محتاجة مكتب يجيب من الهند
السلام عليكم
ابي مكتب استقدام يجيب لي شغالة من الهند والفيزا موجودة عندي ..وشكرا |
اقتباس:
|
نصيحة قبل لاتقدمين عند بعض النصابين هنا في المنتدى
الا بعد قراءة تجارب الاخرين الي قدموا عنده وانصحك اذا نط لك واحد ع الخاص وقال اجيبها لك اتفقي معه مافيه دفع الا بعد التفييز سبق ان استخرجت فيزه هنديه وقدمت عند ابو مشعل معنا بالمنتدى وبعد شهرين تقريبا قال تعال خذ اوراقك ومقدم عطيته ٥٠٠ فقط والباقي بعد التفييز انتبهي ترا فيه ناس ماتخاف الله |
لك رسالة ثانية على الخاص
|
الاخ / إشراقة الصباح أسعد الله أوقاتك عن الأخ / أبو نايف مايكفيه ألف نعم بل بيض الله وجهه يوم تسوَد الوجوه يوم القيامة أما عن طلبك خادمة من الهند إذا ماحصل إتفاق بينك وبين الاخ / ابو نايف وبعد إذنه ولا يزعل علي ، عندي لك عرض خاص لك انت فقط وذلك تحدياً للأخ الملقوف دائماً وسبق وحذرته عن لقافته المعهودة دائماً الاخ /nasser123 واللي مو مصدق كلامي يتابع ردوده ومشاركاته وهو لايعلم إنه بكلامه على الناس يكسب من الآثام والخطايا ما لايحصى ولايعد ودعوات الناس عليه تكفيه واطلب له الهداية ولايفكر اني زعلان عليه او ماخذ بخاطري عليه - أصلاً انا ما اعرفه انا فقط اعرف لقافته والمثل يقول : القافلة تسير ولاينظر أحد لمن خلفها ومن تدخل فيما لايعنيه لقي مال لايرضيه ((العرض لك فقط: استقدام الخادمة والدفع بعد وصولها داخل منزلك في أي منطقة بالمملكة)) |
هلا ابوطلال شهادتك وسام على صدري اعتز فيها .................. وانا ولله الحمد لا انظر الى التافهين والسذج امثال
nasser123 |
اقتباس:
الاتفاق يابوطلال بيكون بينك وبين اشراقة الصباح ... واتمنى لك كل خير |
نصيحة لوجه ابعدي عن ابو طلال
لانه سبق ان طلبت منه يستخرج لي تاشيره خادمه ثانيه مع ان الشروط مكتمله على الخاص طبعاً مثل خفافيش الظلام طلب مني مبلغ ٢٥٠٠ ريال هذي اتعابه فقط طلعتها من عند معقب ب200 ريال ولمافضحته في العام قال لا انا لي ٥٠٠ اتعاب و ٢٠٠٠ رسوم اصلن لو فيه خير كان جاوب على تساؤلات الاعضاء على العام واصلن هو جديد بدليل في احد المواضيع مايعرف ابجديات الاستقدام من الهند وطرح موضوعين استفسار من قدم من عنده ماحد رد ومايرفع مواضيعه الا هو انتبهي من ابو طلال وشلته وشوفي واحد ثقه نصيحه لوجه الله وراجعي مواضيع ومشاركات ابو طلال وتدرين ان ماعندك احد عرفت الحين ليش ع قولتك اتهجم عليك لانك نصاب وتبي تنصب علي بس ماقدرت |
ابوطلال قلبه نظيف .... ورجل ثقه... اما انت متطفل على المنتديات وعندك فراغ نفسي تقضية بالكتابة .. فأنني
انصحك بزيارة طبيب نفساني ... والمصاريف علي. |
اقتباس:
بارك الله فيك أبونايف وكثر الله من أمثالك أبو نايف ممكن خدمة : تتصل بالاخ / nasser123 وتبلغه عندي له تأمين طبي مجاني عشان ما يتكلف بمراجعة عيادة الصحة النفسية ،، خله يلحق عمره لأنه يتكلم بكلام فوق الخيال ولايعقل وترا العرض لازال ساري قبل سفري للهند فقط للأخ / مشراق الصباح لأن كلموني ناس يفكرون العرض للجميع مع خالص تحياتي لك أبو نايف |
لااله الا الله .. اي والله يااختي انتبهي انتبهي
|
شوفي من يرقع ويشوت
الاثنين دايم يمدحون بعض. ياخوي اذا انت صادق سو مثل غيرك عطنا من تعامل معك ونزل صور الجوازات الي تم التفييز لهم والله ثم والله اني لكي ناصح احذري من النصابين يما ناس راحت فلوسهم |
الساعة الآن 10:16 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir