للمبادله فلبينيه .........وبشكل عاجل
 

السلام عليكم ورحمة الله وبركاته


عندي عامله فلبينيه بودي ابدلها باخرى

موصفاتها عمرها 40 سنه حسب الجواز

شكلها مقبول جدا جدا وكانها ممرضه

مسيحية الديانه

محترمه وبشده مالها بكثرة القرقه

كانت معلمة انقلش وعملت جليسة اطفال ومن ثم عامله تنظيف فقط يعني سبق لها العمل بسعوديه خمس سنوات وسنغفوره ثلاث سنوات على كلامها


معها جوال ومع شدت رفضي له الا انى مالحظت عليه اى ملاحظات وكانه مو معاها لان الى قبلها محومه كبدي دايم باذنها ونبهتها على كذا قالت لا احب اطمن على عيالى بستمرار


نظيفه جدا جدا ومرتبه ومنظمه وهذا الى قطع قلبي عليها يعني عمري ماقد قلت لها ليه هذا مونظيف


نجي لسبب المبادله وان اظطريت لتنازل


بيتي كبير وتقول صعب عليها تجمع بين التنظيف والطبخ وانا موظفه ودوامي متاخر نوعا ما وصعبه اجي على المطبخ وبصراحه ماتقصر تساعد لكن والله ارحمها وحاولت ادور على طباخه لكن للاسف ماحصلت بسعر الى اقدر عليه اظافه اني اصلى صلاة استخاره وسبحان الله يطلع عيبها قبل اخذها بفضل الله المهم فتحت معها سالفت التنازل قالت ماعندي مانع اطفال او تنظيف وطبخ لكن البيت يكون صغير دور او شقه

وعلى فكره نظامها تنام بدري وتصحا من الفجر وقلت لها نامي بعد الظهر علشان تسهر معنا شوي لكن رفضت انها ماتحب تسهر


اظن قلت كل الى عندي الى عنده بديله تطبخ وتنظف بدقه وماشيه على نظام بدون زن وقرقه حياه مومهم عندي الاطفال كلهم بالمدارس والروضه ولله الحمد

والى يبي ياخذها تنازل اعذروني لازم احصل بديل وبنفس السعر راح يكون تنازلى عنها برغم عدم رغبتي بتنازل بذا الاسعار المجنونه للاسف ولا احب استغل حاجة احد لكن الله كريم يفرجها علينا يارب

كم سعر التناازل

اتمنى تعطينى خبر لأنى بحاجه لهاا

اخوي قبل الاقي بديل مقدر اقولك السعر لاني من زمان ابحث وبصراحه مابي اقولك بعشرين واثنين وعشرين وربى ماهمني الا اني الاقي بديله وانا عرضتها بمنتدا ثاني وكلمتني وحده وصلتها لى 25الف تبيها مربيه ومعلمه لعيالها قلت لها قسم بالله السعر ماهمني همي البديل لو الاقى نباليه سنعه ب15الف اعطيك اياها بنفس السعر بس دعواتك ربي يسهل لى

ارسليلي سعر التنازل خاص

الله يعافيك تنازلي لي عنها .. مرررة عندي ظرووف و محتااجة شغالة
ياليت ترسلين لي سعر التنازل او تحطين رقمك
دمتي بود

والله ردودكم تضيق صدري واحس بحاجتكم مثل حاجتي قسم بالله مابى من وراها ربح ابي وحده بديله وبسعر البديله بتاخذين حقتي بدون زياده ولانقصان اهم شي المصداقيه في العرض الله يبارك لى ولكم برزق الحلال

نصيحة لك اختي.
الكاملة ماراح تلقينها ،والبديلة ان كانت على ماتبين ماراح يفرطون فيها اصحابها.
واضح من كلامك الصدق ،ولكن لاتعتقدين ان اللي راح يتنازلون لك صادقين

استفيدي من مزاياها في هالفترة اللي بها قحط خادمات ،ومسالة انها منظمة يومها بروتين معين هذي تحسب لها

ترا حنا اللي غلط بسهرنا وفوضويتنا.

المشكلة الوحيدة لأي فلبينية انها مع الوقت تصير هي المدام والمدام مالها كرت.

والله ياعمري كلامك صحيح ولو احصل وحده تتحمل الطبخ ماعندي مشكله بلعكس فيها مزايا ماحلم بها يكفي امانتها ومصداقيتها بشغل من قلب لكن الزين مايكمل وانا ابحث عن وحده تتولى الطبخ ولظروف خاصه لكن ماحصلت للاسف دعواتك لى ياعمري برزق الحلال المبارك وان الله يعطيني على نيتي

طيب ماا ينفع تتنازلين لى فيها وانا اطبخ لتس :p

والشغااله لو اجتمعت لهاا طبخ وشغل بيت بيكون شغلهاا مو ذااك الزوود يعنى مش حاالك

هههههه ... هذي عزيز قوم ذل ..

كم لها عندك ؟

الله يسهل أمورك ياليان ويرزقك بالخادمة السنعة

على العموم إذا لقيتي شغالة أنا أدفع لك قيمتها إلى عشرين ألف شاملة كل شي . وأنا آخذ الخادمة منك .

الله يجزاكم خير والله للان ادور لى على بديله دعواتكم الله يسهل الامر يارب

لقيت وحده ب22الف وصاحبها رافض اى تنازل عن المبلغ احد يرضا بهذا المبلغ يراسلني وارجوكم لاتحرجوني انا مظطره حسبي الله ونعم الوكيل