ملاحظة : الرقم خاص فقط بإعلانات العمالة المنزلية
|
|
اقتراح لجميع المتنازلين عن العمالة..سواء مكاتب أو أفراد مع التحية لفتى نجد
[SIZE="5"][SIZE="5"] السلام عليكم ورحمة الله وبركاته ،،، [/SIZE][/SIZE]
مع خالص تحياتي للجميع ..خصوصا القائم على المنتدى الأخ فتى نجد..وأقوله الله يعطيك العافية..موقع شبه كامل ومتكامل يساعد وساعد الكثير في ايجاد ما يناسبه من العمالة .. نجي للمفيد .. انا من دخلت المنتدى وانا أبحث عن سائق ( ولللآن سبحان الله ماني لاقية ) .. لكن مو هذا الموضوع .. الموضوع هو المعلومات اللي توصلنا من المعلن بالقطّارة .. وبدون سبب .. أحب أقول للأخوان المعلنين ..سواء مكاتب او افراد .. ياريت الأعلان يكون كامل المعلومات .. اختصار للوقت والجهد ..سواء من ناحيتكم أو ناحيتنا .. اتعجب من البعض من تسأله عن الراتب او قيمة التنازل .. يقول ارسلتها ع الخاص .... الحقيقة مب اتعجب وبس ..اتنرفز .. لأني راح أضطر اسأل نفس السؤال .. عشان برضو يجيني ع الخاص ..وعلى فكرة واحد قالي شوفي الخاص ..وهو ما رسل اصلا .. نفسي أفهم وشو سبب اقتصادكم بالمعلومة ؟؟ هل المقصود فيها اثراء الموضوع بالمشاركين ؟ حتى يكون ايحاء ان الموضوع مهم اكثر من غيره ؟ .............. او في اسباب ثانية..والله مادري .. عموما ما ودي اسوي زيكم وأطولها أكثر وهي قصيرة .. عندي هالأقتراح .. الجنسية :.............................................. الديانة :............................................... فترة تواجد الشغالة / السائق :............................. قيمة التنازل : .......... ( قابل للتفاوض/ غير قابل للتفاوض) الراتب : .................................................. فترة التجربة : .......................................... رقم الهاتف للتواصل : ...................................... واذا في معلومات ثانية تنضاف ..أكيد مو مشكلة .. بس هذولا هم الأساسيات ..واللي يتكرر السؤال فيهم .. أرجوووكم ثم أرجوكم .. ترا مب كل وقت نقدر ندخل النت .. ونشوف وش كان الرد على اسئلتنا .. ياريت كل واحد وده يعلن ..يلتزم بهالمعلومات الأساسية .. ونقولكم الله يجزاكم خير .. لأنكم بتوفرون علينا ..وقت.. واسئلة ..وصجة ولجة مالها داعي .. وبالأخير اتمنى ما يكنتب حرف أو معلومة الا ومخافة الله بالقلب ولا تخلي الدراهم تنسّيك ان فوقك واحد يراقبك ويمهل ولا يهمل .. اتمنى ما أكون أزعجت احد ... واتمنى الكل يتقبل هالأقتراح .. مع خالص التحية والله يتقبل ويبارك لنا ما تبقى من الشهر الفضيل .. أمين يارب أضافة مهمة : وياريت لما يقفل الموضوع يكون هناك أجراء معين..حذف الموضوع .. أو أن صاحب الموضوع يذكر ان تم التنازل ..او اقفل الموضوع .. |
|
|
سؤال يطرح نفسه!!! ،، وكثير قالوا نفس اقتراحگ يام خالد،، لكن من يعقل!!! بالذات اصحاب المكاتب نهائي لا يمكن يسعرّون التنازل؟ أكيد حتى لايُقفل الموضوع من جذوره !! وطبعاً على النقيض!!!!،،، فيه تقبّل من بعض الأعضاء الآخرين بكتابة البيانات كامله،هنا بالمنتدى ، وهذا افضل وأمثل،، يارب وفق الجميع..
