ملاحظة : الرقم خاص فقط بإعلانات العمالة المنزلية
|
|
|
تعالوا شوفوا هالمكتب وش سوى فينا ،،
السلام عليكم حبيت انبهكم واحذركم من مكتب انا استقدمت منه خادمه اندنوسيه طبعا زي ما انتم عارفين في وقت الاستقدام الوجه بشوش والسن ضاحك والله وحده هو العالم بما في القلوب انا طلبت اندنوسيه مسلمه لم يسبق لها العمل وتجيد التعامل مع الاطفال والعمر من 30 -35 وش جابوا لي؟ جابوا عمرها 44 سنه ولا تعرف للاطفال ولا تبيهم والمشكله مكتوب في الجواز عمرها 35 !!! <<< مو يعتبر تزوير ؟ وطبعا هي اعترفت بعد ما طوفت ال3 شهور باسبوعين (( حسبي الله ونعم الوكيل )) وكله يهون الا يوم وديتها لهم ابيهم ينقلون كفالتها مع اني بأمس الحاجه لها (( توني ولدت وعمليه قيصريه واطفال والأهل ما عندهم من يخدمهم وامي كبيره بالسن ربي يطول لي بعمرها)) ويقول لنا اسبوع وتروح ان شاءالله ونتصل بعد اسبوع ويقول هي عند ناس اخذوها تجربه لمدة اسبوع! قلنا اوكي وبعد اسبوع يقول ما اعجبت اللي قبل والحين اخذوها عايله ثانيه ! يارب فرجك وبعد اسبوع قلنا ناخذها حنا نعرضها ونتصل عليه قال انها عند واحد بالمزاحميه وجواله مقفل اذا فتحه بقول له يجيبها !! آخرتها طلع الكلب حاطها عند زميله او عنده بالبيت تخدم عياله لمدة 27 يوم !! هي اللي تكلمت وقالت انها عند ناس ما طلعت من عندهم ابد ومعطينها راتب شهر ! حسبي الله عليهم جميعا الله يجعلها بنفسه وعياله الله ينتقم منه كل ما تذكرت حالتي وتعبي بالنفاس دعيت عليه وربي انها (غبنه) بس وش نسوي ؟ كل اللي بالمكتب حراميه وخاصة (منصور العتيبي) الله ينتقم منه بعزته وقدرته سويت اللي علي والباقي على الله والحمدلله رب العالمين المكتب المشؤوم (( مكتب أكيم )) |
|
|
الله يكون بعونك اختي والله حاسة فيك والله ان عندي نظره بالناس وبالشخص مره رحت لهم من قبل 9 شهور تقريبا وجاني واحد يقول جيبي اندونيسيه احسن لك من السرلنكية وقام يمدح وحسيته نصاب صراحة مع العلم امي عميلته دايم كانت تجيب من عنده لكن بعد ماطلع من عندهم واحد مشي لهم الشغل صارو كذابين وهو فتح له مكتب خاص فيه اذا تبين حاكيني على الخاص ونتفاهم وانشاء الله خير
|
|
|
لا حول ولاقوة الا بالله الله ينتقم لك ممن ظلمك وهذولا ماحصلوا احد يردعهم والسالفه صارت لعب في لعب ولا حماية لحقوق احد للأسف في بلاد الحرمين والواحد اذا تكلم قال احنا احفاد الصحابة والشرع مطبقينه بحذافيره وللأسف هذا اللي قاعد يصير معك ومع غيرك .... الله يعوضك خيررر |
|
|
الله يسامحهم
|
|
|
فعلا مكتب أكيم مكتب سيئ جاب لنا شغالتين من اسوء ما يكون وحدة طلعة ساحرة والثانية رفضت العمل بعد اربع ايام من قدومها وكانت ناوية تهرب فرديناها للمكتب لكنه للاسف رفض يجيب البديل واقنعنى بنقل الكفالة وقعدت عندهم سنة بدون ماينقلون كفالتها حتى هددناهم بانا بنبلغ عنها هروب ورجعلنا بس مبلغ الاستقدام بعد اربع شهور من الانتظار
|
مواقع النشر (المفضلة) |
|
|
|