .... ) مايسوى ويرد علي مثل ما كان تعامل المكاتب اللي قدام عيني
عموماً يا اخوان هذا سوق مفتوح والتجارة المتبعة من قبلهم تجارة حديثة اسمها التجارة الالكترونية تجارة راقية تعمل على تصحيح وضع مكاتب الاستقدام التعبانة اللي عندنا ومنتشرة مهمتها النصب والاحتيال
اتمنى من الله ان يستمروا في تجارتهم ابو عمر وام عمر لان استمرارهم في صالحنا في النهاية ، ومثل ما قلت لكم يا أخوان انتم لستم مجبرون على التعامل معهم اذا لم تثقوا في طريقتهم واسلوبهم في التعامل او لم تعرفوا نوعية التجارة التي يمارسونها ( التجارة الالكترونية )
لكن مع تعاملكم معهم وعدم تعاملكم معهم يجب ان نحترم بعضنا البعض وان لانرمي التهم جزافاً وأن لانقوم بتجريح بعضنا البعض فنحن محاسبون امام الله على كل كلمة نقولها .
في النهاية اتمنى من الاخوة المشككين في تعامل ابو عمر ان يتقو الله تعالى في كل ما يقولونه وان لم يرق لهم هذا التعامل فليبحثوا عن غيرهم ، كما يسعدني التواصل مع كل من يرغب في التأكد من اي شيء بمراسلتي على الخاص .
ولكم جزيل الشكر والتقدير جميعاً

مين قال 14000 أنا عند كلمتي 12500 للرياض وجدة وخارجهما 500 ريال زيادة عشان تذكرة الطيارة من جدة أو الرياض لمدينتك وأعنقد أي واحد استقدم قبل كذا عارف هذا الكلام لأن كل المكاتب هذا نظامها في السعودية وخارجها وأتحدى أحد يشكك في هذه النقطة
ثانيا أنا ماقلت المكتب حقنا احنا وسطاء فقط والي قال ان المكتب حقنا أبو خلودي وحتومي أتمنى انك ترجعي تقرأي الكلام مضبوط
ثالثا إحنا هذي رواتبنا 800 ريال والي شايفها تفرق وغالية وخايف زي ماتفضلتي وقلتي يبطل ولا يتعامل معانا أفضل ليه ولنا ومعذورة أختي الله معاكي

ابو نـــايف شكرا على شهادتك أخوي وأسعدني مرورك وجزاك الله ألف خير
EME999 مشكورة أختي رغم اني والله ماني عارفة مين انتي بس انشالله ربي يقدرني وأخدمك وأكون عند حسن ظنك وثقتك فيا
alialamer شكرا على شهادتك أخوي وأسعدني مرورك وجزاك الله ألف خير

اغلى الاثمان 13000 واصلة مطار القصيم

والله فرق بالفعل انا مكلمه كذا مكتب في الخبر والرياض والله ان سعر الاستقدام17*000 واقل مبلغ حصلته15*000 بدون التأشيره لاحضو ويقول من 6 الى 10 شهورررر شوفو الفرق والله واضح
ما اعرفهم ولا دفاع بس دوروا بانفسكم
وتعرفو الفرق انتظار سنه ورواتب شغاله ايجار وطبعا حرام اساسا ولا تيجي العامله في وقت قياسي وراتبها 800 وباذن الله تكون قنوعه وتريحك من الهروب ولا الحنه الزايده...
الواحد بدل مايحمد ربه على التساهيل يقعد يعذرب في هذا وذياك حسبي الله ونعم الوكيل

اليوم يوم الجمعة وليس الله بظلام للعبيد زوجتي عندما اتصلت على ام عمر وقالت لها كيف اضمن قلوسي
قالت لها بالحرف الواحد المكتب اللي في سيرلنكا ةتقدري تشتكي السفارة ويقفلونا لنا المكتب لنو مو معقوله نخسر مكتبنا عشان عميل واحد
واذا ماصدقت في كلامي او تبليت عليك عساها ماتغرب عليه شمس اليوم واذا عندهم ذمة والا امانة يحلفوا واحنا نحاجهم امام الله
ليه مايكون اثبات سواء شيك مصدق او حتى ورقه عاددية بشهود الواحد لو صار له شي يقدر يرجع فلوسة

Eme999
أختي جزاكي الله الف خير عالتوضيح وياليت كل الناس تستوعب الموضوع زيك ويفهموا ان أنا بقدملهم خدمة قبل كل شي مابيلاقوها في المكاتب الثانية

===============================

ابو خلودي وحتومي
ايوه قلت وهذا مو معناه ان المكتب ملكي وانت بالذات ماراح أسويلك أي ورقة لأنك راعي مشاكل ياخي خلي عندك ذرة كرامة ولا تدخل تتفلسف ماحد راح يصدقك لأن الكل تعامل معايا وصدقت معاهم والحمدلله مالهطت أحد على قولتك هههههههههههههههههههههههههههههههههههههههههههههههههه هههههههههههههههههههههه لهطت الله يعينك بس على نفسك وأسلوبك

المبلغ بالتاشيرة او بدون تاشيرة