09-21-2011, 02:02 PM
|
|
نصب وأحتيـال وأرجو من الجميع الدخول للاهميه
السلام عليكم ورحمة الله وبركاته
أخواني اعضاء المنتدى وايضأ الزوار
يامرحبا مليون انا جيتكم ومنزل لكم موضوع بالحيل يهمني وانتم قريتو عنوان الموضوع
على كذا مثل ماتقولون لاني تعوددت وعودتكم على الشفافيه الزايده
وانا أخوكم تعرضت لكيد بعض الناس وذالك لتشويه سمعت السنعوسي بحدى المواقع الثانيه
مدري كره أو تشويه سمعته أو شي ثاني
ولكم قصتـي
انا تعرفت على شخص قبل سنه تقريبأ أخذة رقمه من قناة الواسطه مسوي أعلان تجاري انه يمول من بنك الراجحي للمؤسسات والشركات وكلمته واجتمعت معاه وعطاني كرته أنه موظف في بنك الراجحي بوظيفة مستشار مبيعات ويدعى ثامر عبدالرحمن محمد والمعروف عنه انه أبو ريان
قالي اي شخص يبي ,,,,, انا امول له وانت لك نسبة 1.5% من كل ,,,,, وال,,,,, من 25 يوم الا 70 يوم قلتله خلاص وش المطلوب قال اوراق الشركه او الؤسسه
كلمة ولد عمي اللي اقرب الناس لي ومن لحمي ودمي لاني عارف عن ظروفه قالي اي والله تكفى يابو فهد قلتله من عيوني
وكلمني شخص اعرفه معرفه سطحيه من المنتدى يقاله ابو مسعد عنزي قال تعرفه قلت والله معرفة قناة فقط لا غير
المهم قالي بجتمع معاه وجلس معاه وتكلمو عن موضوع ال,,,,, ووووو الخ
طلب منه عدة شغلات أولها هي كالتالي
صورة السجل و صورة الزكاة وصورة صاحب المؤسسه وصورة كروكي للموقع وقوائم ماليه لاخر ثلاث سنوات قال ابو مسعد انا ماعندي قوائم ماليه قال الرجال انا اعرف مكتب يسويها لك بمبلغ وقدره 5800 ريال قال خلاص اسلمك الفلوس بعد ماتخلصها قال طيب وسواها له الرجال وسلمه القوائم الماليه والفاتوره طبعا من مكتب البيان الاول اللي بالملز وحول الفلوس لحساب ابو ريان عاد قبلها قلتله يابو مسعد عطني فلوسك اول مايخلص بعطيه قال لا الحساب اضمن مسوي انه جمس بوند يعني لو بيزرفه او شي
قلتله بكيفك وقبل لا يطلع قلتله يابو مسعد خذ رقم بطاقة الرجال او اطلب منه صورة من بطاقة احواله برضو ماهتم للموضوع
مالكم بطويله
الرجال الله حق تاخر على ابو مسعد بال,,,,, بدل ال25 يوم جلس ثلاث شهور قمت اتصل عليه مره مقفل ومره مايرد عدة مرات كلمني ابو مسعد قلتله ياخوي بشوف الرجال طلعة لم دوامه على طريق العليا بنك الراجحي الاداره لقيته مستقيل
دورة له عنوان سكن يمين يسار مافيه
رحت ورفعت عليه قضية في شرطة الملز باسمه كامل مع الاوراق والفواتير وعنوان العمل حقه سابقأ ومضمون القضيه النصب والاحتيال على منهو طبعا على ابو مسعد لاني انا ماخذ مني شي
وكلمة ابو مسعد يابو مسعد ترى سويت كذا وكذا وكذا قال اوكي يعطيك العافيه
المره الثانيه يابو مسعد تعال للقسم علشان القضيه قال مايحتاج يابو فهد انت محل النفس
المره الثالثه يابو الشباب يالحبيب ياخوي قال انت تابعها
المره الرابعه اجيك انا واخذك ونطلع كلنا للقسم قال انت نصاب مثله
انا نصاب .
قال اي ومتقاسمين المبلغ وانتم نصابين وانتم فيكم وفيكم وفيكم
قلت ياخوي لحظه لحظه لحظه انا كم مره اتصل عليك علشان تجي للقسم وانت مو راضي قال انا اوريك وسكر
شطفته لاني تعبت اراكض وراه علشان مايضيع حقه ومسجل قضيه بالقسم باسمي علشان حقه
مرت 8 شهور بعد الموضوع هذا ارجع ادخل المنتدى الثاني احصل انه كاتب عني موضوع اني نصاب وحرامي واني متفق مع راعي البنك عالشغله هذا كلها واني انا ,,, النصابين
والله ماقصرت اللي خليتني ,,, يعني م,,,ني يقالك
تضايقة مره بالحيل واليوم الصباح رحت للقسم وطلبت منهم صور من التقارير اللي انا مقدمها على الشخص اللي اسمه ثامر راعي ال,,,,, واني مشتكيه بالنصب والاحتيال لان الرجال قال انت متفق معاه
اجل شلون اشكيه اذا انا متفق معاه ؟؟؟
وعطوني مذكره من شرطة الملز بعد ماحولوني للمتابعه وختمو عليها بختم الشرطه علشان احمي نفسي
طبعا المذكره كالاتي وراح تشوفونها
نوع القضيه / نصب وأحتيال
رقم القضيه / 3200401685
المدعي / مشعل فهد الشمري اللي هو انا
المدعى عليه / ثامر عبدالرحمن محمد
الملف / 1510
ومن حق كل شخص يتصل على شرطة الملز ويتاكد من رقم القضيه ومضمونها ايش
وكلمة صاحب الموقع وعلمته بالمضمون وقام ماقصر حذف الموضوع وقال بينزل المذكره اللي معاي لتبرئتي من هذا الشخص الحقيرررررررررررررررررررررررررررررررر
[
طبعا هذا الرابط ماقدرت احمله لاكن موجود المذكره ماعليك سوى تكبيره اذا الختم مو واضح
وانا بطريقتي سحبت كل كلمه قالها عني وراح ارفع عليه قضيه رد اعتبار باذن الله على كل كلمه اتهمني فيها
ومثل مايقول اعمل خير تلقى شررررررررررررررررررررررررررررررر
واسف عالاطاله بس حبيت ابلغكم اول باول لاني واحد من هذي العائله وهي عائلة المنتدى وشكرا
اخوكم / مشعل فهد الشمري
|