السلام عليكم ورحمة الله

عندي سائق هندي جاء في رمضان العام وسويت له اقامة لمدة سنة تنتهي في 1434/12/4 هـ
والآن يبغى يسافر وبسوي له خروج نهائي السؤال :
س/ هل اخصم عليه 3 رواتب +قيمة التذكره ؟
راتبه 1400 ريال والمشكلة اني اعطيه رواتبه أول بأول

أفيدوني بارك الله فيكم

وعليكم السلام ورحمة الله وبركاتة ** أعطه راتبه كامل + تذكرة سفره .. بارك الله بك .

اخوي حسب الاتفاق بينكم ...كل السائقين عملهم لمدة سنتين وبعدها يستحق اجازة شهر لكن الغالبيه تعطيهم شهرين او ثلاثة خاصه الهنود ...

السائق اللي عندك اذا كان انت اللي نويت تسفرة يعني خلاص ماعاد تبيه يفترض انك تشتري التذكرة علي حسابك ..

لكن اذا هو اللي طلب واصر علي ذلك..لاي سبب كان يعني يبي يوقف العقد بينكم ..يفترض تفهمه انك مظطر تخصم التذكرة من حسابه الخاص يعني من رواتبه..سواء وافق او لم يوافق لانه هو اللي اخل بشروط العقد ..

مسالة الثلاثة رواتب بصراحه ماعندي علم عنها ..لكن اذا مكلفك واجد من حقك تذكرها له ..ولكن اذا التكلفه بسيطه اخصم قيمة التذكرة فقط وخله يتوكل علي الله ..

بارك الله فيكم أجمعين
لاوالله هو اللي ماأعجبه الوضع
طيب يفترض بعد نتفاهم انا وياه نروح مكتب يبصم عندهم بأنه اخذ رواتبه أنامسويله جدول ويوقع عليه اول بأول...ولا اصدرله خروج نهائي عن الطريق النت وعلى المطار ..مدري ضرورية ورقة الرواتب وقت السفر اذا انه مسافر وهو راضي

اخوي تقدر تصدر له خروج نهائي من النت ..وبتلقي من ضمن الشروط قبل طباعة الخروج النهائي انك تلتزم بعمل مخالصه نهائيه من اي مكتب استقدام ..وبنفس الوقت الاقامه تقوم بتسليمها الي اخر منفذ خروج ..يعني الجوازات بالمطار ..

رايي اي مكتب استقدام يقوم بختم الجدول اللي انت مسويه للرواتب وخله معك احتياط ..تري نسبة كبيرة مايسألون عنه لكن من باب الاحتياط .. وبالتوفييق ..

المشاركة الأصلية كتبت بواسطة رجل ثقه

اخوي تقدر تصدر له خروج نهائي من النت ..وبتلقي من ضمن الشروط قبل طباعة الخروج النهائي انك تلتزم بعمل مخالصه نهائيه من اي مكتب استقدام ..وبنفس الوقت الاقامه تقوم بتسليمها الي اخر منفذ خروج ..يعني الجوازات بالمطار ..

رايي اي مكتب استقدام يقوم بختم الجدول اللي انت مسويه للرواتب وخله معك احتياط ..تري نسبة كبيرة مايسألون عنه لكن من باب الاحتياط .. وبالتوفييق ..

الله يعطيك العافيه ماقصرت والله تسلم