|
|
|
رفففعععععع
|
|
|
بارك الله فيك ياام خالد وفي الجميع
اسعد الله مساء الجميع وانا كذلك أعاني من نفس المشكله التي تعاني منها الأخت ام خالد والجميع كذلك من اول يوم سجلت في هذا المنتدى الجميل والذي يخدم الجميع سواء عرض او طلب للعماله وانا لم اجد طلبي الى الان وفيه نقطه مهمه تضاف الى النموذج الذي أعدته الأخت الفاضله ام خالد وهي كثير من الإعلانات يوجد بها رقم للتواصل وعند اتصالي بهذا الرقم اما مقفل او لايوجد من يرد على الاتصالات كرما اتمنى من صاحب الاعلان سواء مكتب او فرد عند صرف النظر عن البيع او في حالة انه تم البيع يتكرم ويحذف اعلانه كذا هو يرتاح من كثرة الاتصالات والإزعاج ويريح المتصل وياليت الاخ الفاضل المشرف يعتمد هذا النموذج وبصفه عاجله
|
|
|
كلام سسسسليم وسبب التنازل يكون بذمة وامانة مو غش وكذب وبدون مساومة يضع المبلغ مو يفتح موضوع للمزايدة |
|
|
وعليكم السلام ورحمة الله وبركاته كلام جميل وفي الصميم علما اننا نقوم بحذف عشرات المواضيع يوميا باسباب عديدة منها عدم اكتمال الإعلان لكن هناك من يرفض ان يضع رقم جواله مثل بعض النساء حيث تتعذر بأن يكون التواصل بالهاتف ولكن ترى ان التواصل بواسطة الرسائل الخاصة افضل * وهناك لا يعرف سعر التنازل فيضطر لعمل اعلان بدون ذكر السعر ليتنازل عن خادمته بسعر الطلب . وبالنسبة لفكرة خطوات الإعلان في النموذج فهي رائعة لكن للأسف من الصعب دعمها بواسطة المنتدى لكن سنقوم بطريقة اخرى ان شاء الله لنذكر المعلن بطريقة الأعلان المناسبة وذكر جميع الأسباب في الأعلان. شكرا للجميع على الإضافات ولا تنسون ان التبليغ عن كل موضوع سواء مخالف او ناقص بدون بيانات يجعل الإدارة تتخذ الاجراء المناسب للحد من استمراها بالتوفيق وتقبل الله من الجميع الصيام والقيام لأي ملاحظة أو مخالفة يُرجى الضغط على تبليغ وكتابة سبب الإبلاغ والإدارة ستتخذ الإجراء المناسب تشاهد هذه العلامة في الجهة اليمنى داخل المواضيع |
|
|
الحل عندي الحل يكون من ادارة المنتدى اما المعلنين لا ترجي منهم شي ولا حياة لمن تنادي لأن اغلبهم شريطية شياب مايعرفون اصلا الاملاء واحيانا يوصون غيرهم من الشباب يعلن له والاخير مايدري وش سالفه :d عشان كذا تشوفون الاعلانات مضروبه نرجع للحل تقوم الادارة بتغير شكل المنتدى بحيث تجعل الاعلانات عبارة عن استمارة يتم تعبيتها وفيها جميع المعلومات المتعارف عليها في مثل هذا النوع من الاعلانات مثل ماسوت الأخت في مقدمة موضوعها مع الشكر لها في طرح الموضوع * ويكون اخر الاستماره تعهد بدفع العموله للموقع وانها في ذمته وفي حالة ترك اي خانه بدون توضيح يرفض النظام تمرير الطلب وبكذا تنتهي السالفه ويكون عندنا سيرة ذاتية متكامله ولايمنع وضع خانه لصور العاملات وتكون اختيارية . وسلامتكم |
مواقع النشر (المفضلة) |
|
|
|