ملاحظة : الرقم خاص فقط بإعلانات العمالة المنزلية
|
|
الفزعة بالله ( قضيتي مع المكتب الاندنوسي)
بسم الله الرحمن الرحيم ارجوا من الاخوة الافاضل في المنتدى ارشادي لحل قضيتي مع المكتب الاندنوسي الحكاية وما فيها صديق زوجي عنده سواق اندنوسي يجيب شغالات عن طريقه ومدحه لنا المهم اعطيناه التاشيرة وسوينا الوكالة للمكتب في اندنوسيا واخترنا وحدة سبق لها العمل وعمرها 35 طبعا ورانا الصور في الجوال ( لاحظوا ما اتعاملنا مع مكتب من هنا استقدام شخصي) بعد شهرين الا كم يوم وصلت الخدامة في يوم 9 رمضان واتفاجات ببنت صغيرة عمرها 18 سنة وما تعرف كلمة عربي واول مرة تجي السعودية قلت خيرة من الله ثاني يوم قمت باوريها شغل البيت كيف تنظفه الا الاقيها تقول لالالالالالا ما تبغى ويوم جاه وقت الافطار رفضت تاكل شيء قلت يمكن مستوحشة اخدتها عند شغالة اهلي الا هي تقول لها ان المكتب في اندنوسيا فهمومها انها راح تشتغل في صالون مو بيت وهي ما تبغى تشتغل عندي المهم حاولنا فيها مو راضية تشتغل واضربت عن الاكل 6 ايام جبنا السواق حاول فيها وهي مرة رافضة المهم سايرتها وقلت لها اننا راح نشوف لك حجز بس الحين حج ومافي حجز قلنا نسفرها من رواتبها طبعا بعد شورة السواق علينا وان المكتب في اندنوسيا راح يوفروا البديلة لنا ( المكتب كان على علم بالوضع وكانوا يتصلوا يوميا يقنعوها تجلس ومارسوا عليها كل انواع الضغوط) المهم سفرناها قبل تكمل 3 اشهر من رواتبها الحين المكتب هناك رافض يجيب البديلة الين ندفع تكاليف استقدام الجديدة وزوجي رفض لان المفروض ما ندفع شيء وماعندنا اي اثبات غير اللهم عقد العمل الي كان مع الشغالة لقيتها تركته عندنا وفيه توقيع المكتب وختمه وختم القنصلية سؤالي ايش اقدر اسوي عشان اخلي المكتب في اندنوسيا يرسلي البديلة بدون ما ادفع شيء هل اشتكيهم على القنصلية الاندنوسية وهل يمكن القى حل عندهم والا استعوض الله في فلوسي ساعدوني الله يجزاكم خير |
مواقع النشر (المفضلة) |
|
|
|