الفزعه سائقي الخاص نقل كفالته دون علمي
 

تفاجات برساله ع الجوال بانه تم نقل خدمات سائقي الخاص وهو على راس العمل وتوه راجع من اجازه 3 اشهر من بلده وانا مجدد اقامته قبل يسافر وقاص تذاكره ذهاب وعوده له اسبوعين من يوم رجع
ايش الحل ياجماعه وكيف تم ذلك هل هو عن طريق الجوازات او مكتب العمل وماهي الاجراءت اللي تحفظ حقوقي

اخوي اول شي حاول تتذكر تاشيرة الخروج والعودة اللي سويتها له كم كانت ....!!! والاقامه موجودة عندك او لا ...!!!

لان عملية نقل الكفاله صعبه وصعبة جدا دون موافقه الكفيل ...

علي العموم رايي الشخصي اذا انت متاكد من الشي اللي صار خطاب موجه منك باسم مدير جوازات الرياض وتشرح له كل شي ..وياليت تروح بنفسك وتسلمه له شخصيا يكون افضل ....

شكرا لك اخي الكريم
الاقامه مع السايق هو لم يحضر لي الجواز من حين ما وصل لانه استقبله اخوه وراح عندهم بحجة بيسلم عليهم ولما جاني اعطيته الاقامه وسالته عن الجواز قال نسيته عند اخواني في الشنطه الثانيه ولبعد المسافه بين منزلي ومنزل اخوانه قالي ان اخوه راح يحضر الجواز لي ومن يومها كل ما اساله يجيب لي عذر بكره بكره واعطيته الجمعه اجازه وقلت جيب الجواز معاك لكن اتصل علي اخوه وقال انه تعبان وراح يجيني الاحد صباحا لكن اللي جاني رسالة نقل الكفاله حسبي الله على من عملها له

المهم لاتضيع حقك واكتب الخطاب وعلي مدير الجوازات شخصيا ...

ولكن فيه نقطه ..ادخل نظام ابشر وتاكد هو لازال تحت كفالتك ..او لا ..!! لايكون بعد فيه شي خطا ...!!

العامل راح اسمه من ابشر بعد ماجات الرساله مباشره والي الان غير موجود
الشي الاخر
رحت الجوازات اليوم ولقيته ناقل على فرد وليس موسسه وعمليه النقل تمت في مدينه غير اللي انا فيها او حتي الكفيل الجديد تخيل انا في مكه والنقل تم في تبوك
واللي يقهر ان احد الضباط يقولي خلاص خله وروح قدم واحد ثاني قمه الاستخفاف يعني علي كذا كل عامل بيدفع رشوه ويزور ونقول خلاص خذ غيره واتركه
ما اقول غير حسبي الله عليهم اللي ياخذون حقوق الناس

اخوي الله يعينك ويعوض عليك بحال افضل يارب ...

تراك منت خسران شي خطاب وأعطه مدير مكتب مدير الجوازات اذا ماحصل تقابله وحط السالفه بالكامل ورقم جوالك وعنوانك..وتوكل علي الله ...طبيعي بيتحول الخطاب الي الادارة المعنيه وصدقني بيتواصلون معك ..

لا تترك حقك طالب بحقوقك
وماراح حق وراه مطالب

حسبي الله ونعم الوكيل!
لا تسكت، رح مدير الجوازات
ارفع خطاب للأمارة

وش هالمسخرة اللي قاعد تصير!!