الخطوط رفضوا يسفرون خدامتنا
 

ساعدونا على المافيا الاثيوبية

عندنا خدامة اثيوبية سوينا لها خروج نهائي وجينا نسفرها على الخطوط الاثيوبية لكنهم رفضوا يقصون البوردنق لها يقولون باقي لها حقوق ماستلمتها مع العلم ان فيه مسير رواتب وفيها مخالصة نهائية والاهم من هذا انها رافضة الشغل

ويوم راحت الرحلة وجيت اطلع من المطار ماحصلت الشغالة واليوم الثاني دقوا علي شرطة المطار قالو شغالتكم عندنا تعالو استلموها واحنا مانبي نستلمها لانها تهجمت على الاسرة وضربتهم

وش رايكم باللي صار وش الحل؟

وهل من حق الخطوط ترفض ركوبها الطائرة؟

ماادري ليش كل شي عندنا سايب
حتى العماله تتحكم فينا
ليش كل هذا الفساد
واحنا حقوقنا ضايعه

ايش دخل الخطوط بس عارفه هما بيوظفو كل جهاتهم لمواطنيهم ،،،، بس ايش نقول احنا اللي ماعندنا قوانين تحمي حقوقنا ،،،، شغالات يهربو شغالات يسممو و يضربو و يحرقو اطفالنا و مافي قانون يخوفهم و يخلي اي وحدة تفكر تسوي شي تحسب الف حساب قبل ما تسويه

اتركوها بالمطار. وانتبهوا ترجعونها وخلوا عنكم الطيبه الزايده خلاص طلعتولها خروج نهائي وعطيتوها حقوقها انتم برييين منها وماقالت ابرجع الا ناويه الشر فلاتجيبون المصيبه لأنفسكم وبعدين تندمون
اتركوها بالمطار
وهم بيرحلونها لمكتب الترحيل
وبعدين اسفهوهم مدام الدعوه ضايعه
ضيعه ضايعه لاتخافون ماراح يصر شي
هم بيسفرونها
لاتتهاونون وتقولون نخاف نتورط خلاص ماعليكم منها ونسوها
وعيشوا حياتكم بدون قلق
صفحتكم بيضاء

لاحوال ولا قوه الا بالله

؟؟؟؟؟؟؟؟؟؟؟؟؟

نفس الشي سار لصدقيتي الشغاله هربت والمشكله ما قصرو معها في شي حتى أي بود عندها وجوال بلاك بيري دلع زايد.. هربت علشان تاخذ حريتها استغفر الله المهم مسكتها الشرطه واتهمت الاسره انها ما دفعت رواتبها بس الحمدلله الاسره مخلينها تبصم شهر بشهرو عند اخذ الراتب والضابط كان مرا متعوان مع الاسره السعوديه المهم قالوا يالله سفروها قال الرجال طيب وطنش ولا رد على جوالوا لشهرين دقت الشغاله على تلفون اليت تبكي تعتذر تقول الله يخليك خليني ارجع جاتني امراض في جلدي لسوء العنايه حمام مشترك واحد فقط لكل العماله واكل وصخ اعطها درس مزبوووط شهرين اتعلمت النعمه الي رفستها بعدين قالها يالله انا راح اسفرك تبكي تقول تبغا ترجع وتشتغل ولكن سفرها بس ماطلهم وخليها تخلل عندهم

نعم يحق للخطوط إعادة الخادمة في حالة رفضها السفر خوفا من أن تسبب مشاكل في الطائرة .

اخذ أسماء الي رافضين وكتب فيهم معروووض ويش كبره وشرح وضعك وقدمها على أمير الريااض واذكر جميع المهزلة (ولا تنسى البداح والفقيه )ههه

أتكلم جد والله ماهي معقولة كل هذا يحصل ويجلس الواحد يول ول كأنه ناااقص.