السلام عليكم
كمدخل لحديثي استخرجت تأشيره عامله منزليه على سري لانكا ومنه هذه اللحظه دخلت في مشكله كبيره جدا اذ كثير من مكاتب الاستقدام يرفضون الاستقدام من هذا البلد بدعوى وجود مشاكل تتعلق في السعر الجديد المطبق حالياً اذا كثير من المكاتب السرلانكيه ترفض التعامل بهذا الوضع الجديد ولم اجد من يستقدم لي ممن يقوم بلاستقدام الفردي بدعاوي كثيره من جانبهم ومن جانبي تتعلق بالمصداقيه وضمان الحقوق فكان لزاماً ان اغير التأشيره الى اندونسيا رغم عدم اقتناعي بهذه الجنسيه على وجه الخصوص لاسباب كثيره ولاكن لم يكن هناك خيار آخر
فعدت مره اخرى كما بدأت حيث كان علي ان ابحث عن مكتب يتميز بالمصداقيه وسرعة الانجاز
المكاتب كثيره جداً وبعد عدة ايام من السؤال طرح اسم مكتب مساعد العيد للاستقدام رغم انني اتعامل وبشكل شبه مستمر مع مكتب السيار للاستقدام ولاكن بعد دخولي ذلك لاول مره بعد خمس سنوات مضت وجدت الجواب الشافي من داخل المكتب فكان اثاث المكتب في حاله يرثى لها ولايوجد في المكتب سواء موظف واحد فقط سوداني الجنسيه بعد ان كان المكتب من افضل المكاتب والمترجمين متواجدين بشكل دائم وكان لدي قناعه كامله ان اي مكتب يستقدم عماله ولايوجد لديه مترجم من نفس الجنسيه هو مكتب ناقص ولايستحق ان تقدم عليه طلبك المهم كان هناك شد وجذب بين السوداني ومواطن قدم طلبه منذو اكثر من اربعة اشهر وكان الحوار حادً
عندها سألت عن فلان من الناس المسؤل السابق في المكتب فعلمت انه قد ترك العمل عندها قررت اخرج وإواصل البحث عن مكتب آخر وهو مكتب العيد بعد ان اثنى عليه بعض الاقارب والاصدقاء والجيران ذهبت الى ذلك المكتب ووجدت ان اثاثه جيد وتوزيع المكتب الذي يشغل شقه في عماره على الدائري الغربي ايضاً جيد وضمن الطاقم مترجم اندونوسي دخلت على صاحب المكتب وهو رجل خلوق ومؤدب ومبتسم فطرحت عليه طلبي فرحب بي عندها اخرجة التأشيره وسلمتها لاحد الموظفين تمهيداً لاستكمال العقد وقد سجل فيه ان مدة الوصول بين 3 و5 أشهر فكان احتجاجي على ذلك فأكد لي الموظف ان العامله ستحضر في وقت اقل من المده القصوى للعقد بوقت جيد المهم حتى اللحظه والامور تسير بشكل جيد جدا فقد وجدت ان المكتب قد استكمل التوكيل الالكتروني حسب ماظهر لي في موقع انجاز وهذا يعني ان المكتب لديه بوادر مصداقيه جيده وسأنشر بكل صدق وأمانه تسلسل الاحداث خطوه بخطوه مع هذا المكتب لعل الكثير من الاخوه يستفيد من تجربتي ويفيد الآخرين ايضاً
والله من وراء القصد.

ياسيدي الله يوفق الجميع انشالله

الله يوفقك وذكرتني بمنتديات العرب المسافرون

ايش شروطهم الجديده ؟

لا تغرك الوكاله الالكترونيه المهم وصول الشغاله لك

مثل المكتب إلي أتعامل معه إيش استفدت من الوكاله الالكترونيه في إنجاز وهو له أكثر من أربع شهور يسحب فيني ما عنده غير مواعيد الكذب والغش

مكتب الـــــعــــــيــــــــد
مخرج 29 طريق المدينة المنورة الدائري الغربي
إذا كنت تقصدهم للأسف لا مصداقية ولا وعود صادقة
4330033

المشاركة الأصلية كتبت بواسطة captainnemo_83

ياسيدي الله يوفق الجميع انشالله

____________________________________________

اللهم آمين

المشاركة الأصلية كتبت بواسطة ahmad999

الله يوفقك وذكرتني بمنتديات العرب المسافرون

____________________________
هلا حبيبي احمد وانت ذكرتني بالمثل الي يقول(عكوز بكوز في كل صفحه مركوز) اياك اعني وافهمي ياجاره
اضحكتني اضحك الله سنك

[CENTER]

