العمالة المنزلية, خادمات

08-19-2015, 12:34 PM

السلام عليكم ورحمة الله

يا اخوان عندي مشكله واتمنى من اللي عنده خبره يفيدني الله يجزاه خير

كان عندي خادمه وسلمتها مكتب للتنازل عنها بموجب عقد ومبلغ متفق عليه بيني وبين المكتب واستلمت المبلغ
لكن المشكله ان المكتب صار له اربع شهور وللآن مانقل كفالتها .. يتربح من تأجيرها
ومع اني هددته بالابلاغ عنها بالهروب والشكوى عليه لكنه مازال يماطل
وانا محتاج استقدم خادمه ثانيه

في هذه الحاله ماهي الطريقه المناسبه لإخلاء مسؤوليتي عن الخادمه وبنفس الوقت استطيع استقدام خادمه اخرى
اتمنى من اللي عنده خبره يفيدني والله يجزاه خير

08-19-2015, 10:02 PM

46 مشاهده ولا رد واحد!!!

هل الموقع خاص بمكاتب الاستقدام وجرحهم الموضوع؟؟

08-20-2015, 12:45 AM

وعليكم السلام ورحمة الله وبركاته

بلغ عنها وطلع تاشيرة جديدة بموجب التبليغ وترفق ورقة التبليغ مع التقديم الجديد ولا تنسى تسديد 2000 ريال وريح راسك

08-20-2015, 12:50 AM

طيب حتى لو بلغت عنها هروب .. المكتب عنده عقد يحميه وممكن يحجني فيه
بهذي الحاله يكون بلاغي كاذب عند السلطات.. صح؟؟؟

08-20-2015, 10:17 AM

العقد ما يحميه اخي

لانه ممكن يأجر العاملة على اسمك وانت ماتدري

بلغ عنها وريح راسك

08-20-2015, 10:35 AM

الله يجزاكم خير على النصيحه
هو ماقعد هالفتره هذي كلها إلا انه مستفيد من تأجيرها

لكن لو سويت لها خروج نهائي .. هل يكون الحل هذا افضل بحيث اني ما اقع تحت المسائله عن العقد؟؟؟

08-20-2015, 11:41 AM

اقتباس:

المشاركة الأصلية كتبت بواسطة abumayasa

الله يجزاكم خير على النصيحه
هو ماقعد هالفتره هذي كلها إلا انه مستفيد من تأجيرها

لكن لو سويت لها خروج نهائي .. هل يكون الحل هذا افضل بحيث اني ما اقع تحت المسائله عن العقد؟؟؟

حتى لو سويت لها خروج تبقى على اسمك لانها ماسافرت