انصحوني لمشكلة شغالة امي
 

السلام عليكم ورحمة الله وبركاته

عند امي شغاله اندونيسيه جاها مرض من قبل رمضان بايام وحرارتها وصلت 40
والحراره نزلت وحركاتها باقي على ماهي عليه تقول ابي اشتغل واذا اشتغلت قامت تسدح
واذا قلنا لها يمين راحت يسار عنيده واتعبت امي
وديناها للمكتب وماتنطق الى بكلمتين ابي اشتغل وبس والمترجم تعب معها والخادمات الاندونيسيات تعبو معها مثلنا يقولون هذي في عقلها شي
وصار لها 8 شهور عندنا وووماخلينا عنها شي حولنا لها رواتبها وكلمت اهلها
ومافيه نتيجه الاكل ماتاكل من خمس ايام

اااانصحوووني ووش اسووي معاها

ابتلينا فيها واشغلتنا عن العباده برمضان

والله يجزاكم خير والله يقبل صيامكم وقيامكم

سفروها على حسابها
ليت نقدر نعاقب هالاشكال

سفريها وريحي راسك من تعبها ومرضها لاتجيب لكم المرض بعد

والله اكتشفنا ان هذا كله اضراب عن الطعام وهو الي سبب لها المرض
وماجلسني لهالوقت الي هو بعد الفجر الا همها

بس وش بسوي بدور لاامي خادمه للايجار

وجزاكم الله خير على الردوالمشووره

نبي نسفرها والشكوى لله سويت لها فلم قلت وقعي وبصمي انك ماتبين تاكلين عشان في اندونيسيا يسجنون اخوك لو ماكلتي اكلت لها كم لقمه بس نبيها تصحصح لين نسفرها

والنظام هو الي خلاهم يقررون ان رمضان يسون حركات للسفر

وجيت خيراً اخوي

انا عزوز مو سفريها

انت خسران خسران الواضح لنا انها تستهبل

لذلك ودها لمكتب تعرف صاحبه على الأقل وقله يشوف لها دبره ويتصرف معها

نصيحه لا تطول عندك تراهم شر الله يكفيكم شرهم

عندي وحده تصلح للكبار والا للاطفال حنونه وطيبه وتبي الشغل بتنازل عنها لسبب السفر

توها واصله جديده وترغب بالجلوس اكثر من سنتين

للاسف معروف وش اللي تبي وش اللي ناقصها ....,,,

قلها خلاص بنقل كفالتك لعائله فيها 10 اشخاص وفله دورين يمكن ترتاحين عندهم ...واذا ما انعدلت سفرها

الله يعوضك باللي احسن منها , ويكفيكم شرها

لله يعينك ويعوض عليك

الله يكون بعونكم

خلصنا من الشغاله وحجزت لها عن طريق مكتب شئون الخادمات وعطيتها فوق قيمة التذكره 1000 ريال

قالي مندوب السفاره انها تبي الشغل بس الكفيل رافض مايبيها الي هو انا

قلت ولايهمك وعطيتهم المبلغ ويالله قبلو انها تدخل عندهم لانها ضعيفه مره من الاضراب عن الطعام

وخفنا تموت ونتورط بها بس جد جد جابتلنا الصمرررقع برمضان ولاعبادة ولا صياام بسبتها لين ماقلعناها

وااستاجرنا وحده عشررين يوم 1500 وماكملت وراحت قبل العيد والحين نبي نستاجر وحده وندوور

هذي قصتنا والي حصل معنا حبيت اذكرها لكم للفائده والتجربه

اول شي وديناها لشئون الخادمات بمخرج 6 ووجهونا لقسم الشرطه الي تابعين له ورحنا وهي معنا وعطونا خطاب لشئون الخادمات ورحنا لشئون الخادمات وسلمناها لهم بعد ماتعبنا وحجزنا لها من عند شئون الخادمات لااقرب رحله ووووسوينا حفله يوم رااحت وافتكينا وانتهينا منها


واشكر كل من شاركني بالردود