ملاحظة : الرقم خاص فقط بإعلانات العمالة المنزلية
|
|
دعوه للمناظره والنقاش بين اصحاب الاستقدام وعملائهم .. للفائدهـ
بسم الله الرحمن الرحيم
السلام عليكم ورحمة الله وبركاته لاحظت كثيراً من المستقدمين بتحديد المده بالتفصيل سواءاً من يقول الاستقدام خلال (شهر) ومن يقول خلال (30) يوم وحبيت ان اناقش هذه النقطه لكي يستفيد منها الجميع وتتضح الرؤيه ولكي استفيد انا ايضاً لاني ابتعدت عن عالم الاستقدام من فتره ليست بالقصيره وحاب بأن اعيد هذه التجربه. عموماً: من واقع تجربه سابقه المعروف بأن ((عالم الاستقدام )) لا يمكن التنبء به ولايمكن تحديد موعد وصول الخادمه بيوم معين وذلك للاسباب التاليه: 1- فرضاً اخترت الخادمه ولم يسبق لها العمل * من المؤكد يبيلها ثلاثة ايام على بال ماتوصل للمكتب عشان تكمل اجراءات الفحص وهذه المده اقل تقدير ومن ثم بيصادفها اجازة الاسبوع يومين . وصلنا هنا الى (5) ايام. الفحص الطبي يبيله (3) ايام ويكون جاهز. وصلنا هنا الى (8) ايام يبيلها تخش تدريب لمدة (14) يوم وصلنا هنا الى (22) يوم هذا اذا جت الخادمه بنفس اليوم من بعد انتهاء الفحص الطبي بعد التدريب لابد عمل اجراءات السفاره ومكتب العمل لنقول (2) يوم هنا وصلنا الى (24) يوم بعدها موعد الرحله لايمكن ان تعلم متى تحصل رحله فاضيه عشان تحجز للخادمه مع العلم بأن المتبقي للموعد المحدد (6) ايام. السؤال هنا لاصحاب الاستقدام: ماذا ستفعل لو بعد انتهاء فترة التدريب وانتهاء (22) يوم رفضت الخادمه العمل؟ ماذا ستفعل لو صادفت البلاد ظروف كالفيضانات او الاجازات ؟ ماذا ستفعل لو مرضت الخادمه؟ ماذا ستفعل لو حصل للخادمه ظروف وطلبت تأجيل السفر؟ ماذا ستفعل لو اوقف المكتب من السفاره ؟ ماذا ستفعل لو كانت الحجوزات فيها ضغط؟ ماذا ستفعل لو ماطلت الخادمه بالحضور سواءاً قبل انتهاء الاجراءات او بعدها؟ اتمنى التوضيح للاستفاده !! والسؤال هنا للعملاء: هل ستتقبل هذه الاعذار المذكوره لو لا قدر الله صادفت المستقدم؟ هل ستصدقه ام تقول بأنها اعذار واهيه؟ هل ستصبر على نصيبك وتكون حليم ام ستغضب ويكثر الشك ؟ اتمنى التوضيح لمعرفة الفكر والوعي لديكم!! ياإخــــــــــــوان : عالم الإستـــــقدام يملك من المتاهات الشيء الكثير عالم الإستـــــقدام فيه السلبيات والايجابيات عالم الإستـــــقدام يعتمد على التوفيق من رب العالمين أولاً وعلى الحظ آخراً طرحت هذه المناظره لكي يكون الجميع على علم بماذا يدور في عالم الإستقدام واستماحت العذر لمن له عذر واعطاء الحق لمن له حق اتمنى التوفيق للجميع وتسهيل جميع الامور من رب العالمين وانا حاضر بأي استشاره او معرفه للجميع(عملاء -اصحاب مكاتب) من المؤكد بأنه يوجد بمن هم اعلم مني كثيراً ولست بالعالم ولكن بما املكه من خبره بسيطه في عالم الاستقدام دمتم بحفظ الله ورعايته**** |
|
|
اخوي من المفترض يكون هناك مجموعة من العاملات تم الكشف الطبي عليهم ومن جميع المواصفات ومسالة فترة التدريب هذي ما لها داعي مايتعلمون شي يجونا غبيات جدا حتى اساسيات اللغة ما يعرفونها بس كلمتين ايه لا هذي المفروض تنحذف احس انهم يعلمونهم هذي الاشياء 1- اذا مانبسطتي اضربي عن العمل وروحي بيت ثاني 2- كوني علاقات مع السواقين والعمالة 3- اذا صارت مشاكل اسحريهم 4-لاتطبخي كويس عشان ماياخذون عليك 5 -اذا عندهم بيبي كرهيه فيك عشان ماينشب لك 6- انضبطي 3 شهور بس بعدين سوي اللي تبينه وهذي اهم نقطة مو كلهم اعتقد الاغلبية كذا وبالنسبة للتاخير اكيد لو كان فيه عذر راح اتقبله بس المفروض ينخصم من المبلغ رمزي عن كل يوم تاخير او يعوضك بخدامة لحين الوصول بس بسالك انا سمعت ان اندونيسيا يرسلون لنا خدامات خريجات سجون |
|
|
هناك نقاط اخي الكريم
1- فرضاً اخترت الخادمه ولم يسبق لها العمل...!!! اذا كان المستقدم ذكي ياخذ خادمة تكون ع وشك الانتهاء من المدرسه وقبل كل شي يعمل لها الفحص الطبي ويفيز لها بمجرد الانتهاء من المدرسة يحدد موعد سفرها مع العلم ان السفارة لاتطلب المدرسه فقط البيرو هو من يطلب ذالك وعلى الاساس قللت المدة المشكله اخي الكريم من العميل نفسه وهو من يجبر المستقدم على ان تطول الفترة وذالك بشروط الي يضعها للمستقدم البحث عن خادمة بشروط تعجيزيه بتحدد عمر معين او ان تكون عملت في دولة محدد او ان تجيد الانجليزي وشكل كل هذي العوامل هي من تجعل المدة طويلة اكثر من شهر برغم اني متاكد النهو ليس لديه مانع بي خادمة كما يحدث معي انا اطلب شروط معينه وتفاجاء بغير الشروط التي طلبت وقول اهم شي حصلت خادمة وبس جلست مع مستقدمين ووجت الاسباب هذي هي التي تعوق المستقدم وتجبره على طول المدة |
|
|
أسوا شيء لما تقدم على مكتب أوشخص ويوعدك انه بيجيب لك خادمة بوقت قصير وعلى شروطك ثم يطول الوقت ولاتجي بنفس المدة اللي وعدك فيها . وعندما تصلك الخادمة لاتجد أي شرط من شروطك متوفر فيها هنا المصية . ياأخي ممكن الواحد يعذر بالتأخير لكن على شرط أن اللي قام بالإستقدام يشرح الظروف للكفيل ويضعه بالصورة اولا بأول . لكن لايمكن أن يعذره بأن يأتي بخادمة عكس شروطة وطلباته كلها، على الأقل قل للعميل إن المتوفر عندي حاليا من العاملات كذا وكذا هل تناسبك واحدة من الموجودات وخل العميل هو اللي يقرر ويختار منهن ماتناسب ظروف عائلتة . فإذا قال لك مافيه منهن من تناسبني ابنتظر الى ان تجد لي المناسبة هنا تكون صدقت مع عميلك ولم تخدعه . اما تبلاه بواحدة بعيدة كل البعد عن شروطة وتقول هذا هو المتوفر واحمد ربك اني جبتها لك ، طبعا لا والف لا لأنك خدعته وابتليته بعلة مايدري وش يسوي فيها يعني خسرته فلوسه وضيعت عليه وقته وصار انتظاره بدون فائدة يعني قلتها ابرك من وجودها . يعني انا أعذر من يتأخر عن الموعد المتفق عليه بس المهم أن يأتي بخادمة حسب شروط الكفيل تريح باله لأنها بتعيش عنده سنتين اما أن يأتي بأي خادمة يقابلها لمجرد التخلص مما لديه من طلبات هذا مالايسمح به ابدا ولايمكن ان يغفر له العميل ابدا ابدا لأن المكاتب كثيرة والاشخاص الذين يقولون نقدر نستقدم كثيرون لكن من منهم الصادق مع عميله هنا المهم . اضع نفسي في مكان المستقدم فأرى أن الأفضل لي ولعميلي أن أهتم باختيار المناسبة له مهما واجهت من صعوبات لأكسب رضى عميلي ليدعوا لي لكي يبارك لي الله بالمال الذي حصلت عليه منه فمالفائدة التي اجنيها إذا انا خدعت عميلي وبالتالي بدلا من أن يدعوا لي بالتوفيق فإنه سيدعوا علي، فالأفضل من ان احضر 10 عاملات سيئات ويدعون الناس علي الأفضل أن احضر 5 عاملات ويدعون لي فاستفيد بالدنيا مالا ويبارك ربي لي ولأولادي بالأخرة فأحصل على الأجر من دعائهم لي بالغيب بالدنيا والآخرة . فيجب ان ينتبه لذلك كل من تقدم للناس وقال انا مستعد أن احضر لكم خادمات تأكد بأن تكون صادقا مع الناس لأنهم سيعذرونك لو تأخرت لظروف خارجة هن إرادتك إذا وضعتهم بالصورة ووضحت لهم سبب التأخير ولم تكذب عليهم لكنهم لن يسامحوك ابدا إذا ابتليتهم وفاجأتهم بأنك اخترت لهم من هي عكس شروطهم وبدون أن تخيرهم بالمتوفرات لديك . انا جربت مكتب الله يذكرهم بالخير يجيبون حسب الشروط لكن المشكلة صار لهم فترة غيروا عن الدولة اللي أبستقدم منها لذلك بحثت عن غيرهم . |
|
|
فعلا عالم الاستقدام عالم ملئي بالمتهات وانا اقول الاستقدام حظوظ بالدرجة الاولى ما اذكر اني قدمت على خادمة جت بنفس الشروط او بنفس المده المتفق عليها نهائيا خاصة من دولة سيرلانكا لكن قدمت عند مكتب على خادمة نيبالية جابها في شهر ونص اقل من الي في العقد لكن هو قال خلال 20 يوم تكون عندك ولا فيها من الشروط شي لكن والحمدالله اسلمت وتعتبر من افضل الخادمات الي مرو علينا السائق سوف يصل الاسبوع القادم ( عن طريق مكتب جيود) وان شاء الله يكون فاهم في السواقه ويكون ملتزم دعواتكم لنا |
|
|
|
|
اقتباس:
بالنسبه لسؤالك عن خادمات اندونيسيا
جميع الدول المصدره للعماله لا تستغربي منها هذا الشيء وخصوصاً بنجلاديش لانه سبق وان قريت خبر في احدى الصحف بأن اكثر عمالتهم الرجاليه المصدره للمملكه مساجين محكوم عليهم مؤبد شاكر مشاركتك ووفق الله الجميع |
|
|
|
|
اقتباس:
هل المكتب سعودي والا مكتب في اندونيسيا؟
اذا كان المكتب من هنا اهو المسؤول وان شالله ماراح يضيع حقك بس اهم شيء تلتمسون له العذر واذا كان من اندونيسيا لك خيرات كثيره اذا لم تدفعو له المبلغ الغو التفويض المعمول له وشوفو مكتب غيره او الغو التأشيره واتجهو الى دوله اخرى واذا قد استلم المبلغ قدمو شكوى على السفاره وراح تتعامل معه وبالنسبه لتوقف الاستقدام حسب ماسمعت ولا ادري عن صحة الكلام تم ايقاف اصدار التأشيرات الجديده يعني القديمه عادي امورها تمشي الله يسهل اموركم وموفقين خير |
