علم خروج نهائي
 

السلام عليكم يا جماعة


ابغى طريقة عمل خروج نهائي عن طريق النت تكفون
مع العلم اني خارج المملكة و مشترك بنظام ابشر


و هل المطلوب طباعة تاشيرة الخروج فقط
المهنة سائق خاص ومافي علية أي مشاكل

احنا سوينا تاشيره خروج نهائي لشغالتنا قبل يوم عرفه عن طريق موقع الجوازت بخدمه ابشر

و طبعناها من النت و ودينها المطار معاها و اعطيناها اقامتها قال لنا موظف الجوازات هناك انه ماله داعي طباعة الورقه طلب تاشيرة الخروج الالكتروني عن طريق ابشر تكفي اهم شيء تكون الاقامه معاها لانها هي اللي ياخذونها

يعني الموضوع بسيط تقدر تسويه و انت من بيتك و طباعة الورقه مو شرط ضروري اهم شيء انك تسوي تاشيره الخروج النهائي عن طريق الموقع و تعطيه اقامته بالتوفيق

نسيت اقول لك انه تدخل موقع الجوازت باسم المستخدم و كلمه السر الخاصه فيك و تروح على خدمات المكفولين

تلقى كل اسماء العماله اللي على كفالتك تختار تاشيره خروج نهائي و تختار السائق اللي بتسوي له الخروج و تحط موافق

شكرا جزيلا على التفاعل و الرد

انا سمعت نفس ذا الكلام بس بصراحة مستغرب ما صدقت

الشغلة بكل هذي البساطة يعني مافي طوابير ولا ارقام و انتظار

الحمد لله عقبال باقي انواع المعاملات ان شاء الله