ملاحظة : الرقم خاص فقط بإعلانات العمالة المنزلية
|
|
حسبنا الله عليكم يامن تتاجرون بحاجات الناس
السلام عليكم ورحمة الله وبركاته احيي القائمين على هذا الموقع .. فجزاهم الله عنا كل خير انا من المتصفحين الدائمين لهذا الموقع .. وبالامس حصل معي ما ستقرأونه اتصلت على احد الاشخاص المشاركون بالموقع وقد عرض خادمة سيرلانكيه للبيع وحين سؤالي له عن قيمة التنازل .. قال لي بـ 14000 ريال فباغته بسؤال آخر وقلت له عندي خادمة سيرلانكيه لها معي 3 شهور وارغب في بيعها .. هل ستشتريها مني ؟ فقال : بالتاكيد فقلت له وكم ستدفع ؟ قال : 8000 ريال مع العلم انني اخبرته بان اقامتها معها وليس فيها عيب وعمرها 37 سنه الفرق يا اخوان 6000 ريال والاخ صاحب مكتب ومسجل بالمنتدى باسم عضو .. حتى يتهرب من المسؤوليه وحتى يرفع الاسعار تماشياً مع اسعار اصحاب المكاتب اعيد كتابتها لعل اصحاب الغلو المستغلين لحاجات الناس يقرأونها 6000 ريال ( ستة آلاف ريال ) اتقوا الله وانتم يا من هم بحاجة ويستغلونهم هؤلاء المتاجرون ... لا تدعونهم يتمادون بهذه الاسعار ... قاطعوا كل مغالي متاجر بحاجات الناس وهناك البديل اعتذر عن لغتي الشديده .. ولكن اشهد الله واشهدكم بان هذا ما صار بيني وبين هذا الشخص اللهوث حسبنا الله ونعم الوكيل |
|
|
هذه طريقة اصحاب المكاتب هو يبغى ربح وصاحب الشغاله يبغى ربح وكله على اظهورنا ومن العدل ان صاحب المكتب ياخذ ربح لكن بالمعقول اما صاحب الشغاله المفروض ماياخذ ولا ريال زياده على ماكلفته والواقع انه ينزل بعد لانه يبي فراقها وطايحه عله على قلبه وهذا احسن له من انه يسفرها ولا يطول ولا ريال وفلوسه اللي دفعها عليها تروح بالهواء وزياده يخسر عليها التذكره |
|
|
|
|
اقتباس:
كل المبررات لديكم .. لكن لا تنسى بان لنا عقول لن تنخدع بمبرراتكم الواهيه اعلن لمين ؟ واتعاب مكتب 500 ريال ليش ؟ ومصاريف الخادمة هي تاكل وتشرب معاي وفي اليوم الثاني اعطيها كفيلها الجديد والتعقيب ليس مسأله اتقوا الله |
|
|
|
|
اقتباس:
طيب تقدر تستقدم بالسعر اللي يناسبك دامك ماترغب تدفع اي مصاريف اما تبغى تنازل مجاني صعب |
|
|
صراحه المغالاة بالاسعار امر مزعج لكن انت لازم تحسب رسوم نقل الكفاله الي هي 2000 ريال ورسوم اصدار الاقامه الي هي 600 والتعقيب ايضا واكيد المكتب يبي يربح شوي ولا ماشتغل بالاساس بس لازم يكون الربح بما يرضي الله اذا افترضنا ان الشغاله مكلفتك انت يالكفيل 8500 ضيف عليها 2000 رسوم النقل توصل 10500 ضيف عليها اصدار الاقامه 600 ريال اذا لم تصدر اقامه للعامله يصير المبلغ 11100 ضيف عليها اتعاب التعقيب300 ريال يصير المبلغ 11400 واكيد المكتب لازم يربح اقل شي 500 بعد مصروف الشغاله من اكل واعلان واقامه يوصل 12500 تقريبا وهذا سعر مناسب اما اكثر من كذا فانا اشوفه مغالاة الا اذا كان الكفيل طالب سعر اكثر للنقل وشكرا |
