العمالة المنزلية, خادمات

02-22-2013, 11:30 AM

تحذير (3):
لحد يتعامل مع المكاتب التالية:
1- مكتب أصفه ويديره واحد ينقاله: أشرف
2- مكتب الشيزن ويديره واحد ينقاله: شعبان
3- مكتب أرياف ويديره واحد ينقاله: شاهد

طابعين ذا التحذير وملصقينه بأكثر من مكان

02-22-2013, 02:10 PM

الله ييسر امرك
بس ياليت بعد بالانتهاء تكتب التفاصيل لأعضاء المنتدى

02-22-2013, 06:01 PM

وكان اللقاء ..؟!
وصل موظف السفارة
نقزت لمه
سألته تسذه:
الفجر اليوم وصلت وهذاني عندكم
انا جديد ومعي تأشيرتين باسمي
عاملات منزليات وجيت بذا لأجل أتوجهوني
ويوم وصلت روعتني تحاذيركم ووشسمه
قال: وش جنسياتهن
قلت: هنديات
قال: غير الجنسيات أبرك لك
^
كاد يجلطني

02-22-2013, 07:11 PM

اقتباس:

المشاركة الأصلية كتبت بواسطة الفكرة ملل

هلاو غلا جب لى سواق معك الفيزة عندى بس نبيك تدور سواق متمكن وتتصل بى 0535551194

حصلت 2 حقين شغل مسلمين
الراتب: ألف + 200 أكل وشرب
تكلفة الإستقدام 2500 ريال
ولا تدفع هللة ألين يفيز
ويكون عندك بحول الله
بعد 21 يوم من تاريخ تفويضك المكتب

02-22-2013, 07:27 PM

النصيحة اللي طلعت بها من السفارة:
دور الله لا يهينك بنفسك ع المكتب
والخادمة اللي تبي ونحذرك من المعلقة اسمائهم
واهم شي اذا قال لك أي مكتب عندي طلبك
قله: فيه تصريح سفر للخادمة للخارج
يحطونه بالجواز ع حسب ذمة موظف السفارة
غيره مش خشمك > طبعا هو ما قالها تسذه
بس المعنى اللي وصله لي أردى من تسذه
وكملها دخول أحد المواطنين السعوديين
يبي يشتكي مكتب من سنتين يرقصون به
وحوله للقسم الثاني من القنصلية - الشكاوي

02-22-2013, 07:28 PM

ع ذمة واحد قحطاني كان يراجع بالسفارة:
مكتب الشرق الأوسط في بومباي أصدق من مر عليه
*

AREA WISE TO LOCATE AGENTS OFFICES
راجعت كذه مكتب بكذا مكان بعد ما اخذت ورقة مطبوعة
من السفارة بمواقع المكاتب في بومباي وهي تسذه:
1- mastan shoping centre
2- zia apartments
3- esjay house
4- kedy building
طبعا هذولا مجمعات وأبراج تجارية
كل واحد فيه عشرات المكاتب ووشسمه
وكثير حوالي 30% من المكاتب أتقول:
لازم تاخذ صورة من جواز الخادمة
واتمر السفارة الهندية فيه نموذج اتعبيه
واذا ختموا لك عليه خلال شهر توصل خدامتك والله أعلى وأعلم

02-23-2013, 09:36 AM

وأخيرا حصلت مكتب بذا يمدح عمره واتفاقي معه تسذه:
ما ادفع هللة ألين يختم الجوازات من السفارة ع الفيزا
وطلب مني أوكله الإثنين بالقنصلية لأجل خلال 5 أيام يفيز لهن
يقول لي: انا بخدمك لأجل أتجيب لي زباين عن طريقك
الخادمة الواحدة أتكلف 16 ألف وحتى قالي لك 2000 ريال
ع كل تأشيرة خادمة من طريقك وسوى لي خصم ع الثنتين
وطلعوا ع كلامه بـ 30 ألف وبصراحة لقيت مكتبين يقولون بـ 14 ألف
بس واحد منهم قال لي لازم ترجع لسفارة الهندية بالرياض
والثاني من عيونه وتسني قريت ع جبهته مكتوب: ممكن أسرقك ؟!
^
أجل كم يربحون اللهم لا حسد
وهذاني علمتكم

02-23-2013, 09:42 AM

ويدورون فيز المزارعين والعمالة اليدوية هنا
بأي شكل وللإمانة ما سألت كم اتكلف نسيت
بس من حررصهم وسؤالهم وتكراره شكلهم بيدفعون لك
اذا قلت معي تأشيرة بلاط ولا سباك ولا مزارع