السلام عليكم اخوتي انا عندي شغاله اندونيسيه انتهت السنتين وتبغى تسافر وترجع مرة ثانيه بس قالت ابي زيادة راتب مية ريال اضافيه وبما اني مرررررة محتاجتها ولااقدر اقعد من دون شغالة السنة ذي بالذات وافقت وقلت ارخص من اني ارجع اقدم من جديد المهم عملت لها اقامة تنتهي السنة الجايه وتاشيرة خروج وعودة وقلت لها التذكرة العودة عليك وبس ترجعين ان شاء الله اردها لك واذا ماقدرت ترجعين التذكرة معك تقدرين تبيعينها وتاخذين فلوسك قالت لا لا لا رواتبي كامله اخذها معي ماادفع ولا ريال وفوق هذا لازم تعطيني الف ريال علشان المطار انا هنا عصبت وارتفع ضغطي مااحب سياسة لوي الذراع هي شايفتني مااقدر استغني عن الشغاله على الاقل هذي السنه قامت تحط شروطها قلت لها لا مافيه اما تدفعين تذكرة العودة واذارجعتي اعطيك قيمتهاوفلوس الالف هذي حقة المطار مااافيه والا خلااااص ماابيك طبعا رفضت وسؤالي ياعالم هل يحق لها المطالبه بفلوس علشان المطار على قولتها وايش اسوي بالاقامة اللي ماتنتهي الا السنه الجايه وايش الاوراق اللي اخليها تروح فيها يعني الاقامة اخليها عندي وتاشيرة الخروج والعوده اقدراكنسلها بعد مااصدرتها و اخليها خروج بس ارشدوني جزاكم الله خير هذي اول شغاله تجيني علشان كذا مو عارفة كيف اتصرف

بالنسبه لضريبه المطار تدفع مبلغ 150 الف روبيه مايعادلها بالريال السعودي مايقارب 40 ريال


بخصوص التذاكر اتفقي مع مكتب حجوزات بانها في حاله عدم عودتها على الرحله المحدده لها تسترجعين تذاكرها

ويلزم تصوير جواز سفرها بخصوص استعاده التذاكر في حاله عدم عودتها .. وهذا يتم بعد الاتفاق مع المكتب


اعطيها رواتبها كامله لانه حقها

يعني فلوس التذكرة اقدر استرجعها في حال مارجعت طيب المشكلة الاولى انحلت هالحين في المشكلة الثانيه الالف ريال اللي تبيها هل لها حق فيها يعني صحيح لازم تدفع الف ريال حق المطار افيدوني جزاكم الله خير

لعابات مايجن انا ثنتين واهقنن مايجن لدرجة ان واحدة اعطية راتب 1500 والله العضيم ماجت

المشاركة الأصلية كتبت بواسطة سااارة

يعني فلوس التذكرة اقدر استرجعها في حال مارجعت طيب المشكلة الاولى انحلت هالحين في المشكلة الثانيه الالف ريال اللي تبيها هل لها حق فيها يعني صحيح لازم تدفع الف ريال حق المطار افيدوني جزاكم الله خير

اذا قصيتي لها تذكرة اتحدها تسترجعها من اندونيسيا مايرجها الا المكتب اللي قصيتي منة التذكرة

بشروط

1- تكون التذكرة مستردة وليست من تذكرا لعروض يخصم منها التاكس (الضريبة )

2- صورة الجواز وفاتورة التذكرة معاكي

والله يوفقكي ويعينك ان ماجت


توي مسترد قيمة باقي فلوس العودة

الاخت الكريمه اسمحيلي ترا ظغطي ارتفع كل هذي طيب نيه اي تذاكر اي هبال لاتعطينها الا حقها واسمعي النصيحه ترا ما قالت لك ابي وابي الا مواريها انها ماهي جايه والتذاكر لو اتفقتي انتي وهي تقدرين تقولين لها قبل عودتك بيوميين تستلمين تذاكرك من مكتب الخطوط بجاكرتا وخليها تطس اهم حاجه انتبهي لايكون لها قرش واحد باقي من حقها لانه فيه يوم عندالله تجتمع الخصوم لاتصيرين مديونه لها وانتي باين عليك على النيه هذولا اشكال الواحد ينتبه منهم خصوصا لما قالت لك فيه الف ريال كذابه والف كذابه فيه ضريبة مطار تلقائيا تحسب مع شرائك للتذكره هذي يبيلها نفض تفتيش قبل تسافر والله شكل الحرمه بتنظفك ليلة السفره
ولا تبلغينها انها خروج نهائي مرررررره واي استفسار حاضرين بس لاتفقعين قلبي وتعطينها 1000 ريال اذا صدقه بكيفك لاكن للمطار معصي

اشكرررررركم من كل قلبي على تجاوبكم معاي الشغالة صرفت النظر عنها بس المشكله في الاقامة اللي سويتها لها وماتنتهي الا السنه الجايه وتاشيرة العودة اقدر اكنسل الاقامه والتاشيرة واسترجع فلوسي او اتعوض الله بالفلوس

هلا بك

الفلوس اللي دفعتيها للجوازات ما ترجع ......... سوي لها مخالصه نهائية من اي مكتب بعد ذلك سوي لها خروج نهائي وسلمي الاقامة للجوازات والحمد لله على كل حال