المشاركة الأصلية كتبت بواسطة فهد الضاحي

اهلا بك ابا رائد
هل لك تجربة معهم
الرجاء الكتابة عنهم هنا وبكل مصداقية
وتذكر ان الله رقيب علينا جميعا
ولا تكتب الا بما حصل لك معهم
( فستكتب شهادتهم )
تحيتي لك اخي الحبيب

هلا بك يا فهد

أنا راح أكتب لك قصتي مع مكتب العيد . والله شاهد على ما أقول أنا استقدمت من عندهم خادمة أندنوسية طلبت وحده تكون عمرها من 30 إلى 33 كبيرة شوي قلنا يمكن إنها
تحب الشغل وممكن إنها راح تقعد أكثر من سنتين لكن اللي حصل وحده جايبين وحده ومسجلين تاريخ ميلادها
1976 لكن شكلياً اقسم بالله العظيم إنك أنت إذا شفتها تعطيها عمر فوق 45 سنه الحاصل إني بعد ما جبتها من المطار بأسبوع رحت لمكتب العيد وقلت لهم الخادمة كبيرة قالوا لي أنت طلبت كذا قلت أنا محدد العمر من 30 إلى 33 قالوا هاذي عمرها 33 سنه قلت لهم غير صحيح عمرها مزور بالجواز وبعدين كل من شافها عندنا قالوا لنا كيف ترضون بوحدة عجوز مثل هاذي أنا ما أبيها قالوا لي لك فترة التجربة لا تستعجل باسترجاعها خلها عندك وإذا قربت المدة تجيبها للمكتب وحنا نغيرها لك لكن المستبدلة راح تطول تقريباً أربعة أشهر قلت لهم ما عندي مشكله أتحمل أربع أو خمس شهور ولا أعذب أم عيالي الغالية أربع وعشرين شهر على حساب وحده ما تستأهل ( كمخه ) وبعد مرور شهر قامت تعاند زوجتي بالشغل تطلب منها شي ما تسويه بس تجيب طارئ الراتب قالت خلنا نعطيها الراتب يمكن تتغير قلت مو مشكله الراتب الثاني نعطيها فتحت لها الطارئ بدت تتحسن شوي في الشغل وصل راتب فترة التجربة لشهرين جبت لها الكرت وكتبت لها المبلغ 800 + 800 = 1600 ريال وقلت لها خلاص هذا راتب شهرين قالت أبغى تحويل اندونيسيا مسكت سراء في الراجحي وسويت لها حوالة إلى اندونيسيا بعد ما عطيتها كشف الحواله رجعت حليمة لعادتها القديمة بدت تصيح يوم عن يوم اتصلت على المكتب وشرحت لهم السالفة قالوا لي ( طبعاً المقصود الاستقبال موظف مصري ) جبها للمكتب نخلي المترجم يقعد معها ويتفاهم أخذتها ورحت للمكتب تكلم معها الأندنوسي وهي ساكتة بالقوة كلمة كلمتين تقول بتقسيط التفت علي المترجم وقال لي هي حزينة لأنها بعيده عن عيالها وتفكر فيهم فطلبت من المترجم يترجم كلامي لها عن شغل البيت ما خليت شي قلت الحين نرجع للبيت وراح تكون فاهمة كل شي لأكن للأسف كأنك يا بو زيد ما غزيت قلت أشوف لها حل بطريقتي قبل لا تنتهي المدة باقي ثلاث أسابيع تكلمت معها الين خليتها تفهم وش أقصد اللي كنت أقصده ( تبغين تكلمين عيالك ) جابت لي نوتة أرقام من رقم إلى رقم الين ردت أختها قعدت تتكلم معها وهي تبكي وفجأة كذا مدت الجوال لي زي اللي قاعدة تقول لي كلم أختي بلغتها قلت السلام عليكم صارت أختها تتكلم عربي فرحت وقلت جاك الفرج يا أبو رائد أختها قالت لي إن المكتب ما قالوا لها إن عندك أطفال وهي ما تحب تهتم بالأطفال هي تقول أنا أبغى أشتغل عند بابا ثاني ما عنده أطفال قلت لأختها طيب ليش ما قالت للمكتب كذا قالت هي الحين قالت لي قلت لأختها خلاص إحنا مراح نخليها تهتم بالأطفال أهم شي شغل البيت وبعدين أنا أشوف لها بابا ثاني ترجمي لها ترجمت انتهت المكالمة . حسينا براحة شوي رجعت تشتغل من قلب هل المرة باقي آخر أسبوع من فترة التجربة اتصلت عليهم وقلت لهم إنها رافضة العمل ولا تهتم بالأطفال وما تحب الأطفال بالمرة وانتم قبل ما تجيبونها لي ما بلغتموها إن عدد عيالي الصغار خمسه قالوا بالعكس من يقول لك ما قلنها قلت لهم أنا خليتها تتصل على اندونيسيا وأختها