السلام عليكم

باختصار

وجدت اعلان لهذا الشخص ابو فارس الشويعي في بريده هنا في هذا الموقع
وكلمته وذهبت لمكتبه ودفعت الفلوس
وقدمت على شغاله اثيوبيه
باعلانه كاتب التقديم ماياخذ 20 يوم ..... وللان له 5 شهور وهو يماطل
كل يوم شهر الشهر اللي بعده
وكل يوم الليوم اللي بعده
ولاجت الشغاله ولا رجع الفلوووس

من يعرف هذا الشخص ...وسبق له التعامل معه؟؟؟

اي مكتب لايمكن ياخذ هالوقت وهالمماطله ....انا االان اسأل وأحذر من هذا الشخص

.....

االله يعينك ياخوي انا السنه الماضيه كنت مقدمه عندمكتب المسحل بعنيزه وسبعه شهور ولاجت شغالتنا و لما راجعناه فال عطونا زياده الف وبعدسبعه شهور طلب زياده ثلاث الالاف ويقول تجي بعد ثلاث شهور يعني عشره شهور والاستقدام بدأيتصعب وانا اسحب التأشيره من عنده

السلام عليكم ورحمة الله وبركاته

مبارك عليكم الشهر الكريم ..

قال تعالى في كتابه الكريم ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

أخي / ابوياسر 2011 .. لك مني اطيب التحية والتقدير ، واسمح لي بالرد على موضوعك نقطه نقطه للايضاح

أولاً :
وجدت اعلان لهذا الشخص ابو فارس الشويعي في بريده هنا في هذا الموقع

في هذه العبارة معك حق انا اعلنت في هذا الموقع .

ثانياً :
وكلمته وذهبت لمكتبه ودفعت الفلوس وقدمت على شغاله اثيوبيه

قد تكون تواصلت معي أو استقدمت عن طريقي ، لكن كما يعلم من استقدم من طريقي ان استقدامي فردي وليس لي مكتب (لم تصدق في هذه العبارة) ، دفعت لي فلوس ؟؟!!! في هذه ايضاً (لم تصدق) واسأل كل من استقدم عن طريقي اذا دفعوا لي اي مبلغ قبل التفييز للخادمه فلك مني (خادمة مجانيه) اذا اثبت صحة كلامك .

ثالثاً :
باعلانه كاتب التقديم ماياخذ 20 يوم ..... وللان له 5 شهور وهو يماطل كل يوم شهر الشهر اللي بعده وكل يوم الليوم اللي بعده
في هذه العبارة معك حق ذكرت بالاعلان 20 يوم وحصل لأناس ان حضرت بأقل من ذلك ايضاً على حسب الضروف ..
أما 5 شهور مماطله فهذه لم تحصل (ولم تصدق) فيها ، اقصى مدة احضرت بها 3 شهور وبسبب الشروط الصعبه لصاحب الطلب .

.. شكراً لمتابعتك ..

ابو ياسر تبي نصيحة اخو اسحب تأشيرتك ورح بنفسك يوم الأحد باذن الله الاربعاء راجع وخدامتك معك
ركز على القراء اديسا بابا أبعد عنها التكلفة كلها 800 دولار وسلامتك واذا تبي اخدمك تواصل معي خاص .

الله لايوفقك يابو فارس الشويعي واجعل الفلوس الي نصبتبه علي ماتكفيك علاج ان شاء الله انا احذر من التعامل مع الشخص نصاب جابلي شغاله وووووع من اول ماجابه مضربه عن العمل يوم استلم افلوسه حولن مع الاثيوبي وبدا مايرد علي وقال الاثيوبي سفره على حسابك وسفرته ولا عوضون ولاشي والمصيبه قبل كم يوم اتصل علي واحد يقول انا جايه شغاله سبق وجبته انت هل حللتله اولا نصاب نصاب الله لايوفقك حي ميت آمين يارب

والله يا عاد هالعالم ما تسد اثاميهم ولا التراب ...

والله العظيم يا ان ابو فارس ما فيه الا العافية الله يجزاه الجنه حياً ميت ... اقسم بالله بالشهر الفضيل انه جاب لي خدامه .. وجاب بعد لاخواني والله مافيهم الا العافية وهذاهن يشتغلن بس انتي بتخربين سمعت الرجال خوفي ربك . والرجال اجتهد وجاب لك خدامه وش تبين بعد !!! يابنت ابن خيخي .

وغير هذا كله والله ما قصر يقول لو الخدامه فيها اي عيب استبدله لكم ***

والله يوفق الجميع

والله انك صادق والدليل انه مايرد اذا اخذ الفلوس هههههه
شكلك لك فايده منه وبعدين مو انا الي اتذمر منه واجد واذا صار حظك زين خلي غيرك يتكلم ومالك شغل ومو انا الي اخرب سمعة الرجال من غير سبب وش بيني وبينه وعلشاني صادقه شفه رد على الي قبلي ومارد علي علشان ماعنده حجه
وما اقول الا الحساب يوم الحساب

والله انك صادق والدليل انه مايرد اذا اخذ الفلوس هههههه
شكلك لك فايده منه وبعدين مو انا الي اتذمر منه واجد واذا صار حظك زين خلي غيرك يتكلم ومالك شغل ومو انا الي اخرب سمعة الرجال من غير سبب وش بيني وبينه وعلشاني صادقه شفه رد على الي قبلي ومارد علي علشان ماعنده حجه
وما اقول الا الحساب يوم الحساب