ملاحظة : الرقم خاص فقط بإعلانات العمالة المنزلية
|
|
|
استقدمت سائق رافض العمل
السلام عليكم استقدمت سائق هندي ودربته وخسرت فيه وبعد التدريب رفض العمل عندنا وصار يخربط بالسيارة يسوي نفسه غشيم ويقول ان الشغل كثير مع العلم اننا مانطلع الا كل يومين بعد المغرب الى المساء11 بالكثير وعندنا سواق غيره طلب يسافر الهند ورفضت لأننا خسرنا في استقدامه بعدها طلب أشغله عند الغير وشغلته ومن نصف اول يوم هرب ورجع لنا والحين خايف اشغله ويهرب مرة ثانية ومايرجع لنا خسرانين في استقدامه مع العلم اننا نطلبه دين حوالي 3000 وبالأخير طلب يشتغل عندنا عشان يحجر لنا لأنه عارف اننا كرهنا خشته وش الحل الأيام تمشي وراتبه يمشي علينا وغرفته ايجار واجرة ليموزينات وجالس نايم ماكل متكي عند المكيف وقلوبنا تحترق محسوب علينا سواق ماستفدت الا مسكنات صداع يوميا ومسكنات قولون والله ليلل نهار أبلع من القهر تم التعديل لاضافة ملاحظة لم نستخرج له اقامة لأنه جديد له شهر ونص فهل يحق لي تسفيره وتبديله من المكتب او لا التعديل الأخير تم بواسطة a12345 ; 07-06-2012 الساعة 01:49 PM |
|
|
يامن شرا له من حلاله علة الله يعينك والله ماعندي خبرة إن شاء الله يفيدونك الأعضاء |
|
|
يسر الله لكم اخي
|
|
|
الافضل انك ترجعينه للمكتب دام انه ماكمل 3 شهور لان اللي قاعد يسويه الحين تمثيل حتى وتخلص ال3 شهور ويسحب عليكم وهالاشكال ماتمشي الا بالعين الحمرا الاكل والشرب خليه هو يشتريهم والراتب اخصمو منه كل مره يصدم بالسيارة لاسمح الله وطفشوه زي ماهو مطفشكم والافضل زي ماقلتلك انكم ترجعونه للمكتب |
|
|
اول شي لازم يوقف راتبه من اليوم اللي رفض فيه العمل ... ولازم تاخذة للمكتب اللي استقدمه ...لان تصرفه من الاشياء اللي يفترض المكاتب سواء هنا او هناك تعوضك بدلا منه ويخصم عليه عليه الاجور .... الحل الاخير الاتفاق مع شخص يرغب في نقل كفالته ويكون هالشي مكتوب ومبصم عليه هو بنفسه ويفضل يكون مكتب استقدام ويوقع عليه الاطراف الثلاثه المكتب والكفيل القديم والجديد.. الاتفاق يكون انه في حالة رفضه للعمل يتم تحميله كافة المصاريف المترتبة علي استقدامه وياليت يجلس معه احد ويفههمه بانظمة العمل وانه في حالة الرفض انه يتحمل كافة التكاليف والمصاريف .. |
|
|
قام المستقدم بالتفاهم معه وقام بتجربته في السواقة ولقاه يعرف يسوق لكنه معنا يستهبل والمشكلة انه سوى نفسه مسكين غير رافض العمل وانه مستعد للعمل عندنا وعند الجني الازرق اهم شي انه يبي فلوس وانه حق مكدة من اجل لقمة العيش حسبي الله عليه لكن اوريكم فيه شوركم بمشي عليه اللي هو مافي راتب لين يسمي بالرحمن ويشتل او ينقل كفالته وانا انتظر احد ياخذه لو بستة ويوقع لي السواق على ورقة اقرار بالدين اللي عليه يارب عوضني بسواق يخافك فينا والله انا بحاجة سواق لو ايجار شهري وهذا لو ايجاره ب 1400 بأجره اهم شي يشتغل وافتك من خشته |
مواقع النشر (المفضلة) |
|
|
|