استشارة بخصوص سواقي الهندي الي اشتكى علي في الامارة
 

السلام عليكم ورحمة الله وبركاته
اخواني حبيت استشيركم في موضوع
عندي سواق هندي جبته عن طريق مكتب والفيزة حقته كانت فيزة بديل حيث ان السواق الي قبله ماعجبه نظام البيت وسفرته خلال 7 ايام
المهم السواق الي عندي له تقريبا شهريا ودايم يتشكى انه مش ماخذ راحته وانه يبغى يمشي على كيفه
اخواني الشغل الي يقوم فيه هو فقط توصيل للمدارس وفي الوقت الفاضي اخليه يغسل سياراتنا الثلاث واحياننا اخليه يكنس الحوش ويغسله مرة في الاسبوع والله العظيم ان كناس الحوشماياخذ منه نص ساعة وغسيل السيارات ماياخذ منه في المجموع ساعة
ومع ذلك يتشرط علي وراتبه 1500 ريال
كنت في دورة للعمل خارج المنطقة واتفاجأ بإتصال الامارة وتوجيه خطاب استداع حيث ان السواق قدم دعوى استداع ضدي وموعدنا بإذن الله يوم الاربعاء
الي ضيق صدري اتصلت عليه وقال لي ابي اسافر مع العلم اني سلمته راتب شهر اما الشهر الثاني لم يحل باقي فيه 9 ايام المهم اني اتصلت عليه وقالي انه عند صديقه ولاراح يجي الا يوم الجلسة في الامارة اخواني انا سويت له رخصة واقامة وهي حاليا معاه
نصحوني شسوي

رح للجوازات وسو بلاغ هروب
واذا جوازه معك حاول تسلمه الجوازات
علشان ما تتحول قضيتك الى مكتب العمل
والعمال والمكتب اللي قدمت عن طريقة
اطلب بديل وبكذا يصير خصمه الجوازات
واذا راجعت الامارة خل البلاغ معك
ولا تتنازل الحق معك هذا عطل مصالحك
وبينك وبين المكتب فترت تجربة
وخل حجتك قويه واذا معه مفاتيح لك
او اي شيء لازم تثبته هذولا العمالة
يخربون بعض اكيد واحد محرضه لكن
لا تخاف هاذي دعوة كيدية ولا ينظر فيها .

لايهمك وانا اخوك هذا واحد مايخاف الله معلمه وش يسوي بالضبط علشان يطلع منك بطريقة نظاميه

ودام اوراقك نظاميه وكل شي نظامي وعملك معه نظامي لايهمك

وتري العمل اللي انت معطيه اياه يقومون بع غالبية السائقين ..ولا وش فايدة السائق بالبيت ..لكن نصيحة لاتتنازل ولازم يوفع ورقة تعهد في الامارة بالعمل حتي نهاية عقدة وبنفس راتبه ..وربي يوفقك ..

هلابك اخوي استفسرت من شخص بالاماره

اولا ادخل وانت واثق امورك بالسليم دام معطيه راتبه
في لجنه تحقيق عاديه روتينيه تحاول تصلح بينكم
اذا رفض ويبي يسافر العامل يتحمل التذاكر وتخصم من راتبه
يوميا تمر عليهم سوالف خاطمات وسواقين

واغلبهم فيها ضرب للعامل وعدم دفع رواتب

يمكن جاه اغراء من احد ويبي يروح يرجع

بالتوفيق اخوي

اسأل الله العلي العظيم في هذه الساعة المباركة ان يجزيكم خير الجزاء ويزيدكم من فضله

اذا انتهت مشكلتك حاول تطرح التجربه ليستفيد منها غيرك ..

اخواني الكرام حبيت اطرح تجربتي حتى يستفيد منها الكل
صليت ركعتين ودعيت ربي اللهم اكفيني هم بماشئت خذت اوراقي كامله من كشف حسابي لاني كنت فاتحله حساب ونزلت راتبه من حسابي علشان لونكر يكون عندي اثبات وخت تسديدات الاقامة والرخصة
توكلت على وقلت دعاء الخروج من المنزل
دخلت الامارة واذا بي اشوف السواق منبسط وفرحان المهم دخلت ولاكني اشوفه
سئلت عن الموظف المسؤل وقالو ليهذا هو قال لي انت والسواق اجلسوا حتى نحل الموضوع اول شي تكلم السواق وقال اني اخليه يغسل السيارات الثلاث واني اخليه يكنس الحوش وانه مايبغى يمشي على هالشي عاد انا ساكت اسمعله لين خلص كلامه
بعدين كلمت الموظف المسؤل ان يخليني اتكلم بدون مقاطعه
اولا قلت للموظف اتفضل وصل تسليم راتبه ثم سألت السواق في احد ضربك اوغلط عليك قال لا
عاد الموظف لاحظت انه يبي نتصالح عاد انا ماصدقت ان السواق مايبيني قلت للموظف اصلا هو مايبي يشتغل عندي
قلت له خلاص سولي وياه مخالصة ياجماعة الخير الحمد لله اني عندي له راتب باقي له مابعد يحل له قالي الموظف كونه ماله الا شهرين يتحمل جميع التكاليف ماعدا الفيزا والمكتب يعوضك بسواق ثاني المهم خلصنا ورقة المخالصة والحمدلله خت منه فلوس الاقامة والرخصة من راتبه الي تبقى له وخت منه الرخصة والاقامة ووديت على طول المكتب
بالنسبة للمكتب بقول لكم سالفته بكره بإذن الله لاني عندي موعد معاه اليوم المغرب

الله يسهلك

الله يعطيك العافيه
ويسخرلك خلقه

ياجماعة الخير المكتب بيعوضني بسواق
شرايكم اجيب مشتغل قبل في السعودية ولا جديد
وشرايكم اجيب مسلم ولا هندوسي
لاني تعبت مررره منهم
وبعدين شرايكم اشرط في العقد انه بينظف السيارات الي لي وبيكنس الحوش ولا لا

اخي الكريم

الموضوع ليس بشروط
لكن اعتقد توجد مشكله في العمل لديك فعملية رفض سائقين العمل لها اسباب ولم تتضح في موضوعك
يمكن يوجد سائق يؤثر عليهم أو غير ذلك
ولكن نسبه كبيره من نجاح العمالة المنزلية وغيرها تتمثل في بيئة العمل والتعاطي معهم
وفقك الله لما يحب ويرضى