|
|
يا بعدي الرجل الي كلمته وقالك بـ 14000 هذي هي شغلته ومصدر رزقه الله سبحانه مقسم الارزاق تحسد المودمي ليـــــــــــــــــــــه لا أنت مجبور ولا هو بعد مجبور لجل تقول ( يستغل حاجات الناس ) سلااااااااااامات يا بو حاجات الناس الرجل صاحب مكتب : يعني يدفع للرخصة محل ، مصلحة الزكاة ، تأمين اجتماعي للعمال ،تأمين طبي للعمال ، أقامة ، إيجار ، كهرباء ، لوحة ، ودفاع مدني وطفايات وينطق اليــــــــن يعض الأرض وهاااااااااااتك يا تخليص تتخيل أنت كم يبي له لجل ينتهي من ذا الكلام لجل تطلع رخصة محله وتأشيرات للعمال المكتب واتصالاته وفاكس ونت وهاتك يا فواتير واتصالات بأندونيسيا ومكاتب في السيرلانكا وفي بعض الأحيان يسافر لجل يتفق مع مكاتبهم وهاتك يا مصاريف جاي أنت تقول ( حسبنا الله ) يأخي حسبنا الله عليك ألف مره فقعت مرارتي .. عشر شهور لجل ارخص المكتب قسم بالله يا جماعة أن توني اليوم بس دافع للدولة عشر تـالاف ريااااااااال وكل خطوة تدفع للمكاتب في اندونيسيا تدفع اذا رفضت العمل تدفع اذا مريضة تدفع ضرايب وطوابع وفحص طبي وتأمين على الخدامه وانووووووووواع التعقيد تدفع للسفارة ومكتب الحجوزات الطياران ولما توصل للأرض الوطن .. يبداء مشوار دفع ثاني وأنت خدامه وحده ومتحسف تتنازل عنها بـ 8000 ريال ولا راح تتنازل عنها بـ 8000 بدليل أنه ما جاز لك كلام الرجل اجل وش يقول هالي صار له مده يدفع كل ذا وفوقها رواتب الخادمه الي جالسه على قلبه ذبل سبدي |
|
|
اخوي مالك الا التقديم انا شلت الشراء من راسي بسبب الاسعار الغير طبيعيه سواد من المكاتب او الافراد ولا بامس الحاجه لخادمه اليوم قبل بكر بس ربك يعين ويزيح الجشع عن انفس المتاجرين بالشكل ذا حنا مانقول لاتتكسبون لانكم متخسرين فيها بس بالمعقول ياشباب يعني كلفتك 8000 او بالكثير 9000 تنازل عنها ب10000 او 11000 خذو 1000 1500 2000 زياده لكن اكثر من كذا تو متش
|
|
|
الله يحييكم جميع اشكر لكم تعقيبكم ... ويبقى في الامر وجة نظر اكيده وواقعيه انا ما احسد احد , ربي ارزقني وارزق مني ولكن خاطب العقل بما يعقل ليكن مكسبك 500 ريال يا اخي 1000 ريال وليس 3000 ريال مره وحده لو حسبناها , انا مضطر احصل على خادمة باسرع وقت استقدم بـ 8000 ريال وسوف تاتي بعد شهرين خلال الـ شهرين استطيع ان احصل على خادمة آجار شهري بـ 1500 ريال يعني 2 × 1500 = 3000 ريال يكون الناتج 3000 + 8000 = 11000 ريال ولو فرضنا انها لن تحضر الا بعد 3 شهور سيكون المجموع 12500 ريال هناك فرق يا اخوان الاخ ثنيان .. بما انك في بداية مشوارك , وقد تعبت كثيراً للحصول على رخصة محل , فلا تصب جام غضبك على الزبائن وتستغل اوضاعهم بمكاسب تتجاوز الـ 3000 ريال اتق الله , واجعله امام نصب عينيك |
مواقع النشر (المفضلة) |
|
|
|