ملاحظة : الرقم خاص فقط بإعلانات العمالة المنزلية
|
|
شاركوني في اعمال وافكار ايجابيه تدخل الفرح على قلب الخدم والخادمات
شاركوني في اعمال وافكار ايجابيه تدخل الفرح على قلب الخدم والخادمات
ماذا قدمنا لهم ؟ ماافضل امر يمكن ان تقدمه لهم ؟ قال الله تعالى: {ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون} ((آل عمران:104)) الخدم لا اقصد بهم السائق والشغاله فقط يدخل تحتهم عمال النطافه في الشارع وفي المستشفيات والكوفيرات في المشاغل الخياطين الحلاقين فهم لهم حقوق وضعتها شريعتنا السمحه ولم ينسهم رسول الله صلى الله عليه وسلم فبين المصطفى صلى الله عليه وسلم أن الخدم إخوان لمخدوميهم ولباقي المجتمع في الدين والإنسانية ، وكان الظاهر أن يقول خولكم ( أي خدمكم ) إخوانكم ولكن قدم الأخوة على الخدمة ، فالخدمة إعانة فكيف نجعلها سبب تحقير واهانة؟! فهم اخوه لنا وقبل ان نقدم لهم اي شي لابد ان نهديهم هديه حتى يحبونا وتزيل الحواجر بيننا وهذه امثله لبعض مايمكن ان نقدمه للخدم 1- نقدم له ملبس مثل الي نلبسه نحن 2- نوفر له وسائل الترفيه ولا اقصد بها الترفيه بمعناه مثلا في الشتاء دفايه وملابس وبالصيف مكيف لانهم هم بعد بشر مثلهم مثلنا مو حيوانات عندنا حتى الحيوانات بعد لها حقوق في الاسلام وانا والله رائيت بام عيني امراه تجعل الخادمه تنام تحت الدرج سراميك وبارد وبالشتاء وفراش وضيع وبطانيه وحده فقط والله حرام الشخص اذ بينام اقل شي ينام والباب مسكر حتى يحس بالامان كيف بها تنومها تحت الدرج يمر من عندها الكبير والصغير ويزعجونها والله المستعان 3- خلها من فتره لفتره تتصل باهلها وتتطمن عليهم من جوالك او تشتري لها بطاقه احنا ياما نخسر الالاف على فواتير الجوال وعلى كلام ماله داعي والله المستعان لاتستخسرون فيها دقايق تكلم بها اهلها فالغربه مايحس بها الا الي ذاقها هي مره مره 4-حمايتها وحمايه عرضها كما تخافون على بناتكم واولادكم هي امانه عند راعيها وراعيتها ومسئولين عنها مانخلي اي احد يتحرش فيها هي انسانه وتركت اهلها ووطنها من اجل لقمه تسد بها رمق الفقراء من اهلها 5- حاول من وقت لاخر ادخال الفرح والسرور على قلبها بالهدايا اقلها كريم شعر او كريم جسم شامبو وانا بسوق لكم قصه وربي كنت مره في الصيدليه وجتني عجوز سالتني تبي شامبو ودليتها على شامبو الي استخدمه قالت مابي ابي ارخص واردى نوع انا بشتري لشغاله وراحت وبعد شوي رجعت وقالت لي وش اسم الشامبو الي قلتي من شوي فرحت بقلبي قلت اكيد تراجعت قالت ابيه لبنتي ) سبحان الله هي ربما خير من بنتك وانفع هي تقوم على خدمتك وراحتك وبنتك ربما لاتسمع لك شور ولا كلام 6- اذ جت تسافر حاول تجيب لها هدايا لاهلها وحاول قدر الامكان ان تكون نافعه غير اللبس اهدها مصاحف وكتب اسلاميه لعل الله يكتب لك اسلام شخص واسلام شخص واحد خيرا لك من حمر النعم 7-مساعدتها في اعمال المنزل مثلا عندك عزيمه وانتم تدرون وش كثر الاطباق مافيها شي لو حاولتي تغسلي معها وتساعديها لاتقولون مااتنازل لها وربي رسول الله الي اشرف منا كلنا كان يعاون الخدم ويساعد زوجاته في اعمال المنزل 8- افضل هديه تقدمها لها دعوتها الى الله مو شرط تكون كافره حتى لو مسلمه هي بحاجه الى دعوتها الى الله ربما تكون مسلمه لكن لاتعرف اسباغ الوضوء ولاتعرف اركان الصلاه قدم لها كتب بلغتها تثقفها بامور دينها هذا مااستطعت كتابته وهو جزء يسير من حقوق الخدم علينا شاركونا في أعمالكم الإيجابية التي ستدخلون بها السرور على من حولكم..من الخدم والخادمات بالكلمه الطيبه - بالهديه- باعمال الخير -بالتكريم والتقدير بكلمه شكر _ بالقلم _ واللسان _واليد _والمال شاركوني بافكاركم حتى نطلع بعمل مميز ونافع بقلمي سلووى التميمي |
مواقع النشر (المفضلة) |
|
|
|