قالت لي وانتم تجبرونها بالقوة للعمل حولوني على واحد سعودي تفاهم معي وقال تعال وجبها معك وما يصير إلا كل خير استبشرت من كلامه وقلت لأم العيال خلاص ودعيها الرجال راح يحل الموضوع ويفكنا من شرها ومن شر تجربتها اللي ما تهنيتي منها لكن إن شاء الله راح أعوضك بوحدة أحسن منها رحت للمكتب وقابلت السعودي قعدنا مع بعض والشغالة معنى قال وش فيها قلت له السالفة من ( الألف إلى الياء ) حتى هو بنفسه اقسم بالله العظيم اشمأز منها وقعد يتكلم معها بلأندنوسي و حسيت إنه معصب منها وهو يتكلم معها عاد أنا معه في المكتب جاني الضحك من كلامه وهو متعصب بلغة ثانية التفت علي وقال ياخي هاذي بقرة ما تفهم و لا ترد قلت له أجل وش ذنبنا إحنا في البيت لا نظافة مثل الناس ولا اهتمام لعيالي تلومني يوم أجيبها لكم من أول أسبوع قال لي إذا حبيت تستبدلها راح تطول عليك قلت ما عندي مشكلة ولا أخسر فلوسي على ( كمخه ) يخب عليها راتب الشهرين اللي عطيتها زعل مني وقال غلطان المفروض ما تعطيها راتب فترة التجربة يمكن ما تصلح لك تحجز لها وتسفرها براتب التجربة وتعطيها الباقي قلت له ما عليه أعتبرها صدقه لها قال أجل الله يعينك باقي راتب شهر 800 ريال زود عليه من عندك وأنا بخليها تكتب إقرار على نفسها إنها رافضة العمل قلت له ليش هي مو رافضة هي ما تبغا أطفال قال المكتب اللي هناك مراح يستبدلونها لك لازم تكون رافضة للعمل وقال لي رح لمكتب شئون الخادمات مقابل مرور الشمال وقل لهم إنها رافضة للعمل رجعت للبيت وهي معي . رحت لشئون الخادمات وقلت للعسكري إنها رافضة للعمل وما تبي تشتغل سألها العسكري وما فهم شي جاب لها مترجمة من داخل وتكلمت المترجمة مع ( كمخه ) وأشوف ( الكمخه ) تحرك يدينها وتشتكي للمترجمة وردت علي تقول يا أخويا هاذي تبغا شغل بس إنتا شغل كثير في البيت . العسكري التفت علي وقال يا أخي خلها ترتاح يوم يومين هي مو مكينة تخليها تشتغل طول النهار تراها إنسانه رديت على العسكري وقلت له ليش إنت ساكن معي في البيت عشان تعرف هي طول الوقت قاعدة تشتغل عاد صار بيني وبين العسكري مشادة بالكلام ( لحظة صمت من المراجعين ) قال لي في النهاية مراح أعطيك رفض بالعمل دام إنها مو رافضة العمل رجعنا للبيت اتصلت على جوال اللي قال رح لشئون الخادمات وقلت له السالفة قال أجل ما نقدر نحضر لك بديل عنها لأن المكتب هناك يطلب مننا برفضها عن العمل في السعودية قلت له والحل طيب أنا مستحيل إني أخليها عندي وهي ما تحب الأطفال قال أنا بعطيك رقم خالد سوداني في أندنوسيا أتصل عليه إنت واشرح له الموضوع ويمكن راح يقول لك أرسلها وراح أرسل لك بديل اتصلت على خالد وشرحت له الموضوع باختصار قال عطني أكلمها تكلم معها خالد ورجع لي وقال خلاص الحين راح تهتم بالأطفال وتهتم بشغل البيت لكن هي حزينة ومتغربة عن أهلها تفكر فيهم وتقول العيد قريب وأنا بعيده عنهم قلنا طيب إن شاء الله تعتدل وتحب الشغل اتصلت على المكتب ورد المصري قلت له وين صاحب المكتب أبغاء أشرح له الوضع لأن مدة استخراج الإقامة على وشك والبيت مو مرتاحين مع ( الكمخه ) قال صاحب المكتب مسافر وين مسافر قلت يمكن رايح مكة ناوي يقعد أواخر رمضان هناك قال خارج المملكة قلت لا حوله ولا قوة إلا بالله الظاهر مالي نصيب مع ذا المكتب لحل مشكلتي قلت لأم العيال خلاص المكتب مو راضين يستبدلونها الشكوى على الله . لكن بعد ما شفتها وهي تشيل بنتي الصغيرة عمرها سنة وشهرين بطريقة غير طبيعية صرخت عليها صرخة حسيت إن مستأجري سمع صوتي وأرتاع