شغاله بعد الوصول بيومين رفضت العمل على مين التذكره
 

السلام عليكم
زوجي راح اثيوبيا وجاب شغاله من مكتب معترف من السفاره
المهم الشغاله بعد وصولها بيومين رافضه العمل والاكل الا شاي وقطعه خبزه
والحين بنًرجعها مين يتحمل التذكره
شاكره لكم ياريت اللي عنده معلومه يفيدنا فيها

التذكره على زوجك لاانه جا بها خصوصي ليس مسؤليت احد غير زوجك الي جابها لوكان عن طريق مكتب يتحملها المكتب خلال 3شهور بس هاذي نوع خاص والشي الثاني ليش رفضت العمل من اول وصولها الاامر فيه شي لاعد تخلي زوجك يروح يختار خلوها عن طريق المكاتب

اخ بدايه وش هل كلام اعوذ بالله بتشكك ام فيصل بزوجها لا حول والا قوة الا بالله

ام فيصل الشي هذا وانا اخوك موب غريب ع الخادمات الاثيوبيات وتصير كثير مثل هل الامور

خلي زوجك يتواصل مع نفس المكتب الي جابها لعل وعسى يعوضونكم ببديله

والله يسهل امرك

وبخصوص التذكره خلي زوجك يتصل في نفس المكتب ويحاول يضغط عليه بالبديله ويهدده بسفاره في حال انه ماعطاه بديله يتصل بسفاره والسفاره ان شاءالله ماراح تقصر

تحيتي

بداية الرحله وش هالكلام ..وش هالدخول في النوايا ..وصلت فيك انك تشكك في زوجها..ترضي احد يقول عليك هالكلام ...الله يهديك بس ..واتمني منك تمسح هالكلام اللي انت كاتبه ..

اختي اي خادمه او خادم جاي للعمل طبيعي اول مايوصل يبداء يفكر في اهله واولادة ويفكر بقرارة الغريب وليش هو اصر علي القدوم ..ويقول بينه وبين نفسه ليتني ماجيت ..وهذا شي طبيعي اول الايام ..خليها علي راحتها يوم يومين وياليت اذا عند احد اقاربك خادمه من نفس الجنسيه بس تكون ثقه وقديمه ..وتخلينها تكلمها بالتلفون وتفهمها انها جاءات للعمل والنظام يقول لازم تشتغل او ترجع المبلغ ويسفرونك..ومافيه شي اسمه مابي اشتغل ..ولا اتصلي باهلك وخليهم يرسلون المبلغ المدفوع ...ومن هالكلام والقصد التخويف وتشجيعها علي العمل وصدقيني اذا اشتغلت يوم خلاص بتنسي مع الشغل والايام تروح بسرعه ..

نصيحة لاترجعونها الين تفقدون الامل ..جربي وحاولي وصدقيني بتشتغل ..وخلي زوجك اذا موجود هناك يكلم احد اقاربها علشان يكلمها ويقنعها تشتغل ..وبالتوفييق

شكرا اخواني
ومااعًرف مقصد بدايه اذا هو سئ بس زوجي راح لمكتب معترف فيه وصاحبه المكتب هي اللي اختارت له الشغاله على اساس انها شاطره وللعلم زوجي سافر بعد ان الحيت عليه حتى تصل قبل رمضان
بس يمكن لما شافت البيت كبير دورين وحوش رفضت العمل وفعلا تكون مريضه
المهم بنسفرها السبت وباذن الله تكون هناك بديله
شكرا لكم

ليش تسفرونها بيعوها ممكن تصلح لغيركم اغلب العوايل ما عندهم احد ولد او ولدين فقط تقبل بهم وبيعها اكثر من 13000الف يا خذونها مباشره

والله ياخي هي رافضه العمل بتاتا
وانا ماابغي ابلي فيها غيري
كلمتها شغاله ثانيه انها تشتغل في بييت صغير
رافضه وماعلى لسانها الا انا مريضه برجع اثيويبا وصارت بالكمةيوم مثل الشبح من قله الاكل بس قطعه خبز وشاي واخاف تموت عندي من قله الاكل
ح
مو عارفه ليش جايهً مادامها رفضت العمل
وكلمتها صاحبت المكتب كم مره ةقالت لنا اخسروها وهاوشوها بس احنا خايفين منها

انشهد انك بنت رجال
الله يحفظ لك فيصل واحمد
ويعوضك خيرا منها
بالنسبة للاخ يقول بيعيها
ترضاها لنفسك ؟؟؟؟؟

الله يسلمك اختي
والله قالي صاحب مكتب بيعيها افضل لك من البديله لان البديله اجراتها تطول وممكن تقعد 4 شهور بس هي رافضه تشتغل واللي ماارضىاه لنفسي ماارضاه لخلق الله
الحين راحت عند ناس معارفنا عندهم شغالات ونشوف بعدين وضعها اذا رضيت تروح بيت صغير للعمل
ولا السبت بسوي لها خروج واسفرها

نفس الشي استقدمنا عن طريق صديق زوجي راح لاثيوببا بنفسه عطيناه الفيزا ومبلغ مالي واستقدم عن طريق مكتب هناك يعني مواصفات على قوله المههم ماطولت وجات ويافرحه ماتمت يومين والثالث رفضت تشتغل بحجة انها مريضه حاولنا اقنعنا جبنا لها شغالات من نفس جنسها مافي فايده عرضت عليها تشتغل عند الوالدة حرمه كبيره وماعندها اطفال مارضيت جلست غصه في الحلق بس نايمه ونحضر لها الاكل عندها وماتاكل الاخبز وشاهي ابتلشنا فيها والمكتب طنشنا لحد ماهددناه بالقنصليه ارسل لها التذكره وسفرناها وعوضنا على الله وشغاله صديق زوجي جلست فتره وهربت
الاستقدام عن طريق مكاتب هنا اضمن ولو كان اغلى
طووولت بس فكرتيني بمعاناتي
والله يفرجها لنا يارب

ام فيصل اذا ودك بالحل كلميني وانشالله خير يارب
0563602740

خلاص سوينا لها خروج وبتسافر بكره الفجر
طلعت مريضه وحسبي الله على في كل غشاش