ملاحظة : الرقم خاص فقط بإعلانات العمالة المنزلية
|
|
أبو أنور يحدثكم من قلب السفارة السعودية بالنيبال: مهنا شي قبل شهرين ؟!
سلام وبعد يوم الثلوث كنت في كاتمندو عاصمة النيبال ومعي طلبات استقدام لعملائنا وتوجهت للسفارة السعودية هناك لمعرفة الإجراءات القانوينة والمكاتب المعتمدة وبعد جهد جهيد وصلت لمقر البعثة الدبلوماسية استقبلوني بكل ترحاب وعندما عرفوا غرضي من الزيارة قال لي أحد الدبلوماسيين هناك: تعال معي أدخلك على القنصل واسمع من رأسك لرأسه لأجل ما اتلومني قلت له: بيض الله وجهك رقينا للدور اللي فوق وسط غابة من الكراتين الكبيرة والمتوسطة الأحجام اشي كمبيوترات أشي مكاتب اشي وشسمه الزبدة بالطريق وحنا ع الدرج تعذر مني الموظف وقال: المعذرة ترينا تو ما بعد نزلنا وجالسين نرتب ,,,نا - قشنا قلت: الله يقويكم تبون مساعدة ازم اي كرتون انا حاضر ابتسم وقال: شدعوى - حياك * وصلنا مكتب معاليه واستقبلنا ومعه دبلوماسي أخر وبعد السلام والتحايا وما إلى ذلك اخبرته لماذا انا عنده ؟! أجابني: شف قبل شهرين ألين 3 شهور لحد يوريني وجهه مثل ما انت شايف مشغولين وجالسين انتجهز قلت له: ولكن وزارة العمل جالس أتحد الشعب عليكم قال: مو ذنبنا ولا هو غلطنا حنا تونا انقول: يا هادي قلت له: طب والـ > وقبل ما اكمل قاطعني: يخوي اصلا أتفاقية الاستقدام اللي وقعوها وزارة العمل حقتنا باقي تنتظر الإقرار من البرلمان النيبالي وموعد جلسته بعد شهرين وان أقرت سيبدأ التطبيق بعد 30 يوم من تاريخ الإقرار وحسب معلوماتنا مهنا اقرار لأن البرلمان احتمال كبير راح ينحل لأجل تشكل حكومة نيبالية جديدة هي من ستمرر الإتفاقية وذا امر يستغرق ما بين شهرين إلى 3 شهور شكرته واست|أذنته ونزلنت من مكتبه وانا طالع قلت لصديقي الدبلوماسي: ما تبغوني صدز أفزع معكم تريني ذويق بالديكورات وتسذه قال : استريح يا ابن الحلال جب جوازك السعودي وموبايلك النيبالي لأجل انسجلهم عندنا ولا يكثر > الأخيرة من عندي وانا اكتب ذا من باب التنبيه للأخوة - الإخوات والله على ما أقول شهيد ودمتم اؤخيكم أبو أنور |
مواقع النشر (المفضلة) |
|
|
|