انا اخذت شغالة تنازل لكني مو مقتنعة بمواصفاتها ابدا ولاتوقعت اني باخذ شغالة بهذه المواصفات معها جوال وكبيرة في العمر وملسونة وهذارة وفوق هذا كله تنظيفها مو لهناك ابدا مع انها مشتغلة قبل كذا بس مدري ليه كذا وسخة ، المهم الحين كل هذا ولانها مشتغلة من قبل في نفس المنطقة فهي عارفة كل شي فيها من بقالات الي يشتغلون فيها ربعها والاسواق عارفة اسماءها ولها قريبات يشتغلون بنفس المنطقة وهي كثير تسالني عن اسم الحي الي بيتنا فيه عشان كذا انا خايفة انها تشرد لان قالت لي اذا الشغالة ما عجبها الكفيل تروح تدور كفيل ثاني ووالله العظيم اني مو مرتاحة من وجودها في بيتي ابدا انا خايفة جدا انها تشرد شكلها واسلوبها يقولون كذا وش الحل الله يجزاكم خير ساعدوني انا عايشة بقلق شديد من يوم اخذتها وشغلتها عندي بتقولون ليه تخذينها بقولكم اني سبحان الله كنت رافضة فكرة أخذها بشدة بس مدري وش صار واخذناها ، الحين صار الي صار وش الحل كيف التصرف معاها

الا مبيته النيه عشان تعرف وين هي فيه وتوصف لمن ياتي اليها وتهرب
حصل عندي خادمه دايم تسال الاهل والخطا ماعلموني بسوالفها وثلاث ايام وهربت لانها عرفت تعطي الوصف لمن يقوم بتهريبها

انتبهي لها وخليك مصحصحه لها وحاولي تاخذي الجوال منها

إذا أخذتي الجوال منها كأنك حطيتيها عن الهرب جوف بير .. ماعاد تعرف وش تسوي وتلخبط عليها الجهات .