من خبرتي السيريلانكية لما ترفض العمل .... اغسل يدك منها .... جتني وحدة قبل عدة سنوات .... وفي نفس اليوم قالت تبي ترجع بلدها ...! المهم صاحب المكتب اخذها وبعد عدة ساعات رجعها وقال خلاص تبي تشتغل وما عندها مشكلة .... وكان شغلها اي كلام ... وبعد اسبوع تكررت القصة نفسها بس هالمرة هددتنا بسكين ...!! قفلت عليها المطبخ وكلمت صاحب المكتب يجي ياخذها يسفرها .... ولانه من المعارف .. حس بالحرج ودبر لي غيرها...!! وعرفت بعدين انه ماسفرها عشان مايخسر ... لكن حسب ماسمعت اعطاها كم كف وطراق... واخذها الى عائلة اخرى... وهكذا استمر عدة اشهر ينقلها من بيت الى بيت... ولا احد تقبلها لانها هي مش متقبلة العمل.. المهم بعد عدة اشهر سفرها ... شوفوا كيف الاستهتار بالبشر ... هذي كان ممكن تسوي جريمة بس الله ستر... ومش كل مرة تسلم الجرة ...لذلك لازم يكون فيه حل لاستهتار واستغلال مكاتب الاستقدام للناس والعمالة بنفس الوقت..... الله يصلح الامور ....
11-25-2011, 05:47 PM
العرض العادي
