ملاحظة : الرقم خاص فقط بإعلانات العمالة المنزلية
|
|
دعوة للنقاش بخصوص الأسعار المبالغ فيها سواء نقل كفالة أو أجار
بسم الله الرحمن الرحيم يا إخوان نحن أبناء بلد واحد لم يكن لدينا هذا الطمع والجشع الذي نراه الآن كلنا إخوة ونحب لبعضنا ما نحب لأنفسنا وهذا ديدن آباؤنا وأجدادنا ما هذا الذي نراه الآن في ظل هذه الظروف الحاصلة في الاستقدام الناس أصبحت تستغل هذه الظروف بشكل بشع جداً فأصبحوا يستغلون مشاكل الاستقدام برفع الأسعار سواء نقل كفالة أو تأجير معقولة يصل نقل الكفالة إلى 18 ألف ؟ بل البعض وصل به الجشع إلى 20 ألف وأكثر أعرف أحد الأصدقاء قام بنقل كفالة خادمة فلبينية بأربعة وعشرين ألف لأنه مضطر لها ولكن أسألكم بالله أليس هذا السعر مبالغ فيه ؟ وفيه استغلال وجشع صح كل واحد خادمته في بيته وهو حر لكن ليس بهذه الطريقة الاستغلالية والله ما كان في السعودية كذا ، ولا كان فيه البجاحه هذي خلونا من نقل الكفالة ، خلونا نتكلم عن الأجار وما أدراك ما الأجار أنا بالنسبة لي أستأجرت خادمة أندنوسية بـ(2200 ريال) والله ما تسوى ملي بطنها لو كنت أدري إنها كذا ما خذتها ولا بألف ريال وتخب عليها وعلى راعيها وأعرف شخص مستأجر بـ(2500) وآخر بـ(3000) يا ناس تكلموا بالمعقول يعني (1500) معقول إلى (1700) لكن الأسعار المذكورة أعلاه جشع وطمع ما لأمه سنع المهم نبغى نسوي دعوة وحملة لقمع رؤس الطماعين إللي يعطي الخادمة ألف والباقي له الضعيفة تكرف من صباح الله خير وهو يجيه أكثر منها ، بأي قانون هذا ؟؟ |
|
|
صحيح آخذ لي دائمة أصرف لي من إني أدفع أجار ثلاث شهور قيمة تقديم جديد
|
|
|
السلام عليكم تصدقون اني احس ان هذا الغلاء عقاب من الله على طريقة تعامل المجتمع مع هالمساكين الي حدهم الفقر على الشغل والله اني اعرف ناس الشغالة عندهم كانها مكينة شغاله ليل نهار تسوي كل شي لكن انا اوجه المسؤلية والاتهام للنساء هم السبب فشخرة تقليد واهمال الواجبات المنزلية والاتكالية والسهرات والخرجات والروحات وتغير نمط الحياة الطبيعية الا من رحم الله......ايدينها مثل الحرير ماتلمس شي في بيتها الا من رحم ربي لكن الله المستعان. لا ومن الفضاوة الحين اشغلونا يبونها تسوق يارجال في بيتها وماقامت فيه تبيها طالعه نازلة الله يرحم حريم اول والي على طريقهم. الحل فقط اننا نرجع لله ونتوب ونطبق تعاليم الاسلام في حياتنا لان ديننا ما ترك شي صغير او كبير في حياة المسلم الا دلنا عليه لكن كل ما بعدنا عن هالدين كل ماحلت علينا المصائب من غلاء وانتشار الفساد وقلة الامانة بين الناس والله المستعان |
|
|
الرد مع التحيه،
وانا معكم كمان بالمقاطعه لكن لابد من معرفة تفاصيل السعر تأشيره مدة وصول سلوك الخادمه مهارتها،،،،،،،،،،،،،،،،،،،،الخ
لأني شريت خادمه اضطرارا من مكتب كلفتني 17الف!! كم برايكم اتنازل فيها لأن خدامتي من مكتب الإستقدام وصلت؟!! ما ابغى اصير طماعه للعلم انا دربتها احسن من المعهد اللي ياخذ3الف شهري يدرب سعوديات على الطبخ فهل لي حق بالزياده والا وقتي اللي صرفته عليها مش محسوب!!!!!!!!!!! اتمنى ابداء الرأي من اصحاب العقول النيره اللي يقدروا معنى الوقت لهم ولغيرهم مش لهم فقط!! تحياتي وتقديري لجميع المحترمين، &أم القمرين& |
|
|
حسبنا الله ونعم الوكيل متاجرة بالبشر تكرف الخادمه المسكينه وتاخذ 800-900ريال والباقي للبائع يعني مو حرام تاخذ اكثر من راتب المسكينه *حتى اكل ولبس مايعطونهم والله اذا اشتغلوا عندنا تقول جايين من مجاعه والله حرام لازم المسئولين يتحركون ويحلون المشكلة ويقضون على هذا الشجع والطمع اللي عمى الناس اخر سعر وصلت الشغاله4500ريال من يزود .....الله المستعان |
|
|
الله يكون بعون هالضعيفآت ويكون بعونآ ويفرج لنآ يارب..~ |
|
|
طيب انا مايقهرني الا اللي يقول اخذتها بهذا السعر الا لاني مظطر ؟؟؟؟؟؟؟؟؟؟؟؟؟ وش مظطر هذا اللي طمعهم لو كل واحد منا حتى لو مظطر ومظطر ومظطر ما اخذ بهذا السعر كان مارفعوا الاسعار لازم نتكاتف جميعنا مظطر وغير مظطر حتى نسد هذي الثغرة والله ثم والله لومشينا كذا راح تنزل الاسعار تلقائيا ومنطقيا لانه اذا قل الطلب قل السعر . ولهذا المقاطعه لابد منهاسبب الدعوة للمقاطعه ينحصر في تلاعب أصحاب الشأن في المواطنين اعتقادا منهم بأننا شعب طيب (إلى درجة الغباء أحيانا) نصدق كل ما يقال لنا .. لذلك ندعو الجميع للوقوف في وجه ارتفاع أسعار التنازل بمقاطعته باختيارنا قبل أن نقاطعه مرغمين لغلاءه .. و لنا في ما حصل في بريطانيا منذ عدة سنوات خير دليل حين ارتفعت أسعار البيض فأتفق المواطنون على المقاطعة أيام معدودة أدت إلى تراكم البيض لدى التجار و المنتجين فسارعوا بخفض أسعاره لأقل من النصف تفاديا لتلفه عندهم. |
|
|
|
|
اقتباس:
صح لســـــــــانك ابو سلمان هذا الحل |
مواقع النشر (المفضلة) |
|
|
|