السلام عليكم
لدي عاملة اندونيسيه واقامتها تنتهي في شهر ذو الحجه
تبي تسافر قبل رمضان تتزوج وترجع بعد اربع اشهر لكن ما ابيها خلاص
هل يحق لي تسفيرها خروج نهائي وقيمة التذكره على حسابها بما انها ما كملت المده المتفق عليها؟

حاليا اود استخراج تأشيرة عاملة منزليه فلبينيه ، ماهي الاجراءات هل يحق لي استخراج التأشيره بوجود عامله على كفالتي؟ ام لابد ان اعمل تأشيره خروج نهائي عشان اقدم على التأشيره الجديده؟

طيب لو استخرجت خروج نهائي وقدمت على تأشيره جديده والعامله الاندونيسيه لم تسافر هل فيه مشكله بالتأشيره الجديده ولا لازم تسافر الاندونيسيه قبل؟

اتمنى اسئلتي واضحه ماهي معقده .. شكرا

وعليكم السلام ورحمة الله وبركاته

بالنسبة للخادمة الاندونيسية تستطيع تسفيرها نهائيًا أما التذكرة فعلى حسب اتفاقك معها ومن المفترض أن تكمل المدة وبعدها تسافر.

الاجراءات لاستخراج تأشيرة جديدة هي :

1- تعريف بالراتب.
2- صورة الخروج النهائي والجواز للخادمة الاندونيسية.
3- صورة كرت العائلة.
4- سداد المخالفات المرورية .
5- سداد الرسوم.

تستطيع استخراج تأشيرة جديدة حتى لو بقيت الخادمة الاندونيسية عندك

طبعاﻻراي بعد راي الاستاذ رائد .من وجهة نظري انك تسفرها على حسابك بما انها امضت فتره طويله عندك واعتبرها صدقه ونصيحة اخت ان كانها راغبه في العمل خلها تجلس لين ذو الحجه وسفرها ﻻن ازمة الفلبينيات كبيره وصعب تجيك قبل رمضان .ارجوا تقبل نصيحتي والقرار اﻻول واﻻخير لك

الله يعطيكم العافيه
انا اتفاقي معاها بسبب أزمة الشغالات تنهي مدتها وتروح وتجي وكل شي على حسابي ولكن للأسف صارت تتعامل بمعامله سيئة رغم طيب المعامله معاها وتقوم متأخر وتروح للنوم بدري ولاتشتغل بنفس وتهاوش وتزعق وآآآخرتها راحت للشايب تقوله انا مرررره تعبانه ابي اسافر اتزوج !!!

يعلم الله اننا ماقصرنا معاها رغم انها مافيها زود من الاساس شغلها مشي حالك ولكن للأسف هي خربتها لها كم يوم تكلم بالجوال مدري مين وقلب راسها ، مانبي الجوال ولكن عشان مانكون ظلمناها خليناها على راحتها ولكن هالاندونيسيات مالهن أمان الا مارحم ربي ، وحاولت معاها ماهي راضيه تخلص مدتها فأنا أرى لي حق خروج نهائي وتذكرتها على حسابها لانها اخلت بالعقد وحنا في أمس الحاجه الى شغاله.

بس اختي خلي تذكرتهاوعلى حسابك لانها ماباقي لها الا ٤ شهور حرام تروح على حسابها او ان تكون مناصفه بينكم وبينها
وقدمي من الان شغاله ثانيه بتاشيره اخرى واذا فلبينبه سمعت انهم يجلسوا ٦ شهور الى ان يجوا مع الاجراءات المعقده اللى تتخذها الفلبين وكانهم بيرسلولنا ملكات زمانهم

من حقك انك تخلين تذكرتها على حسابها ﻻنها ما كملت مدة العقد ، والحق حق
بس ادرسي الموضوع زين ،
هل تقدر تشتكي تقول باقي لي فلوس عندهم .. اذا كل اموكم تمام سفريها و حاولي تقنعينها
انها مخله بالعقد .. علشان ما تكون زعﻻنه ..

اعطوها اجازه
صدقني ترجع لكم افضل من اول

والخادمه الفلبينه تفتكرها حنونه وطيبه؟؟!!!!

بأطلعلها تأشيرة خروج نهائي وبنسفرها على حسابي الله يعوضني رغم انه من حقي اسفرها على حسابها ،، يعطيكم العافيه

شغالتي الأنحونيسية السنه الماضية رفضت تكمل المدة
رغم انه باقي لها خمس شهور فقط .. وكنت حامل بشهوري
الأخيرة .. أخذتها للمكتب وشرحولها إنه ينخصم منها ثلاث
شهور إضافة لقيمة التذكرة .. وسوينا المخالصة وسفرتها

الخق حق .. موب متى ماطقت بروسهن قالن مع السلامة
وحنا نتكفل بكل شي خيييير .. ولو كملت عقدها ماقصرنا
معها طول عمرنا نحملهن هدايا أكثر من رواتبهن

كلامكم صحيح ان الحق حق ،، ودائما تحصل لي شخصيا هذه المواقف
ولكن زي ما قالوا الآخوان والأخوات نحتسب الأجر في تحمل التذكرة
ونأخذ بعين الاعتبار أن تنتقم الخادمة بأي شكل كان ،،، بالسحر او
الشعوذة او إيذاء احد افراد المنزل
فيفضل ان تسافر بدون حقد عليكم
أسف للإطالة. وفقكم الله