|
مقهورة ياناس انحاشوا عن الاستقدام من اثيوبيا
السلام عليكم ورحمة الله وبركاته
اخواني خواتي اقسم بالله اني اكتب لكم وقلبي يشتعل نار والقهر ذابحني شغالتي انحاشت لها كم ساعه لها ثلاثه شهور وكم يوم عندي جنسيتها اثيوبيه وكنت اعطيها 800 مو 700 ياقهري كثير نصحوني مااخذ اثيوبيه بس زوجي الله يهديه انحاشوا تكفون لاتاخذون حبشيات والله العظيم خساره خسارة فلوس وتعب وتدريب دربتها على كل شي الى ان صارت احسن من الاندونيسيات الخبره وكانت صغيره وتحب عيالي وتمدحهم خلتني اثق فيها وخدعتني وانحاشت الله لايهنيها ولايوفقها القهر اني محتاجتها ورمضان على الابواب وماجبت فلوس تقديمها بالساهل وماعاد فيه امل اجيب غيرها حسبي الله على كل ظالم اللهم انتقم لي منها وممن ساعدها على الهرب ربي اكشفهم اللي يحز في النفس انهم مثل الطفيليات عايشين على دمنا والشرطة والجوازات يشوفونهم في الشوارع ويشوفون السواقين اللي يهربونهم ولايحركون ساكن حنا ضاعت حقوقنا وبلدنا ينسرق قدامنا وخيراتنا يتمتع بها غيرنا الحين انا دفعت دم قلبي وجبتها للبلد وانحاشت من عندي واشتغلت عند غيري بمبلغ وقدره يعني بتغتني من دم قلبي الله ينتقم منها ياربي ساعدنا ورب البيت قهر ليش يصير فينا كذا ليش مافيه نظام يحمينا ليش ياحكومتنا ليش |
لا حياة لمن تنادي
انا نفسي اخذ دينا اللي هي سيارة التحميل وارح جده ولا مكة والم من هالشعب ويكون عندي طيارة ارمي فيها واطير علئ افريقيا ومو انزلهم فالمطار لا ارميهم من الطياره رمي بلى في شكلهم سرقونا في بلدنا |
الله يعوضك خير
اللوم الاول على المواطنين اللي بيفتحون لها بيوتهم وهي تختار مين يزود بالراتب ومو شرط الحبشية بس اللي تهرب شغالتي اندنوسية وهربت واالى الان ادعي عليها وعلى من هربها وعلى من يشغلها |
قهر لو فيه نظام ماقدر احد يشغلها لكن والله ماينلامون اللي يشغلونهم
الدوله بنفسها بحركتها هذي تشجع على الخطأ وتشغيل الهاربين من العماله تلقينهم مايقدرون يستقدمون بسبب التكلفه العاليه او انهم جابوا شغالات وهربوا فكيف يروح يقدم وهو عارف انها راح تنحاش ياخذها من قاصرها ويشغل هربانه وياقلب لاتحزن والحكومه نايمه في العسل وحنا اللي اكلناها حسبي الله ونعم الوكيل |
فوضي أمرك إلي الله والله سبحانه وتعالى ماراح ينسى حقك يمكن خيره لك بدل ماتجلس عندك وتسوي في نفسها ولا فيكم لاقدر الله شي
والله يعوظك خيرمنها آمين. |
ونعم بالله
اللهم اني فوضت امري اليك اللهم رحمتك أرجو فلا تكلني إلى نفسي طرفه عين وأصلح لي شأني كله لا إله إلا أنت سبحانك إني كنت من الظالمين |
الله يعوضك خير يااختي..
