ملاحظة : الرقم خاص فقط بإعلانات العمالة المنزلية
|
|
زميلتي بتتنازل عن خادمتها شوفو ايش قالت السبب وكم تبي !
زميلتي عندها شغاله سيلانيه وقبل كم يوم سألتها عنها قامت تسب فيها تقول ماتقوم الا الضهر وعبيطه ولا تبي تفهم الشغل ووقحه وترد عليها مع انها جديده لم يسبق لها العمل المهم مابقى عيب ماطلعته فيها مستقدمتها ب 17 الف وسألتها اذا بتتنازل عنها قالت ايوه وابي فيها 25 الف !!!!! . انا موضفه وبحاجة ماسه للشغالة بس هالقصص تخلينا نتراجع يعني باخسر 27 وغثيثة !!! حبيت افيدكم واذكركم بالمثل لو فيه خير ماعافه الطير الله يسخر لنا ولكم في هالشهر الفضيل |
|
|
انا جربت السيلانيات يكرهونك بيتك وعيشتك وسخات عجزت اعلمها النظافة الشخصية ريحتها تصرع وفوق كل هذا ملقوفات ويتدخلن بالخصوصيات ويمونون عليك وعلى زوجك بقوة امراضهن مالهن حد كل يوم شي يوجعها اوديها تحاليل وفحوصات اقول حرام بلا ما اخذ اثمها تكلفني احيانا فوق ال 600 غير المكالمات الشبة يومية والتشكي وتحويل الراتب والفقر واخوها وابوها وزوجها وولدها قصص وافلام مالها نهاية الين ما قلعتها لديرتها مللتني بعيشتي وجبت اثيوبية حشمة ووقار وتتعلم بسرعة وبحالها مالها دخل باحد سافرت قبل رمضان على اساس بقدم جديدة وربك ما شاء وسكرو الاستقدام منهم ولو مو الحوادث الي صارت ولا كان ما تشوفي احد يتنازل عنهن لكن اذا تبين نصيحتي بعدي عن السيرلانكيات وشوفي لك هندية او فلبينية |
|
|
والله انك صادقه لو فيه خير ماعافه الطير الحين الناس بامس الحاجه للخادمات واكثر الناس يعرض خادمه اللي يقول رايح بعثه واللي يقول رجعت الخادمه الاولى واللي يقول خادمه تطبخ وتنظف اثنين في واحد اكيد الخادمه بتسوي كل شي ولا توك تعرف واللي يقول حنونه على الاطفال وطيبه انت بس وجهه وهي تنفذ واللي يقول انها بتجدد وتبي تجلس اربع سنوات واللي يقول بتجلس حياتها كلها ماتبي ترجع ديرتها ؟؟ ليش انت تفهم الغيب والطير مهما طار بيوقع لبد ترجع ديرتها وفيه ناس عندهم اندونسيات وربي فيه ناس راحو ضحية يجدد اقامتها ويبيعها عليك بمبلغ يكسر الظهر بعد ماتجلس شهرين تقول بسافر انت ترجع للاقامه تقولك مافيه عقد وهي صادقه وتشتكي وتجبر تسفرها لان مابينكم عقد الاقامه ليس عقد وبعضهم يتفق معها كفيلها الاول ويعطيها مبلغ وتنقل وبعدها يقول بكيفك ياخوان خلاص انكشفت اللعبة لاتظلم فتظلم يوم الظلمات لايغريكم الطمع ومايهمكم اخوكم المسلم والله ان دعاء اخوك المسلم عليك انك لاتذوق الراحه ولا النوم وحياتك في تعاسه لين يبيحك ولا رايح تلقاه اسف على الاطاله بس هذا جزء بسيط من بعض العروض الموجوده في السوق |
|
|
|
|
اقتباس:
صادقه لو فيه خير ما رماه الطير الا من رحم ربي والمشكله التلاعب بالاسعار مدري هالناس ما يخافون الله؟ ما يدرون يمكن تجيهم دعوه تدمر حياتهم في سبيل الطمع والجري وراء الفلوس لا حول ولا قوة الا بالله حسبي الله ونعم الوكيل على كل من استغل حاجة الناس وتلاعب بالاسعار وبث الفساد بالبلد (نعم فساد لانهم هم من تسبب برفع الاسعار) وتهريب الخادمات في سبيل وسخ دنيا للاسف احنا البلد الوحيد اللي يتاجر بالبشر الله يسلط عليهم منهو اقوى منهم |
|
|
حسبنا الله ونعم الوكيل المشكلة يحلفون كذب ونادرا تحصل الصادق الامين |
|
|
والله انا كانت عندي اندونيسية اخذتها تنازل وسببت لي عقدة بحياتي وراعية مشاكل وتنازلنا عنها والصراحة قلت للحرمة اللي تبيها عيوبها وقلت تراها طويلة لسان ويبيلها احد قوي ويوقف بوجهها وانا اصغر من الشغالة بكثير وماقدرت عليها ووافقت الحرمة وخذتها الحمدلله بنفس قيمة التنازل اللي دفعته اول |
|
|
أنا أخذت رمضان الماضي اندونيسية من هالمنتدى ب ٢٠ ألف مع نقل الكفالة اللي أخذناها منه كل شوي يتصل يقول بسرعة انقلوا كفالتها بسرعة لأننا اشترطنا تجربتها أسبوع وشغلها كان كويس لكن بعد ٣ شهور حصلت معها أرقام جوال وبعد خمسة شهور صار يجيها صرع ولقيت معها حبوب تأخذها بالدس وإذا قرأت عليها الرقية طاحت وسفرتها وراح المبلغ خسارة ! وسبق أخذت من مكتب تنازل من ست سنوات اندونيسية حريصة على دينها وشغلها ممتاز وجلست عندي خمس سنوات لكن زوجها ألح عليها تسافر وسافرت الخلاصة إن مو كل المتنازل عنهم سيئات والبعض يتنازل بذمة والبعض الله حسيبه |
|
|
الله يحفظنا واياكم وصدق احد الاخوان ان مو كل من تجي بالتنازل ماتصلح لكن اقولها وبهذي الاوقات بالذات ناااادر لان الغالبية يمرون بازمة الخدم واذا هي جيده اكيد بتلاقي من المعارف والاقارب من بياخذها والي يقول الطمع اعمى الناس ومايخافون من الله ومن هالكلام اقول له الطمع من قديم الزمان في النفوس المريضه من البشر وياكثرهم لكن المشكلة الاكبر البيئة المساعدة على ان يمارس مثل هؤلاء طمعهم وكذبهم فلو كان هناك نظام يمنع هذي المزايدات لما وصلنا لما وصلنا اليه النظام ولا غيره هو الرادع |
|
|
حياكك اهل الخير
السلام عليكم في شركة اسمها شركة المالكي للتشغيل هذه الشركة في المغرب انا والله اتعاملت معاهم واستقدمت خادمة مغربية ومن جد محترمين وملتزمين راعيها سعودي ومقر الشركة في المغرب والله ما اخذا منى غير 500 دولار بس اقل من 2000 ريال موقعهم على النت www.ab-almaliki.com جوال : 00212661331112 الثابت : 00212537630106 Contact@ab-almaliki.com ليهم مندوب في الرياض جواله 0562993773 تقدرون تتواصلون معاه وانا دفعت العموله على حسابهم في بنك الأهلى |
مواقع النشر (المفضلة) |
|
|
|