|
|
|
|
اقتباس:
|
|
|
|
|
اقتباس:
يااختي العزيزه المكتب يحدد المده على حسب مامشت معه الامور في الاستقدامات السابقه لانه قبل كان يجيب الخادمه في فتره وجيزه وهو لايعلم الغيب ولا يعلم بما يخفيه له القدر أكيد لو انه بيعرف بتكون فيه امور خارجه عن ايرادته ماحدد المده ابد وانا اتكلم هنا عن امور الاستقدام قبل مده لانه كان فيه وفره فالخدم لكن حالياُ الامور تغيرت وصار تعقيد وتأخير وامور اخرى وصارت المده تطول مو زي اول واكبر دليل المكتب اللي كنتي تتعاملي معه لانه اكيد كانت اموره ماشيه من الدوله اللي يستقدم منها لوفرة الخدم وبعد ماصار فيها شح وتأخير غير لدوله اخرى وفيه نقطه مهمه لما تقولي مع كل هالتأخير يجيب وحده مو نفس الشروط المطلوبه ترا كثرة الاتصالات والحرص الزائد على وصول الخادمه تتعب المستقدم كثيراً لانه مع الظروف الحاصله وعدم وفرة الخدم وكل يوم العميل يتصل عليه هاه وش صار ويسمعه كلام جارح وسب وشتم وهو ماله اي ذنب ولا بيده شي اكيد راح يتعب وراح يريح نفسه من هذا العميل ويجيبله الخادمه المتوفره المفروض اذا العميل طالب شروط معينه يقدر وضع المستقدم ويصبر عليه لان كل شي بحكم الله انا حصلي موقف مع عميل لما اعطاني تأشيرته وقلتله اوكي راح اسافر بعد عشرة ايام لان عندي امور ابي اخلصها قبل مااسافر وان شاءالله اذا سافرت تتسهل الامور صار كل يوم يدق علي هاه ماسافرت تكفى استعجل فالسفر انا محتاج الخدامه لدرجة انه احياناً يتصل علي الساعه 1 فالليل عرفت من كثرة اتصالاته بأن هذا الشخص ماراح يقدر الظروف لو يحصل ظرف لاقدر الله واكيد راح تحصل بيني وبينه مشاكل قلت اختصرها من البدايه وكلمته ورجعت له تأشيرته وقلتله ماراح اقدر اسافر قبل شهرين وانتي اكيد مستعجل خذ تأشيرتك وشوفلك شخص ثاني حتى سبحان الله وهالشي اللي بقوله كثير من الاشخاص المستقدمين حصل معهم هذا الشي لما قلتلهم هذه النقطه بأن الاشخاص اللي يكونون حريصين مره على وصول الخادمه بكثرة اتصالاتهم وسؤالهم وحرصهم تتعطل امورهم ويكون فيها تأخير . والسبب (الله وأعلم) عموماً .. اتمنى نكون منطقيين وواعين لهالشيء الحاصل لاتفهمي كلامي بأني ضدك واكون في صف صاحب المكتب لا انا اتكلم من واقع تجربه واقول الحق والحق مايزعل احد موفقين ان شاءالله |
|
|
|
|
اقتباس:
شاكر لك تفهمك اخي العزيز
واكيد الاستقدام حظوظ وتوفيق من رب العالمين لكن الحاصل الأن في عالم الاستقدام قليل وقليل جداً تقدر تجيب الخادمه بنفس المده اللي انت تحددها لابد مايحصل معوقات وتأخرك والله يوفقك بالسائق |
|
|
النقاش مطلوووب
|
مواقع النشر (المفضلة) |
أدوات الموضوع | |
انواع عرض الموضوع | |
|
|
|