|
اختي عسى ان تكرهوا شيء وهو خيرا لكم
كوني حسنة الضن بالله ما يدريكي لعل في هروبها من عندك نعمة من الله وخيرا لك ولاولادك وزوجك وان الله اراد بكم خير وصرف عنكم شر وسوف يعوضكي بخير منها |
لاحول ولا قوة الابالله
|
انا نفس حكايتك كان عندي شغالة اندنوسية وكانت مثل العسل وقدر الله علينا ونقلنا لشقة جديدة ما جلست اكثر من شهرين وانحاشت ....جيراني اللي بالعمارة كلهم يشغلون المتخلفت الشقة الواحدة فيها شغالتين لا والسواق سمسار وقلت العوض على الله بعد كم اسبوع راحت بنتي معاهم للبحر قصدي جيرانا ....لما جات قالت لي شافت الشغالة حقتي عند وحده من قرايب جارتي وانا ما سكت واجهتها قالتي لا لا ما هي عندنى .....وانا سكت قلت يعني وش ابي اسوي اخسر جارتي ونا ما اقدر اخذ حقي والجوازات لو بلغت ما تسوي شي المهم ... كنت حامل ذيك الفترة بعدها بسنه قدمة على شغالة كينيه وكانت ممتازة وزدت في راتبها تاخذ 1000 ريال وعاملتها معاملة مختلفة يعني عاملتها مثل اخت لي يعني اذا شفتها تشتغل كثير قلت لها ارتاحي لا تشتغلين او اساعدها فية ....بعد ما كملت الثلاث شهور راحت تشتكي كثر الشغل وتشتكيني لزوجي قلت لها خلاص شوفي مالك شغل غير النتظيف وغسيل الملابس و الاطفال الاتلمسينهم(ملاحظة ولدي الصغير كان تعبان واضطر اروح اراجع فية للمستشفاء ومرات ماانام الليل ...الحمد لله على كل حال) والقهوه والشاي انا اسويهم من جد كانت عندي ازمة هذيك الايام كنت مرهقة على طول والاسباب كثير (قالت لي لا يمدام انا احب الاطفال وابيهم ....ما ادري وش تبي بالضبط )؟؟ بعدها باسبوع انحاشت .الصبح بصراحة قهرتني نحشتها بس الي ذبحني انها تاركة الباب مفتوح وعندي ولد عمرة 4 سنوات الله ستر علية وما طلع وراها من جد حقدت عليها لو امسكها اقطعة باسناني بس ع شان تركتها الباب مفتوح !!! بعدها بيومين كلمت السمسار يجيب لي شغالة حبشية من المتخلفات والله ثم والله اني محتاجة لوحدة تساعدني بنتي اول سنه لها في المدرسة ويبيلها متابعة وولدي التعبان سويتله عملية ااااااااااااااااه بس كانت ممتازة علمتها على كل شي ما تسوي شي غير التنظيف وغشيل الملابس وجلست كم شهر عندي بعدها اضطريت اسافر لم اهلي في منطقة ثانية قلتلها روحي بعد ما رجعة كلمتها ورجعت عندي وكلمت جارتي عنها وانها ممتازة وسريعة ونظيفة وكل شي بعد فترة جاتني الشغالة وقالت انا تعبانة وابي اروح للبيت قلت خلاص روحي وعطيتها فلوسها وراحت ماقامت ترد علي جلست اسبوع وانا ادق عليها وماترد علي جارتي كانت حامل وتعبانه رحمتها وعطيتها رقم السمسار قلت لها كلميه يمكن يجيب لك شغالة زينة .. بعد اسبوع دقت على جارتي وقالت عندي خبر لك قلت عسى خير قالت عادي شغالتك الحبشية جبتها تشتغل عندي !!! قلت كيف قالت كلمت السمسار وارسل الشغالة لي . ( يا سبحان الله وش هذي الصدف ) والحين قدمت على شغالة حبشية ....وانا في انتظارها بفارغ الصبر ... قربت اختباراتي في الجامعة شكلي ابي اودي عيالي عند امي كم اسبوع الى ان اخلص الاختبارات ... يالله من فضلك .. الزبدة انتبهي من السعودين اذا شافو الشغالة الزينة قالو لها اتركي كفيلك واشتغلي عندي وازيدك ! الا تخذينها معاك في للعزايم ولا تخلينها لحالها اذا اذا اخذتيها معاك للسوق ...الخ وا اخيراً اتقي شر من احستن اليه |
الله يجزاكم خير يااخوان
الاخت زهره وربي شي يقهر الله يعينك ويعيني وانا مااشره على الي يشغلون الهاربات لأنهم مطرين بالعكس اللي ينشره عليهم هم اللي يقدمون لأنهم اغبياء طبقوا نظام بلد مايحترم اللي يطبقون النظام ولايحميهم هذا هو المضحك المبكي ! |
| الساعة الآن 06:53 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir