|
السائق الاندونيسي
السلام عليكم ورحمة الله وبركاته
لدينا سائق اندونيسي من سنتين وهذي السنه طلب تجديد اقامته لمدة سنتين ثانية بس طلب يروح اجازة شهرين ويرجع وانا ابحث له عن رحله ، فاجئني بأنه يحتاج لورقه اجازة من سفارته وسألت ناس حولي قالو بالفعل هذا نظام جدي عند الاندونيسيين انهم لازم ياخذون اجازة من سفارتهم خليته يبدأ في اجراءات اوراقه المهم ، قال لنا شخص ان هذي الورقه ماهي ورقه اجازة انما هي ورقه تسمح له بنقل كفالته لشخص اخر وراح يسوي زي سواق اختي سافر اجازة وما رجع وبعدين اكتشفوا انه رجع بس على كفالة ناس ثانيين ، وسواقنا مصاحبه ويكلمه انا اخاف ان يكون سواقنا ناوي يعمل نفس عملت اللي قبله ارجوكم جاوبوني هل صحيح يحتاج لإجازة وهل هذي الورقه اجازة بالفعل ولو كانت ورقه تسمح له ينقل كفالته كيف اعرف |
الورقة المطلوبة من السفارة لكي يرجع السائق لك هو عمل عقد عمل من السفارة الاندونيسية.
|
اقتباس:
تروح إنت والسواق للسفاره إندونيسيا وتسون عقد جديد لمدة سنتين * والعقد يتكون من 16 صفحات تعبي إنت والسواق وتوقعون سوى * وتكتب إسم المكتب الإستقدام في جاكرتا إللي يسوي له إجراءات عودتة من مطار جاكرتا الى السعوديه * لإنه في إجرائات عند عودتة من الإجازه تسديد رسوم تأمين في بنوك جاكرتا للسواق لمدة سنتين عمل بطاقه ktkln للسواق ( في مطار جاكرتا عند عودته من الإجازه الى السعوديه ) كل الإجرائتين ما تستغرق الا يومين فقط وأرد على سؤالك هل يقدر يرجع لكفيل أخر ؟ طبعا "مستحيل" * لأن السفاره السعوديه ماتفيز تأشيره بمهنة سائق خاص أو عامله منزليه * فقط تفيز للمهن الفنيه * وإندونيسيا أيظا ماتسمح عماله منزليه و سائقين خاص للعمل الى السعوديه بتأشيره جديده أو كفيل أخر إندونيسيا فقط تسمع للعاملات المنزليه والسائقين الخاص إللي إشتغلوا مع كفلائهم من قبل التوقيف في حالة العماله ترغب تمديد عقد جديد مع كفلائهم بشرط عقد جديد من السفاره الإندونيسيه * وإجرائات العقد في السفاره الإندونيسيه جدا سهل إذا حبيت تستفسر أكثر هذا رقمي في جاكرتا 00628179165115 |
انا ساكن بجده ، وسمعت ان عقد العمل بس في الرياض
حاليا راح السواق للسفاره وعمل ورقه اجازة من سفارته هل يحتاج عقد عمل؟ الاخ رائد والاخ زياد شاكر لكم الرد وان شاء الله ان احتجت شي بتصل فيكم |
اقتباس:
|
معلومه مهمه : طبعا في عقد الجديد مكتوب الراتب 1200ريال بالنسبة للعامله المنزليه * وكفيلها طلب مني عدم إخبار الخادمه إللي بترجع له كم مسجل راتبها * لإن الكفيل والعامله متفقين على نفس الراتب 800 ريال * فأستلمنا العقد بالبريد ومشينا الإجرائات هنا من غير العامله تقرأ العقد * وحطينا في ظرف مغلف ملصق وقلنا لها أعطي كفيلك عند وصولك في السعوديه
عاد مأدري كم راتب السواق الجديد لدى السفاره الإندونيسيه * أهم شي إنك تتفق مع السواق عن راتبه خارج راتب المسجل في العقد |
جزاك الله خير
نورتني الله ينور بصيرتك بإذن الله راح اروح للسفاره واعمل عقد عمل معاه وان شاء الله ما يزيد الراتب كثير هو حاليا ياخذ 1000 ريال انا مستعد ارفع الراتب الى 1200 وبس بس عندي استفسار كمان ي اخ زياد واعتذر عن ازعاجك اعمل للسائق عقد عمل ، وياخذ معاه نسخه لاندونيسيا او كيف يعني ايش يحتاج بعد كذا ؟ بس تذكرة سفر وجوازه وورقة اجازته ؟؟ هل لديك مكتب في اندونيسيا لاستقدام العماله ؟ |
اقتباس:
نعم السائق يأخذ معه : 1.العقد الأصلي لإندونيسيا 2. وصوره من الإقامة ساريه 3.وإذا أمكنت تقص له تذكره مره وحده لرجعته للسعوديه 4. و ورقه تأشيرة خروج وعوده فقط لاغير * نعم أنا شريك في مكتب إستقدام رسمي في جاكرتا ( مكتب هيدايه إنسان باكرجا ) رقم سجل في السفاره السعوديه بجاكرتا 238 |
إذا حبيت تتعامل مع مكتبنا بخصوص عودة السائق لكم ونمشي
إجرائته هنا بجاكرتا إحنا مستعدين وإذا السفاره الإندونيسيه طلبت منك إسم المكتب في جاكرتا إللي بيمشي إجرائات السواق فإسم مكتبنا pt.hidayah insan pekerja لأنه لازم الإجراءات في الدوائر الحكوميه عن طريق مكاتب الإستقدام الرسمي ودمتم بخير |
السلام عليكم
شاب مغربي 29 سنة مستوى جامعي و حاصل على دبلوم في الندبير ابحت على عقد عمل بدول مجلس التعاون الخليجي سواء في مجال تخصصي او كرجل امن خاص او سائق للتواصل معي :Rhoud@hotmail.fr |
| الساعة الآن 01:27 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir