ابغا مكتب استقدام بالرياض يجيب لي خادمة فلبينية!!!؟؟؟
السلام عليكم
من مدة وانا ابحث عن مكتب استقدام موثوق ومجرب يجيب لي خادمة فلبينية بكامل الضمانات قدمت عند البابطين يومين ورجعت اخذت التاشيرة فعلا المكتب يقدم كامل الضمانات لدرجة قالي حتى لو جتك ولا ارتحتي لها نفسيا هاتيها ونعوضك بالمبلغ او الخادمه لكن صراحه يقولي الرابت 1200 !!!؟؟ شاورت نفسي ورجعت واخذت الفيزا على ايش تاخذ 1200 وتكاليف استقدام 18 ألف ومايندرى تكون كويسة ولا شغل اي كلام المدني والجمعان قالو لي راتب الخادمه لايتجاوز الالف ريال وحسيته معقول لكن مافي ضمان للهروب!!! والاستقدام ب15 او16 ألف اخاف اقدم عندهم وتجيني شهر وتهرب رجاءا الي يعرف اي مكتب ثاني يضمن لي كل حقوقي وبراتب مايزيد عن الف ريال ومجرب يدلني عليه والله يفرجها على الجميع يارب |
حياك الله اختي الكريمه
استطيع خدمتك بإذن الله بتوفير الخادمه براتب المطلوب اذا ترغبين بذالك تواصلي معي |
عندك تااشيره من الفلبين او طلعو التااشيرات
|
عندي تأشيرة قبل التوقيف
|
يعني تقدرين تطلعين تأشيرة ؟
|
لا ماقدر اطلع تاشيرة
عندي تاشيرة خاصة فيني مطلعتها قبل يوقفون الاستقدام من الفلبين |
قدمي عند مكتب موثوق فيه حتى لو أخذ زيادة
ولاتقدمين عند شخص ثاني الا اذا كانت الفلوس بعد خروجها من موقع انجاز نصيحة |
اعتقد في كل الاحوال حقوقنا ياختي محد يضمنها للاسف ..يعني بكل حال مراح تضمنين تكون كويسه اولا تهرب اولا الا اذا المكتب عنده ذمه**وكانو يدربونهم وينتقونهم بعنايه شديده وعنده ضمان يرجع لك المبلغ اذا احد شروطك ماكان موجود ..وهذا مستحيل
|
ليش ياختي هم ياخذون مبلغ جامد للاستقدام وانا ماعندي مانع اعطيهم الي يطلبون بس اضمن حقوقي
اقلها يضمونها 3 شهور مو تجيني اليوم وتهرب بعد اسبوع! مايندرى عنهم ينتقونهم بضمير ولا الي يتقدم لهم يجيبونه لنا! بالاخير الواحد يدور مصلحته |
انا مثلك ابحث عن خادمه من الفلبين بس ساالتك وعندك تاشيره ولقيت شخص يستقدم من الفلبين للي معه تاشيره بس واتصلي بس هو استقدام شخصي
ويقول الراتب ثمان ميه اسمه عادل الصوينع 0542169095 تلاقينه يكتب في منتدى عماله اتمنى افدتك وادعي لي ان الله يرزقني فلبينيه عاجلا ويفتحون التأشيرات والاستقدام وينحل كل شي يارب |
رسيلا
قدمتي عن طريقه؟ وكم ياخذ وايش الضمانات؟ صراحه انا اخاف من الاستقدام الشخصي يعني كيف اضمن حقي ووين بلقاه لو قفل جواله واختفى! |
لاوالله ماقدمت عن طريقه لان ما عندي تاشيره اصلا
وهو رجال ثقه اصلا ويشهد ربي من تجارب الاقارب اما الضمانات اعتقد زي ضمانات المكاتب ثلاث اشهر يضمن حقك بس اتصلي واستفسري انا مو متاكده |
الساعة الآن 04:15 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir