مكاتب و اشخاص غير صادقين و ملتزمين للعملاء
 

حسبي الله ونعم الوكيل بكل من ينصب على الناس ويستقل حاجتهم

لي تجربة مع العضو (( ابو محمد جاكرتا )) اخذ دفعة من المبلغ من عام 2012 شهر 5 ولا شفنا عاملة ولا رجع المبلغ واخر رسالة تم ارسالة له شهر 5 من 2013 طالبناه بارجاع المبلغ وانا لن نسامحه ونقول له حسبي الله ونعم الوكيل وكفاية مماطله بارجاع المبلغ واعطائنا وعود كاذبه فرد علينا بان المبلغ ديني برقبته وفي القريب سيحول المبلغ ولحد اليوم ما شفنا شئ والله على ما نقول شهيد وحسبي الله ونعم الوكيل...

الله يعوض عليك و يسهل امرك

اللهم امين واياك وجزاك الله كل خير

فضلا لا امرا اتمنى من الاعضاء الكرام ... التفاعل مع هذا المقترح

و وضع معاناتكم هنا ... لكي الغير يأخذ حذره مستقبلا

محسن الشمري اخذ كامل المبلغ لاستقدام خادمه من جزر القمر ولم يستقدم لنا ولم يعيد المبلغ قبل سنتين
ما اقول الا حسبي الله هو نعم الوكيل عليك يا محسن الشمري وعند الله تجتمع الخصوم .

لو المكاتب الرسمية تخفض من اسعارها وتلتزم بمدة زمنية بسيطة لاتتجاوز الثلاث شهور
انا خادمتي سيرلانكية كانت المده ٣ الى ٥ شهور وماجتني غير بعد سنة ونص ولما اشتكينا المكتب جابها في اسبوع
وجلست ثلاث شهور واضربت عن العمل وقالت المكتب قال تعالي ثلاث شهور بس وكلامها موثق في الشرطة بس تعبت من مطاردة المكتب

لو و لو و لو ..... تعبنا والله و احنا نقول

لو ....

لو وزارة العمل مع وزارة التجاره و وزارة الداخليه و الخارجيه ... تعمل ضوابط و شروط و تطبق ع الامير

و المواطن و الغني و الفقير ... و طبعا الاهم المكاتب ...

لوجدت الكل مرتاح و يعرف وش له و ما عليه ....

ولكن لو ان البقر يطير لما استطعنا ان نحلبه ...

تحياتي

سلمان عبيدالله الطويرقي. ابو راكان كان يدعي ان لديه مكتب راكان الشرق من الخبر اخذ مني مبلغ 14 الف ريال لاستقدام خادمه هنديه من سنتين ولم يرجع لي ولا ريال الى هذه اللحضه وانا في كل صلاه ادعووو عليه. حسبي الله ونعم الوكيل فيك ياا ابو راكان. الله يجعل هالفلوس سبب في دمار حياتك. والله لن اسامحك وانا خصيمه لك عند. رب العالمين

الله يعوض عليك يا ميمي ... و يسهل امرك عاجلا غير اجل

اتمنى فتح مركز لتقديم الشكاوي للمتضررين من هؤلاء واجبارهم على الحضور والمثول لاستعادة حقوقنا
رساله لوزارة العمل والشرطه والحقوق المدنيه وايقافهم ومنعهم من الاستقدام وارسال اسمائهم الصريحه لوزارة الخارجه وعدم التعامل معهم والقضاء عليهم للابد .

اخوي النديم .... كلامك منطقي جدا ... و قلته اكثر من مره في عدة مواضيع ...

لو فيه ضوابط و شروط و عقاب لمن يخالف .. سواء مكتب او كفيل او عامل

صدقني احنا بخير ...

لكن فيه بعض المسؤولين اللي ما يهمه الا مصالحه على حساب الوطن و المواطن للأسف ...

ولكن نرجي خير في الايام القادمه ..

شكرا لمشاركتك .... و اثراء موضوعي برأيك