توحشت عليها معد قامت تشتغل قاعدة بالغرفة طول الوقت ومن الحرة اللي بقلبي قلت ما عني وعنها بالخروج النهائي لبوها لا بو من ترجى حنانها . رجعت اتصلت على اللي قال رح لشئون الخادمات قلت له هذا آخر أسبوع لدوام الجوازات وبعدين إجازة عيد الفطر أبغاء أجيبها لكم سفروها نهائي معد أبيها خلاص قال أنا عندي لك حل قلت أسعفنا بحلك قال ليش ما تشوف لك مكتب سمعة جيدة تعرضها عندهم وهم راح يشوفون لك زبائن ينقلون كفالتها عليهم قلت فكرة حلوة اتصلت على 905 وقلت له لو سمحت أبغاء مكتب استقدام مشهور وسمعة طيبة قال خذ الرقم وشاكرين على اتصالك صار رقم المكتب شمال الرياض قلت يا سلام ناس يدفعون ما عندهم مشكلة اتصلت عليهم صار المكتب فقط للاستقدام طيب ما تعرضون ( الكمخه ) لتنازل قال للأسف ليش طيب قال مشاكلهم مشاكل هذا المكتب اللي يحبه قلبك صريح بمعنى الكلمة لكن قال لي ليش ما تعرضها على موقع عماله قلت كيف قال اكتب في قوقل وراح يطلع لك الموقع وبتشوف كل شي وفعلاً شفت الموقع وقعت أقراء لأحد الآن لم أقم بعرضها لتنازل اتصلت على اللي يقول رح لشئون الخادمات قلت له المكتب مو راعين تنازل استقدام فقط قال اجل رح لمكتب في شمال الرياض خلف برج المملكة هذا رقم تلفونهم واطلب أبو ناجي قول له إنك من طرفي ومراح يقصر معك اتصلنا على المكتب صار الرجال مسافر قالوا في واحد مصري ينوب عنه طيب وينه قالوا خذ رقم جواله اتصلت عليه قال إحنا نفتح الساعة 8:00 مساءً برمضان يوم السبت من آخر أسبوع في رمضان جبت ( الكمخه ) لهم شافها المصري وقال لي ما أتوقع إنهاء راح تمشي لأي زبون طيب ليش قال كبيرة في العمر قلت له 33 سنة تقول كبيرة قال من اللي يقول إنها 33 قلت الجواز قال سيبك من الجواز هم بيسجلو كذا عشان تقدر تشتغل وبعدين قلب علي قال ( بذمتك لو إنت والمدام عاوزين خدامة أقبها لكم هتخذوها ) قلت أكيد لا قال كيف عاوز الناس تأخذها لكن توكل على الله وسبها قلت على بركة الله هي عندك بكم تتوقع إنك تتنازل عنها قال لك إنت صافي 7000 ريال . أفأ ليش قال مراح تمشي لأنها عجوز قلت مو مشكله العوض ولا القطيعة خير وبركة قلت له هذا راتبها حق الشهر الأخير 800 ريال من التجربة عشان إبري ذمتي . قال ايش عيوبها قلت ما تحب الأطفال ما تعرف تطبخ قال توكل على الله . مشيت وتركتها عشنا أسبوع مرتاحين ومستانسين في البيت اشتركت في المنتدى وسويت إعلان وياما وياما اتصالات لكن والله إني ما اخفي عيوبها عن المتصل اللي يتصل أكون صريح معه بكل شي أول سؤال كنت أسأل المتصل عندك أطفال إذا قال إي أقول له ما تصلح لكم لأنها مو راعية أطفال واللي كانوا يتصلون وما عندهم أقول لهم روحوا للمكتب الفلاني وشوفها إذا صلحت كويس وإذا ما أصلحت عندهم شغالات غير شغالتي يمكن يصلحون لك هذا رزق ومحد يعرف رزقه وين بيكون له مكتوب عاد استخرجت لها اقامه وقبل العيد بيوم رحت للمكتب وأخذت ( الكمخه ) ودفعت للمكتب 200 ريال قيمة السحور والفطور يعني
ولله الحمد والشكر قد تم التنازل عنها لشخص خارج الموقع
أمس السبت
ولكن التوبة من هذا المكتب

دعوة المظلوم مستجابة

والله سالفتك قصه مواطن مع مكتب استقدام مشكلة الخدم مشكله وكذلك مكاتب الاستقدام المكتب يجمع تاشيرات لين يغص ويبداء التاخر ولانفس الشروط وخلها على ربك

اشكرك يأبو رائد على سرد تجربتك والتي تفيد غيرك وجزاك الله خير

الله يجزاك خير يابو رائد على النصيحة
بس لو انت اللي بعتها مو مكتب راح تبيعها اقل شي بـ 9000
المكتب اقل شي يعرضها لك بـ 11 الف