تجربتي مع أبو أنور باستقدام خادمتي
 

الحمد لله اولا واخيرا اللي يسر لي كل اموري
الخادمه استلمتها منذ خمس أيام ،،،، وبذكر لكم جميع تفاصيل التقديم
بدأت البحث عن خادمة قبل سفر خادمتي الاندنوسية بثلاث شهور ،، حتى وجدت هذا الموقع المبارك اولا بحثت عن خدم للتنازل وكل مره اتفق مع احد ان الخادمه لي القاه بعد يوم يكلم ويقول بعناها لناس نشبو لنا او زادو بالسعر او ظروفهم صعبه او او او كل مره عذر قلت خيره ماتنازلو عنها الا من شي فيها. بعدها بحثت عن الاستقدام وسويت بحث عن احسن عماله حاليا ووقع الاختيار بين الهند و مدغشقر وتوكلت على الله واخترت الهند ،،، وبدأت البحث عن مكتب يستقدم بس كانت المده طويلة تتراوح بين اربع شهور وست شهور ،،،، وصدفه لقيت موضوع الاخ ابو انور :) وفتحت ملفه الشخصي وطلعت كل مواضيعه :D وقراتها كلها من اول موضوع حتى اخر موضوع وارتحت له وتوكلت على الله وصرت اترقب فتح التقديم الجديد ،،،، بذا الوقت ولدت بنوتي الصغيره وقالت شغالتي بسافر بعد الاربعين مباشره <<< تبي السفر للكويت لانها اشتغلت فيه سبع سنوات
المهم فتح موضوع استقبال الطلبات تقريبا نهاية شهر سته هجري وقدمت ،،، بس الفيزه ما بعد طلعت :p وتم رفض طلبي من أبو أنور :cool: <<< المشكلة الفيزة طلعت بعد رفضي بثلاث ايام والله حقدت على اللي طلعها ،،،،، وشغالتي سافرت ب 10 / 7
انتظرت التقديم الجديد وتم في أول عشر ايام من شهر ثمانيه هجري وتم قبول طلبي <<< هم وانزاح
وانتظرت دوري طوال شهر رمضان حتى جاتني البشرى بالعشر الاخيره وتم التفييز لخادمتنا ب 22 / 9 ودخلنا موقع انجاز وشفنا التفييز وصارت الخادمه باسمنا ،،، وتم باليوم الثاني تحويل نصف المبلغ
بعدها بخمس أيام كلمنا ابو انور يقول ارسلوا باقي المبلغ عشان بتسافر بعد يومين او ثلاثه يعني بتجي تقريبا ليلة العيد ارسنا باقي المبلغ وكلمنا أبو أنور لا يرسلها الا بعد العيد ،،،، لاننا في مدينة تبعد عن الرياض حوالي 400 كم

المهم بعد العيد كانت فيه زحمت حجوزات وتاخرت الخادمه وعادي عندي ما حسيت بقيمتها الا بعد الرجوع للدوامات والله جاتني فتره ما قدرت اتحمل بس ربكم فرجها من عنده ،،،،،
اليوم اللي جات فيه كنت راجعه من الدوام وجالسه اسوي الغداء وتركته يستوي ودخلت الموقع استفسر عن التقديم الجديد عشان اقدم للوالده وقفلت الجهاز ورحت اجهز الغداء وصلينا العصر ونمت الا زوجي يكلمه أبو أنور يقول له خادمتكم بالمطار والله ما صدقنا صار ابو انور بعد خروجي من المنتدى ارسل تفاصيل الرحله وحنا ما عندنا خبر ،،،،،،

. بالاخير أبي أشكر أبو أنور شكر خاص على حسن اختياره وانتقائه لخادمتنا

كلمه اخيره : اللي بيقدم يتوكل اولا واخيرا على الله ،،، واذا قدم فل يتيقن ان ابو انور ما راح يقصر معه حتى هو يبي الفكه من خادماتنا



لي عوده مره اخري للموضوع لكتابة بعض الاقتراحات

يستاهل أبو أنور كل الشكر والتقدير
انا قدمت شغاله هنديه عن طريق هندي والا الآن ماجت يقول كل شي صعب لها سنه الحين
بس أبو أنور سرعه ودقه ما شاء الله
الله يبارك له

مشكورة ام دالين على طرح تجربتك ريحتينا فعلا
الله يسخرها لك ويعطيكم خيرها ويكفيكم شرها

.
.
ماشاء الله عليك يابو انور
جمعت خير الدنيا والاخره
دعاء عملاءك والكسب الحلال
كثر الله من امثالك
وبارك لك في المال والبنين
ورزقك من حيث لا تحتسب

تكملة للموضوع حبيت اضيف بعض النقاط
1- كثرت الاتصالات على أبو أنور لن تسرع اجراءات سفر الخادمه << طوال تقديمنا له لم نحاول الاتصال به الا مره او مرتين:rolleyes:
2- اذا استجد في موضوع الخادمه شي فأبو أنور هو من يبادر بالاتصال علينا
3- اللي بيقدم يا ليت يحط في باله انه ممكن يستجد شي يأخر الموضوع ،،فالظروف ليست بيد أحد
4- الملاحظة هذي لأبو أنور:p / يا ليت تفتح حساب بالراجحي لان افرعه منتشره بكل مكان ،،، الدفعه الثانيه من الحساب تبهذلنا عشان نرسلها لان حسابنا بسامبا كان ما يكفي المبلغ:D لا يوجد بمدينتنا فرع لسامبا

تسلمين اختي ع الطرح وصراحه اللي يسويه ابو انور ماشاء الله انجاز يحسب له لان الاستقدام من الهند صعبه اجراءاته ويطول باله كثير ع العملاء

ارسلي موقع ابو انور

شكراااا لطرح تجربتك
ومبروووك الخادمه والله يعطيك من خيرها ويكفيك شرها ويبارك لك فيها
انا قدمت الان كابلز
ولم يسبق لهم العمل وافكر كثير كيف بتعامل معهم ووش بيكونون >>> مااتعامل الا مع الاندنوسيات من سنيييين
واول مره اجرب الهند
شرايك فيهم بالنظافه والاحترام والطيبه وهل هم سنعات بالشغل ومطيعات؟
الله يرزقني بالسنعه اللي تعوظني عن هالاندنوسيات اللي صكوهم :(

لولو كنت شايله هم اللغه كيف بتفاهم معها بس خادمتي قد اشتغلت بقطر فارتحت من هذي الناحيه بس الخادمه بارده مره لازم آمرها بكل شي مب زي الاندنوسيه تمشي وتضف اللي قدامها بس اذا وصيتها على الشي قامت فيه على اكمل وجه ...

انا نفس الشيء جربت ابو انور ماشاء الله عليه صادق وامين وتعامل راقي بارك الله فيه وماشاء الله كثير قدموا من عنده اكثر من مره عندما جربوه

صحيح ابو انور ماشاء الله وفي بالعمل ومخلص وانا قد قدمت عنده ثلاث شغالات وسواق يعني اربع تجارب والحمد الله

باقي لي خادمه وان شاء الله هذا الاسبوع والله ييسر له