ملاحظة : الرقم خاص فقط بإعلانات العمالة المنزلية
|
|
ما اعرف وش اسوي
السلام عليكم
. . . . . اخواني واخواتي من يقدر يعلمني خطوات التنازل عن الخدم بالتفصيل الممل انا قريت الشروط اللي هنا http://www.gdp.gov.sa/?id=2074 لكن عندي اسئله من وين اجيب نموذج نقل كفاله؟ متى ادفع الفلوس قبل نقل الكفاله ولا بعد يعني وش المتعارف عليه ؟ لان اخاف ينلعب علي يصلح انقل عامل على كفالتي وهو ماكمل سنتين عند كفيله الاول ؟ واذا مايصلح وشلون ادفع فلوس للكفيل الاول بدون ضمانات ؟ اخاف يهرب اذا العامل ما تطلعت له اقامه وش اسوي ؟ اطلب من الكفيل الاول يطلع له ؟ ومين يدفع فلوس نقل الكفاله انا ولا الكفيل الاول ؟ واذا عيا يطلع له اخليه بدون اقامه؟ اذا العامل معه رخصه قياده مطلعها له كفيله الاول نطلع بدالها ولا ما يحتاج ؟ يعطيكم العافيه اللي عنده تجربه يقولها |
|
|
اولا: عليك اخذ اقرار مصدق من جهة عمل الكفيل الاول اذا كان حكومي او وكالة من محكمة او عمده او شرطه وتاخذ صورة من بطاقة عمله والاقرار كالتالي نعم انا فلان الفلاني سجل مدني رقم ............................. اقر انني تنازلت عن السائق:...................... هندي الجنسية رقم الجواز:..................................... الى الاخ:...............................سجل مدني رقم :............................ وفوضته لإصدار اقامته وإنهاء كافة الاجراءات المتعقله بنقل كفالته له ويوقع عليه ويصدق من جهة عمله وتاخذ صورة من بطاقة عمله. ثانياً: عليك التاكد من عدم وجود مخالفات مروريه على الكفيل الاول حيث في حالة وجود مخالفات لاتستطيع اصدار اقامة او نقل كفالة ثالثا:تقوم بعمل كشف طبي له بمستوصف خاص كشف طبي لاصدار اقامة واخذ صور اربعه له وتسدد من حسابك مبلغ 1100 اصدار اقامة ومخالفة تاخير اصدار اقامة وذلك بادخال رقم الحدود الموجود بجواز السائق مكتوب بقلم حبر.وتعبي نموذج اصدار اقامة موجود عند الجوازات في البوابة وتصدر له اقامة باسم الكفيل الاول رابعاً : تسدد رسوم نقل الكفالة من حسابك ايضا وذلك برقم الاقامة الجديدة وتذهب للجوازات وتجد نموذج نقل كفالة ومعك صوره ويتم نقل كفالته لك وانتهينا. بخصوص دفع المبلغ له عليك دفعها بعد ما تاخذ اقرار التنازل والتاكد من عدم وجود مخالفات طبعاً المبلغ المدفوع بدون ما تضيف عليه رسوم الاصدار ونقل الكفالة وبذلك تنتهي العملية لكن عليك التاكد من انك مطابقه شروط نقل الكفالة لديك وهي اما ان يكون اكبر ابنائك من مواليد 1426 او لديك زوجه تعمل او تدرس وبذلك تنتهي العملية |
مواقع النشر (المفضلة) |
|
|
|